ଭୀମସାରରେ MKCG ଡାକ୍ତରୀ ଛାତ୍ରଙ୍କୁ ଆକ୍ରମଣ : ୪ ଜଣିଆ ଟିମ୍ ଗଠିତ

Published By : Prameya-News7 Bureau | July 06, 2023 IST

ସମ୍ବଲପୁର ୬।୭: ସମ୍ବଲପୁର ବୁର୍ଲା ସ୍ଥିତ ଭୀମସାରରେ ଏମକେସିଜି ଡାକ୍ତରୀ ଛାତ୍ରଙ୍କୁ ଆକ୍ରମଣ ଘଟଣାରେ ୪ ଜଣିଆ ଟିମ୍ ଗଠିତ ହୋଇଛି ।  ଭୀମସାରର ଭାରପ୍ରାପ୍ତ ନିର୍ଦ୍ଦେଶକ ପ୍ରଫେସର ଡାକ୍ତର ବର୍ଷା ଟୁଡୁ ୪ ଜଣିଆ ଟିମ୍ ଗଠନ କରିଛନ୍ତି । ଏହି ଟିମ୍ ୨ ସପ୍ତାହ ମଧ୍ୟରେ ତଦନ୍ତ କରି ନିର୍ଦ୍ଦେଶକଙ୍କୁ ତଦନ୍ତ ରିପୋର୍ଟ ହସ୍ତାନ୍ତର କରିବେ । ଏହି କମିଟିରେ ପ୍ରଫେସର ପ୍ରକାଶ ଚନ୍ଦ୍ର ପଣ୍ଡା, ପ୍ରଫେସର ମମତା ସୋରେନ, ପ୍ରଫେସର ସତ୍ୟସାଇ ପଣ୍ଡା, ପ୍ରଫେସର ମାଳତୀ ମୁର୍ମୁ ରହିଛନ୍ତି । ଏହି ଘଟଣାରେ ବୁର୍ଲା ଥାନାରେ ଅଭିଯୋଗ ପରେ ଡିନ୍ ପ୍ରିନ୍ସିପାଲ ଡାକ୍ତର ଜୟଶ୍ରୀ ଦୋରା ଛୁଟିରେ ଗଲେ । ଜୟଶ୍ରୀ ଦୋରାଙ୍କ ଛୁଟିକୁ ନେଇ ମଧ୍ୟ ପ୍ରଶ୍ନବାଚୀ ସୃଷ୍ଟି ହୋଇଛି ।

ସେପଟେ ଏମକେସିଜି ମେଡିକାଲ୍ କଲେଜ ଛାତ୍ରଛାତ୍ରୀଙ୍କୁ ଭୀମସାରରେ ଆକ୍ରମଣ ଘଟଣାରେ ବୁର୍ଲା ଥାନାରେ ମାମଲା ରୁଜୁ ହୋଇଛି । ଭୀମସାର ଡିନ୍ ପ୍ରିନ୍ସିପାଲଙ୍କ ଏତଲା ଆଧାରରେ ପୋଲିସ ମାମଲା ରୁଜୁ କରିଥିବା ସମ୍ବଲପୁର ଏସ୍‌ପି କହିଛନ୍ତି । ଏମକେସିଜି ଛାତ୍ରଙ୍କୁ କିଏ ଓ କାହିଁକି ଆକ୍ରମଣ କଲା ସେନେଇ ତଦନ୍ତ କରିବାକୁ ଡିନ୍ ପ୍ରିନ୍ସିପାଲ ଏତଲାରେ ଉଲ୍ଲେଖ କରିଛନ୍ତି । ଭାଇରାଲ ଭିଡିଓ ଆଧାରରେ ଛାତ୍ରଙ୍କୁ ଚିହ୍ନଟ କରାଯିବ । ବୁର୍ଲା ପୋଲିସ ଏହି ଘଟଣାରେ ପଚରାଉଚରା ଆରମ୍ଭ କରିଥିବା ଏସପି କହିଛନ୍ତି ।

{"id":813350,"width":739,"height":406,"sizeSlug":"full","linkDestination":"none"}

ତେବେ ୪ରୁ ଆରମ୍ଭ ହୋଇ ୧୦ ପର୍ଯ୍ୟନ୍ତ ଚାଲିବାକୁ ଥିବା ବୁର୍ଲା ଭୀମସାରରେ କ୍ରୀଡା, ସାଂସ୍କୃତିକ ଆନ୍ତଃ କଲେଜ ଉତ୍ସବ ଇଉଫୋରିଆ କାର୍ଯ୍ୟକ୍ରମରେ ଯୋଗ ଦେବାକୁ ଏକ ବସ୍‌ରେ ଯାଇଥିଲେ ଏମକେସିଜି ମେଡିକାଲ କଲେଜର ଛାତ୍ରଛାତ୍ରୀ । ହେଲେ ସେଠାରେ ପହଞ୍ଚିବା ପରେ କୌଣସି କଥାକୁ ନେଇ ଏମକେସିଜି ଛାତ୍ରଛାତ୍ରୀଙ୍କ ବସ୍‌ ଭାଙ୍ଗିବା ସହ ସେମାନଙ୍କ ଉପରକୁ ଭୀମସାର ଛାତ୍ରଗୋଷ୍ଠୀ ପଥର ମାଡ଼ କରିଥିବା ଅଭିଯୋଗ ହୋଇଛି । ଏପରିକି ଅଗ୍ନିନିର୍ବାପକ ଯନ୍ତ୍ର ବାହାର କରି ଛାତ୍ରଛାତ୍ରୀ ମୁହଁରେ ମାରିବାରୁ ଏମକେସିଜିର ଜଣେ ଛାତ୍ର ଆହତ ହୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି ।

ବୁଧବାର ସକାଳେ ଏମକେସିଜିରର ସମସ୍ତ ଛାତ୍ରଛାତ୍ରୀ ବ୍ରହ୍ମପୁରରେ ପହଞ୍ଚିଥିଲେ । ସମସ୍ତେ ସୁସ୍ଥ ଥିବା ଏମକେସିଜି ଅଧ୍ୟକ୍ଷ କହିଥିଲେ । ଘଟଣାକୁ ନେଇ ସେ ଦୁଃଖ ପ୍ରକାଶ କରିବା ସହ ଭୀମସାର କର୍ତ୍ତୃପକ୍ଷଙ୍କ ସହ କଥା ହୋଇଥିବା କହିଥିଲେ । ଭୀମସାର ଅଧ୍ୟକ୍ଷ ଘଟଣାକୁ ନେଇ ମର୍ମାହତ ଥିବା ଏମକେସିଜି ଅଧ୍ୟକ୍ଷ କହିଛନ୍ତି । ତେବେ ଏହି ଘଟଣାରେ ଏମ୍‌କେସିଜି ମେଡିକାଲ କଲେଜ ଛାତ୍ରଛାତ୍ରୀଙ୍କ ମାନବାଧିକାର ଉଲ୍ଲଂଘନ ହୋଇଥିବା ନେଇ ବ୍ରହ୍ମପୁରର ଜଣେ ମାନବାଧିକାର କର୍ମୀ ଏକ ପିଟିସନ୍ ଦାଖଲ କରିଛନ୍ତି । 

You Can Read :

wp:embed {"url":"https://www.prameyanews7.com/vehicle-damaged-in-wall-collapses-in-cuttack/","type":"wp-embed","providerNameSlug":"prameya-news-7"}
https://www.prameyanews7.com/vehicle-damaged-in-wall-collapses-in-cuttack/
/wp:embed

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.