କଳାହାଣ୍ଡି: କଳାହାଣ୍ଡି ଜିଲ୍ଲାର ଥୁଆମୂଳ ରାମପୁର ବ୍ଲକ ଅନ୍ତର୍ଗତ କିଆପଦର ଗାଁରେ ଅଭାବନୀୟ ଘଟଣା । ପାରିବାରିକ କଳହରୁ ବଡ଼ ଭାଇକୁ ଗୁଳି ମାରିଲା ସାନ ଭାଇ । ସାନ ଭାଇର ଗୁଳିମାଡ଼ରେ ବଡ ଭାଇ ଗୁରୁତର ଆହତ ହୋଇଛି। ଆହତ ବଡ଼ ଭାଇ ହେଲେ କିଆପଦର ଗାଁର ଯୁବରାଜ ପାଣ୍ଡେ(୬୦) ।
ସୂଚନା ଅନୁସାରେ, ସେ ଘର ବାହାରେ ଠିଆ ହେଇଥିବା ସମୟରେ ତାଙ୍କ ସାନ ଭାଇ କାର୍ତ୍ତିକ ପାଣ୍ଡେ କିଛି ପାରିବାରିକ କଳହକୁ ନେଇ ତାଙ୍କୁ ଏକ ଦେଶୀ ବନ୍ଧୁକରୁ ପଛପଟୁ ଗୁଳି ମାରିଥିଲେ । ଗୁରୁତର ଅବସ୍ଥାରେ ପରିବାର ଲୋକେ ତାଙ୍କୁ ଭବାନୀପାଟଣା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ଯୁବରାଜ ଦେହରେ ୨ଟି ଗୁଳି ବାଜିଥିବା ଜଣାପଡିଛି । ତାଙ୍କ ଦେହରୁ ଏଯାଏଁ ଗୁଳି ବାହାର କରାଯାଇ ପାରିନି । ଏ ନେଇ କର୍ଲାପାଟ ଥାନାରେ ଏକ ମାମଲା ରୁଜ୍ଜୁ ହେଇଥିବା ବେବେଳେ ଘଟଣାସ୍ଥଳରେ କର୍ଲାପାଟ ପୋଲିସ ପହଞ୍ଚି ତଦନ୍ତ ଚଳାଇଛି।
