ନାରାୟଣପାଟଣା: ଚାଷ କାମ ସାରି କୁଡିଆରେ ବିଶ୍ରାମ ନେଉଥିବାବେଳେ ଅଘଟଣ। ବଜ୍ରପାତରେ ମାରିବାରୁ ହେଲେ ଗୁରୁତର। ଘଟଣା ଘଟିଛି ବାଲିପେଟା ପଞ୍ଚାୟତର ଗତିଗୁଡା ଗାଁରେ । ଆହତଙ୍କ ନାଁ ପଦ୍ମନ ମେଲେକା।
ସୂଚନା ଅନୁଯାୟୀ, ଚାଷ କାମ ସାରି ଅପରାହ୍ନରେ ପଦ୍ମନ ନିଜ ପରିବାର ସହ ବିଲ ନିକଟ କୁଡିଆରେ ବିଶ୍ରାମ ନେଉଥିଲେ। ହେଲେ ଏହି ସମୟରେ କୁଡିଆ ନିକଟରେ ହିଁ ବିଜୁଳି ସହ ବଜ୍ରପାତ ହୋଇଥିଲା । ଫଳରେ ଏଥିରେ ଗୁରୁତର ହୋଇପଡିଥିଲେ ପଦ୍ମନ। ତେବେ ୧୦୮ ଆମ୍ବୁଲାନ୍ସ ଯୋଗେ ତାଙ୍କୁ ଗୁରୁତର ଅବସ୍ଥାରେ ନାରାୟଣପାଟଣା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ଅବସ୍ଥା ସଙ୍କଟାପନ୍ନ ହେବାରୁ ତୁରନ୍ତ କୋରାପୁଟ ଶହୀଦ ଲଖ୍ମଣ ନାୟକ ମେଡିକାଲକୁ ସ୍ଥାନାନ୍ତରିତ କରାଯାଇଛି ।
