ପାଟଣା ୨୭/୦୧: କେନ୍ଦୁଝର ଜିଲ୍ଲା ପାଟଣା ବ୍ଲକ ଛକ ପାଖରେ ପ୍ରମିଳା ଜୁଏଲାରି ନିକଟରେ ଘଟିଛି ଅଘଟଣ। ଓଡ଼ି ୦୨ ଟି ୦୫ ୮୬ ନମ୍ବର ବିଶିଷ୍ଟ ଏକ ଇନୋଭା କାରଟି ଛିଡା ହୋଇଥିବା ବେଳେ କାର ଉପରେ ଏକ ପୁରୁଣା ଚାକୁଣ୍ଡା ଗଛ ଖସି ପଡ଼ିଥିଲା। ଫଳରେ କାର ଭିତରେ ଥିବା ଚାଳକ ସହ ଶିଶୁ ୭ ବର୍ଷର ଝିଅ ଫସି ରହିଥିଲେ। କାର ଭିତରେ ଫସି ରହିଥିବା ଚାଳକ ଓ ଝିଅଙ୍କୁ ସ୍ଥାନୀୟ ଲୋକେ ଉଦ୍ଧାର କରିଛନ୍ତି।

ଫଳରେ ସେମାନେ ଏକ ଆସନ୍ନ ବିପଦରୁ ଅଳ୍ପକେ ବର୍ତ୍ତି ଯାଇଛନ୍ତି। ଗଛଟି ରାସ୍ତା ଉପରେ ଖସି ପଡିବା ଫଳରେ ରାସ୍ତାର ଉଭୟ ପାର୍ଶ୍ୱରେ ଶହ ଶହ ଗାଡି ମୋଟର ଅଟକି ରହିଛି। ଘଟଣାସ୍ଥଳରେ ପାଟଣା ଥାନାଧିକାରୀ ମନୋରଞ୍ଜନ ପ୍ରଧାନ ସେଠାକାର ପରିସ୍ଥିତି ଉପରେ ନଜର ରଖିଛନ୍ତି। ଅନ୍ୟପଟେ ଅଗ୍ନିଶମ କର୍ମଚାରୀ ପହଞ୍ଚି ଗଛ କାଟି ରାସ୍ତା ସଫା କରୁଥିବା ଦେଖିବାକୁ ମିଳିଛି।