ମୁମ୍ଵାଇ ୧୮।୦୨: ସାଉଥର ସୁପରଷ୍ଟାର ଅଲ୍ଲୁ ଅର୍ଜୁନ୍ । ୨୦୨୧ ଶେଷରେ ମୁକ୍ତିଲାଭ କରିଥିବା ପୁଷ୍ପା ଚଳଚ୍ଚିତ୍ର ବଡ ପରଦାରେ ଧମାଲ କରିଥିଲା । ଅଲ୍ଲୁଙ୍କ ଅଭିନୀତ ଫିଲ୍ମ ପୁଷ୍ପା ଦ ରାଇଜ୍‌ ରିଲିଜ୍‌ ହେବାର ବହୁଦିନ ବିତିଗଲାଣି । ତଥାପି ଏହି ଚଳଚ୍ଚିତ୍ରର କ୍ରେଜ୍ ଲୋକମାନଙ୍କ ମଧ୍ୟରେ ରହିଛି। ଫିଲ୍ମର ଡାଇଲଗ୍‌ ଠାରୁ ଆରମ୍ଭ କରି ଏହାର ଗୀତ ପର୍ଯ୍ୟନ୍ତ ସମସ୍ତ ଲୋକଙ୍କ ମୁହଁରେ ରହିଛି । ଏହି ସମୟରେ, ‘ପୁଷ୍ପା ୨’ ବିଷୟରେ ଦୁଇଟି ବଡ ଖବର ସାମ୍ନାକୁ ଆସିଛି।

ପୁଷ୍ପା ୨ରେ ‘ଓଓ ଆଣ୍ଟୱା’ ଗୀତରେ ନାଚିଥିବା ସାମନ୍ଥାଙ୍କୁ ତ ଦେଖିବାକୁ ମିଳିବନି । କାହିଁକି ନା ସେ ଏହି ଅଫରକୁ ରିଜେକ୍ଟ କରିଥିଲେ । ଗଣମାଧ୍ୟମ ରିପୋର୍ଟ ଅନୁଯାୟୀ, ସାମନ୍ଥାଙ୍କୁ ପୁଷ୍ପା ଦି ରୁଲ୍‌ରେ ଏକ ଆଇଟମ୍ ଗୀତ ମଧ୍ୟ ପ୍ରଦାନ କରାଯାଇଥିଲା, କିନ୍ତୁ ଅଭିନେତ୍ରୀ ଏହି ଗୀତ କରିବାକୁ ମନା କରି ଦେଇଛନ୍ତି, କିନ୍ତୁ ଏପର୍ଯ୍ୟନ୍ତ ଏହା ଅଫିସିଆଲ ସ୍ତରରେ ନିଶ୍ଚିତ ହୋଇନାହିଁ।

ଖବର ଅନୁଯାୟୀ, କୁହାଯାଉଛି କି ସାମନ୍ଥା ପୁଷ୍ପା ୨ରେ ତିନି ମିନିଟର ଗୀତ କରିବାର ଥିଲା। ଏହି ଗୀତ ପାଇଁ ନିର୍ମାତାମାନେ ସାମନ୍ଥାଙ୍କୁ ପାଞ୍ଚ କୋଟି ଫି ପ୍ରଦାନ କରିଥିଲେ, କିନ୍ତୁ ସାମନ୍ଥା ଏହି ଡିଲକୁ ନା କହିଛନ୍ତି। ସାମନ୍ଥା କହିଛନ୍ତି ଯେ ସେ ତାଙ୍କ କ୍ୟାରିୟରର ଏହି ପର୍ଯ୍ୟାୟରେ ଆଇଟମ୍ ଗୀତ କରିବାକୁ ଚାହୁଁନାହାଁନ୍ତି। ଅନ୍ୟପକ୍ଷରେ ଫିଲ୍ମର ନିର୍ଦ୍ଦେଶକ ସୁକୁମାର ଏବଂ ପୁରା ଟିମ୍ ସାମନ୍ଥାଙ୍କୁ ଶାନ୍ତ କରିବାକୁ ଚେଷ୍ଟା କରୁଛନ୍ତି।ଏବଂ ଫିଲ୍ମର ଆଇଟମ୍‌ ଡ୍ୟାନ୍ସ ପାଇଁ ମନାଇବାକୁ ଚେଷ୍ଟା କରୁଛନ୍ତି।