ନୂଆଦିଲ୍ଲୀ ୪।୧୨: ଦକ୍ଷିଣ ଆଣ୍ଡାମାନ ସମୁଦ୍ର ଓ ଏହା ସଲଗ୍ନ ଭୂ-ମଧ୍ୟରେଖୀୟ ହୀନ୍ଦ ମହାସାଗରର ମଲାକା ଷ୍ଟ୍ରେଟ୍ରେ ରବିବାର ଏକ ଘୂର୍ଣ୍ଣିବଳୟ ସୃଷ୍ଟି ହୋଇଛି। ଏହାର ପ୍ରଭାବରେ ଦକ୍ଷିଣ ଆଣ୍ଡାମାନ ସାଗର ସଲଗ୍ନ ଦକ୍ଷିଣ-ପୂର୍ବ ବଙ୍ଗୋପସାଗରରେ ଡିସେମ୍ବର ୫ ତାରିଖ ସୁଦ୍ଧା ଏକ ଲଘୁଚାପ କ୍ଷେତ୍ର ସୃଷ୍ଟି ହେବାର ସମ୍ଭାବନା ରହିଛି। ଏହା ଉତ୍ତର-ପଶ୍ଚିମ ଉତ୍ତର ଦିଗକୁ ଗତିକରିବା ସହ ଡିସେମ୍ବର ୭ ତାରିଖ ସକାଳ ବେଳକୁ ଅବପାତର ରୂପ ନେବ।
{"id":717181,"sizeSlug":"full","linkDestination":"none"}
ଏହା ଲଗାତାର ପଶ୍ଚିମ-ଉତ୍ତରପଶ୍ଚିମ ଦିଗରେ ଗତି କରି ଡିସେମ୍ବର ୮ ତାରିଖ ସକାଳ ସୁଦ୍ଧା ଦକ୍ଷିଣ-ପଶ୍ଚିମ ବଙ୍ଗୋପସାଗରର ଉତ୍ତର ତାମିଲନାଡୁ-ପୁଡୁଚେରୀ ଓ ସଲଗ୍ନ ଦକ୍ଷିଣ ଆନ୍ଧ୍ରପ୍ରଦେଶ ଉପକୂଳରେ ଭୂ-ଭାଗକୁ ପ୍ରବେଶ କରିବ। ଏହାର ପ୍ରଭାବରେ ରବିବାର ପାଗ ମେଘୁଆ ରହିଛି। ଘୂର୍ଣ୍ଣିବଳୟ ଉପରେ ନଜର ରଖା ଯାଇଥିବା ବେଳେ ଏହାର ପରବର୍ତ୍ତି ପରିବର୍ତ୍ତନ ସମ୍ପର୍କରେ ସୂଚନା ଦିଆଯିବ ବୋଲି ଭାରତୀୟ ପାଣିପାଗ ବିଭାଗଙ୍କ ୱେବ୍ ସାଇଟ୍ ରେ ସୂଚିତ କରଯାଇଛି।
