ନୂଆଦିଲ୍ଲୀ: ଜମ୍ମୁ-କାଶ୍ମୀର ବାରାମୂଳାରେ ଆତଙ୍କବାଦୀଙ୍କ ଆକ୍ରମଣରେ ଜଣେ ପୋଲିସକର୍ମୀ ଶହୀଦ ହୋଇଛନ୍ତି। ଶହୀଦ ପୋଲିସକର୍ମୀଙ୍କ ନାଁ ଗୁଲାମ ମୋହମ୍ମଦ ଡାର। ଆତଙ୍କବାଦୀ ବେଲୁ କ୍ରାଲପୋରା ଗାଁରେ ପୋଲିସକର୍ମୀଙ୍କ ଘରେ ପଶି ଗୁଳି ମାରିଥିଲେ। ଡାର ପୋଲିସ୍ ହେଡ କନଷ୍ଟେବଳ ଭାବରେ ନିୟୋଜିତ ଥିଲେ।
ଅଜଣା ଆତଙ୍କବାଦୀଙ୍କ ଆକ୍ରମଣରେ ଗୁଲାମ ମୋହମ୍ମଦ ଡାର ଗୁରୁତର ଭାବରେ ଆହତ ହୋଇଥିଲେ। ତାଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଥିଲା। ହେଲେ ଗରୁତର ଡାରଙ୍କ ମୃତ୍ୟୁ ହୋଇଥିଲା।
ଆହୁରି ପଢ଼ନ୍ତୁ: ଜମ୍ମୁ-କାଶ୍ମୀର ଅନନ୍ତନାଗରେ ସେନା-ଆତଙ୍କବାଦୀ ଏନକାଉଣ୍ଟର: କର୍ଣ୍ଣେଲ, ମେଜର ଏବଂ ଡିଏସପି ସହିଦ
ଜମ୍ମୁ-କାଶ୍ମୀରରେ ତିନି ଦିନରେ ଏହା ତୃତୀୟ ଆତଙ୍କୀ ଆକ୍ରମଣ ଘଟଣା। ସେହିଭଳି ତିନି ଦିନରେ ପୋଲିସ୍ ଉପରେ ଏହା ଦ୍ବିତୀୟ ମାମଲା। ରବିବାର ଶ୍ରୀନଗରରେ ଇନସ୍ପେକ୍ଟର ମସୂର ଅଲୀଙ୍କ ଉପରେ ଆକ୍ରମଣ ହୋଇଥିଲା। ସେ ଆହତ ହୋଇ ଏବେବି ହସ୍ପିଟାଲରେ ଚିକିତ୍ସିତ ହେଉଛନ୍ତି।
