ଭୁବନେଶ୍ଵର:  ରାଜଧାନୀରେ ବିଶାଳ ସମାବେଶ କରି ଉଭୟ ରାଜ୍ୟ ଓ କେନ୍ଦ୍ର ସରକାରଙ୍କ ଉପରେ ବର୍ଷିଛନ୍ତି ଏଆଇସିସି ମହିଳା ସଭାନେତ୍ରୀ ଅଳକା ଲାମ୍ବା।  ସେ କହିଛନ୍ତି,  ଉଭୟ ରାଜ୍ୟ ଓ କେନ୍ଦ୍ର ସରକାର ମହିଳାଙ୍କ ସୁରକ୍ଷା ପ୍ରତି ଉଦାସୀନ । ତେଣୁ ମହିଳାଙ୍କ ଅବସ୍ଥା ଅଧିକରୁ ଅଧିକ ଖରାପ ହୋଇଛି । ବେରୋଜଗାରୀ, ନାରୀ ସୁରକ୍ଷା, ସ୍ବାସ୍ଥ୍ୟ, ଶିକ୍ଷା ଆଦି ବିଭିନ୍ନ ପ୍ରସଙ୍ଗରେ ଟାର୍ଗେଟ୍ କରିଛନ୍ତି ।

wp:heading {"level":4}

Also read- ଆସନ୍ତା୨୨ରେ ଓଡ଼ିଶା ଆସିବେ ରାଜନାଥ: ନବରଙ୍ଗପୁର, ଗଞ୍ଜାମ ଓ ମୟୂରଭଞ୍ଜର ବିଭିନ୍ନ କାର୍ଯ୍ୟକ୍ରମରେ ଦେବେ ଯୋଗ

/wp:heading

ଭୁବନେଶ୍ବରରେ ଗର୍ଜିଛନ୍ତି ଭାରତୀୟ ମହିଳା କଂଗ୍ରେସ ସଭାନେତ୍ରୀ ଅଳକା ଲାମ୍ବା। ବିଭିନ୍ନ ପ୍ରସଙ୍ଗରେ କେନ୍ଦ୍ର ଓ ରାଜ୍ୟ ସରକାର ଉପରେ ବର୍ଷିଛନ୍ତି । ଯୁବକ ଯୁବତୀଙ୍କ ରୋଜଗାର ପ୍ରସଙ୍ଗ ଉଠାଇବା ସହ ମହିଳାଙ୍କ ସୁରକ୍ଷା କଥା ଉଠାଇଛନ୍ତି । କହିଛନ୍ତି ମହିଳା ଚାହିଁଲେ ସବୁ କିଛି କରିପାରିବେ। ସରକାର ବଦଳାଇଦେବେ । ଖୁବ୍ ଶିଘ୍ର ମହିଳାଙ୍କ ସୁରକ୍ଷା ଓ ନ୍ୟାୟ ଦେବା ଦାବିରେ ମହିଳା କଂଗ୍ରେସ ସବୁ ଜିଲ୍ଲାରେ ନାରୀ ନ୍ୟାୟ ପଦଯାତ୍ରା କରିବବୋଲି ଘୋଷଣା କରିଛନ୍ତି । ଏହି ନ୍ୟାୟ ଯାତ୍ରା ମାଧ୍ୟମରେ ପ୍ରତି ଘରେ ପହଞ୍ଚି ମହିଳା ମାନଙ୍କ ସମସ୍ୟା ଓ ସମାଧାନ ଉପରେ କଥା ହେବ ମହିଳା କଂଗ୍ରେସ। ଏଥର ନିର୍ବାଚନରେ ମହିଳାଙ୍କୁ ଅଧିକ ଟିକେଟ ଦେବାକୁ ପିସିସି ସଭାପତିଙ୍କୁ ସେ ଅନୁରୋଧ କରିଥିଲେ ।

{"id":912061,"sizeSlug":"full","linkDestination":"none"}

ମହିଳା କଂଗ୍ରେସ କର୍ମୀଙ୍କୁ ଉଦ୍ବୋଧନ ପରେ ଅଳକା ଲାମ୍ବା ରାଜ୍ୟ କଂଗ୍ରେସର ମହିଳା ନେତ୍ରୀ ଓ କର୍ମୀଙ୍କ ସହ  ରାଜରାସ୍ତାରେ ବିକ୍ଷୋଭ ପ୍ରଦର୍ଶନ ପାଇଁ ଓହ୍ଲାଇଥିଲେ । କଂଗ୍ରେସ ଭବନରୁ ମାଷ୍ଟାର କ୍ୟାଣ୍ଟିନ୍ ଅଭିମୁଖେ ଯାଉଥିବା ବେଳେ କଂଗ୍ରେସ ସଭାପତି ଶରତ ପଟ୍ଟନାୟକଙ୍କ ସମେତ ଅଳକା ଲାମ୍ବାଙ୍କୁ ପୋଲିସ ଗିରଫ କରିଥିଲା ।

ସେହିଭଳି ଏକ ସାମ୍ବାଦିକ ସମ୍ବିଳନୀରେ ଅଳକା କହିଥିଲେ ରାଜ୍ୟର ମହିଳା ମାନଙ୍କୁ ଆର୍ଥିକ ଶସକ୍ତ ସହ ସ୍ବାବଲମ୍ବୀ କରିବାକୁ ସେମାନଙ୍କୁ ଛୋଟ ଛୋଟ ସମହୁ କରି ସାନିଟାରୀ ନାପକିନ ମେସିନ ଦେବ ମହିଳା କଂଗ୍ରେସ । ଗରିବ ମହିଳା, ଆଦିବାସୀ ମହିଳା ମାନଙ୍କୁ ଏହି ମେସିନ ଫ୍ରିରେ ଦିଆଯିବ। ନିର୍ବାଚନ ପୂର୍ବରୁ କଂଗ୍ରେସର ମହିଳା ସମାବେଶ କର୍ମୀଙ୍କୁ ଉତ୍ସାହ ଯୋଗାଇଛି। ୨୦୨୪ ନିର୍ବାଚନରେ କିଭଳି କଂଗ୍ରେସ ଲଢିବ ଅଧିକରୁ ଅଧିକ ସଫଳତା ପାଇବ ସେନେଇ ରଣନୀତି ପ୍ରସ୍ତୁତ କରୁଛି।