ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ମହିଳା ଉଦ୍ୟୋଗୀଙ୍କ ପାଇଁ ହେବ ଶିଳ୍ପ ପାର୍କ, ମେକ୍‌ ଇନ୍‌ ଓଡିଶା କନ୍‌କ୍ଲେଭ୍‌ରେ ମୁଖ୍ୟମନ୍ତ୍ରୀଙ୍କ ଘୋଷଣା
  • ||
  • ଭୁବନେଶ୍ୱର: ଇଡିରେ ହାଜର ହେଲେ ଶିବ ପ୍ରସାଦ, ଅର୍ଚ୍ଚନାଙ୍କ ସହ ଟଙ୍କା କାରବାର ନେଇ ଦ୍ୱିତୀୟ ଥର ହାଜିରା
  • ||
  • କୋଣାର୍କ: ଦର୍ଶକଙ୍କ ମନ ମୋହୁଛି ମହୋତ୍ସବ, ଦ୍ୱିତୀୟ ସଂଧ୍ୟାରେ ଦର୍ଶକଙ୍କୁ ଆକର୍ଷିତ କଲା ମଣିପୁରୀ ନୃତ୍ୟ
  • ||
  • ଉମରକୋଟ : ଗଛକୁ ପିଟିଲା କାର୍‌ , ତିନି ମୃତ, ଦୁଇ ଗୁରୁତର
  • ||

ନବୀନ ନିବାସରେ ମଧ୍ୟାହ୍ନ ଭୋଜନ କରିବା ସହ ନବୀନଙ୍କ ସହିତ ସେଲଫି ନେଲେ ଏ.ଆର.ରେହମାନ

23/11/2018 at 7:07 PM

ଭୁବନେଶ୍ୱର ୨୩/୧୧ : ହକି ବିଶ୍ବକପ ଉଦଘାଟୀନ କାର୍ଯ୍ୟକ୍ରମ ଅନୁଷ୍ଠିତ ହେବାକୁ ଥିବା କଳିଙ୍ଗ ଷ୍ଟାଡିୟମ ଏବଂ ବାରବାଟୀ ଷ୍ଟେଜ ପରିଦର୍ଶନ କରିଛନ୍ତି ସଙ୍ଗୀତଜ୍ଞ ଏ.ଆର. ରେହମାନ । ଏହି ଅବସରରେ ସେ ନବୀନ ନିବାସରେ ମୁଖ୍ୟମନ୍ତ୍ରୀଙ୍କୁ ଭେଟିବା ସହ ମଧ୍ୟାହ୍ନ ଭୋଜନ କରିଛନ୍ତି। ହକି ବିଶ୍ବକପର ଉଦଘାଟନୀ ସଙ୍ଗୀତ କେମିତ ପ୍ରସ୍ତୁତ କରିଛନ୍ତି ତାର ଗୁମର ସେ ନବୀନ ନିବାସରେ ଖୋଲିଛନ୍ତି । ଆସନ୍ତା ୨୭ ଓ ୨୮ ଦୁଇଦିନ ହକି ବିଶ୍ବକପ ଉଦଘାଟନୀ ଉତ୍ସବରେ ସଙ୍ଗୀତ ପରିବେଷଣ କରିବେ ରେହମାନ । ….

ନବୀନ ନିବାସରେ ଏ.ଆର. ରେହମାନ। ହକି ବିଶ୍ବକପ ଉଦଘାଟନୀ ଉତ୍ସବରେ ଯୋଗ ଦେବା ପୂର୍ବରୁ ମୁଖ୍ୟମନ୍ତ୍ରୀଙ୍କୁ ସାକ୍ଷାତ କରିଛନ୍ତି । ସାଢ଼େ ଦୁଇଟାରେ ନବୀନ ନିବାସରେ ପହଞ୍ଚିଥିଲେ ଓସ୍କାର ବିଜୟୀ ଏ ଆର ରେହମାନ। ମୁଖ୍ୟମନ୍ତ୍ରୀ ବି ତାଙ୍କୁ ମଧ୍ୟାହ୍ନ ଭୋଜନରେ ଆପାୟିତ କରିବାକୁ ଅପେକ୍ଷା କରିଥିଲେ। ନବୀନ ନିବସରେ ରେହମାନ ପହଞ୍ଚୁ ପହଞ୍ଚୁ ସିଧା ଭିତରକୁ ଯାଇଥିଲେ । ମଧ୍ୟାହ୍ନ ଭୋଜନ କରିସାରିବା ପରେ ମୁଖ୍ୟମନ୍ତ୍ରୀ ହକି ବିଶ୍ବକପ ଉଦଘାଟନ ଉତ୍ସବର ରଙ୍ଗାରଙ୍ଗ କାର୍ଯ୍ୟକ୍ରମ ବିଷୟରେ ଆଲୋଚନା କରିଥିଲେ। ରେହମାନଙ୍କ ପାଇଁ ନବୀନ ନିବାସରେ ସ୍ବତନ୍ତ୍ର ଖାଦ୍ୟ ପାନୀୟର ବ୍ୟବସ୍ଥା କରାଯାଇଥିଲା । ମୁଖ୍ୟମନ୍ତ୍ରୀ ତାଙ୍କୁ ଜଣେ ଉତ୍ତମ ବନ୍ଧୁ ଭଳି ଆପାୟିତ କରିଥିବା ରେହମାନ କହିଛନ୍ତି। ସେହିପରି ନବୀନ କହିଛନ୍ତି ଏ ଆର ରେହମାନଙ୍କୁ ମିଲିୟନସ ଫ୍ୟାନ ଉତ୍‌କଣ୍ଠାର ସହ ଅପେକ୍ଷା କରିଛନ୍ତି ।…

ଓସ୍କାର ବିଜୟୀ  ସଙ୍ଗୀତ ନିର୍ଦେଶକ ଏ ଆର ରେହମାନ ହକି ବିଶ୍ବକପ ଉଦଘାଟନୀ ଉତ୍ସବରେ ସଙ୍ଗୀତ ପରିବେଷଣ କରିବେ। ୨୭ ତାରିଖରେ କଳିଙ୍ଗ ଷ୍ଟାଡିୟମରେ ୪ରୁ ୫ଟି ଗୀତ ପରିବେଷଣ କରିବାକୁ ଥିବା ବେଳେ ୨୮ରେ କଟକରେ ରହିଛି ମ୍ୟୁଜିକ କନସର୍ଟ କାର୍ଯ୍ୟକ୍ରମ । ହକି ବିଶ୍ବକପ ଉଦଘାଟନୀ ଗୀତ ପ୍ରସ୍ତୁତ କରିବାରେ ରେହମାନଙ୍କୁ ଲାଗିଥିଲା ତିନି ମାସ । ସେ ଆମେରିକାରେ ଥିବାବେଳେ ଗୁଲଜାର ଲେଖିଥିଲେ ଗୀତ । ଏହାର ପିକଚରରାଇଜେସନ ଓଡିଶା, ମୁମ୍ବାଇ ଏବଂ ଚେନ୍ନାଇରେ କରାଯାଇଛି ।…

 ହକି ଉଦଘାଟନୀ ଉତ୍ସବରେ ରେହମାନଙ୍କ ଶୋ ହେବ ଓଡିଶାରେ  ପ୍ରଥମ ଶୋ । ହେଲେ ତା ପୂର୍ବରୁ କଳିଙ୍ଗ ଷ୍ଟାଡିୟମ ଏବଂ ବାରବାଟୀ ଷ୍ଟେଜ ବୁଲି ଦିଲ୍ଲୀ ଫେରିଯାଇଛନ୍ତି ମ୍ୟୁଜିକ୍ ମାଷ୍ଟ୍ରୋ ।

   Related Posts