AKK 2023
Hari omm 2
AKK2023
hari om films
WEB_F-8
HARI-OMM_728X90_B
WEB_F-9
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଝାରସୁଗୁଡାରେ କ୍ରାଇମବ୍ରାଞ୍ଚ ତନାଘନା, ଗୁଳିମାଡ଼ ସ୍ଥାନରେ ମେଟାଲ ଡିଟେକ୍ଟର ଯାଞ୍ଚ
  • ||
  • କଟକ: ସବ ରେଜିଷ୍ଟ୍ରାର ଅଫିସରେ ଅଗ୍ନିକାଣ୍ଡ, ରେକର୍ଡ ରୁମ୍‌ରେ ଲାଗିଲା ନିଆଁ
  • ||
  • ଭୁବନେଶ୍ୱର: ଜେଲ୍‌ରେ ପରୀକ୍ଷା ଦେବେ ଅର୍ଚ୍ଚନା, ଅନୁମତି ଦେଇଥିଲେ କୋର୍ଟ
  • ||

୯ ବର୍ଷର ପିଲା IPL ମ୍ୟାଚ୍ ଦେଖି ବଗିଚାରେ ଶିଖୁଥିଲା କ୍ରିକେଟ୍, ଆଜି ଲିଗ୍‌ର ସବୁଠୁ ଦାମୀ ଖେଳାଳି

23/12/2022 at 7:26 PM

ନୂଆଦିଲ୍ଲୀ: ଇଣ୍ଡିଆନ ପ୍ରିମିୟର ଲିଗ୍‌ ୨୦୨୩(ଆଇପିଏଲ) ପାଇଁ ଶୁକ୍ରବାର କୋଚିରେ ଚାଲିଥିବା ମିନି ନିଲାମରେ ଲିଗ୍‌ର ଇତିହାସରେ ସବୁଠୁ ବଡ ରେକର୍ଡ ସୃଷ୍ଟି ହୋଇଛି। ନିଲାମରେ ଜଣେ ଯୁବ ଖେଳାଳିଙ୍କ ଉପରେ ଏମିତି ଟଙ୍କା ବର୍ଷା ହୋଇଛି ଯେ, ଆଜି ପର୍ଯ୍ୟନ୍ତ ଦୁନିଆର କୌଣସି ଖ୍ୟାତାନାମା କ୍ରିକେଟ୍‌ଙ୍କ ଉପରେ ଏମିତି ହୋଇ ନଥିଲା। ଇଂଲଣ୍ଡର ୨୪ ବର୍ଷୀୟ ଅଲରାଉଣ୍ଡର ସାମ କୁରନଙ୍କୁ ପଞ୍ଜାବ କିଙ୍ଗ୍ସ ୧୮ କୋଟି ୫୦ ଲକ୍ଷ ଟଙ୍କାରେ ନିଜ ଦଳରେ ସାମିଲ୍ କରିଛି। ଲମ୍ବା ବିଡିଂ ପରେ ଶେଷରେ ପଞ୍ଜାବ କିଙ୍ଗ୍ସ କୁରନ ନିଜ ଦଳରେ ରଖିବାରେ ସଫଳ ହୋଇଛି। ଚେନ୍ନାଇ ସୁପର କିଙ୍ଗ୍ସ କୁରନଙ୍କୁ କିଣିବା ପାଇଁ ଯଥା ସମ୍ଭବ ଉଦ୍ୟମ କରିଥିଲେ ହେଁ ବିଫଳ ହୋଇଛି।

୨୦୦୮ରେ ଯେବେ ଆଇପିଏଲର ପ୍ରଥମ ସଂସ୍କରଣ ଖେଳାଯାଇଥିଲା ସେହି ସମୟରେ ସାମ କୁରନଙ୍କୁ ୧୦ ବର୍ଷ ବୟସ ବି ହୋଇନଥିଲା। କ୍ରିକେଟର  ହେବାକୁ ସ୍ଵପ୍ନ  ଦେଖୁଥିବା କୁରନ ଆଇପିଏଲର ପ୍ରଥମ ସିଜିନ ଟିଭିରେ ଦେଖିଥିଲେ। ସେହି ସମୟରେ କିଏ ଜାଣିଥିଲା ଏହି ପିଲା ୨୦୨୩ରେ ଲିଗ୍‌ର ସବୁଠୁ ମହଙ୍ଗା ଖେଳାଳି ହେବାର ରେକର୍ଡ କରିବ। ଆଇପିଏଲ୍ ସମୟରେ ଦେଇଥିବା ସାକ୍ଷାତକାରରେ ସାମ କୁରନ କହିଥିଲେ, ଯେବେ ଆଇପିଏଲ ଆରମ୍ଭ ହେଲା ସେହି ସମୟରେ ତାଙ୍କର ବୟସ ୯ ବର୍ଷ ହୋଇଥିଲା। ନିଜ ଘର ବଗିଚାରେ ସେ ବାପାଙ୍କ ସହ କ୍ରିକେଟ୍ ଖେଳୁଥିଲେ। ମୁଁ ସେହି ସମୟରେ କ୍ରିକେଟ୍ ଶିଖୁଥିଲି ଏବଂ ଟିଭିରେ ଆଇପିଏଲ୍‌ରେ ବଡ ତାରକାଙ୍କୁ ବ୍ୟାଟିଂ କରିବା, ବୋଲିଂ କରିବା ଏବଂ ଚମତ୍କାର ଫିଲ୍ଡିଂ କରୁଥିବା ଦେଖୁଥିଲି।

ଆଇପିଏଲ୍‌ ନିଲାମରେ ସାମ କୁରନଙ୍କ ମୂଳ ମୂଲ୍ୟ ୨ କୋଟି ଟଙ୍କା ରହିଥିଲା। ଆଉ ନିଲାମରେ ଏହି ଅଲରାଉଣ୍ଡରଙ୍କୁ ୯ ଗୁଣ ଅଧିକ ମୂଲ୍ୟ ମିଳିଛି। ଇଂଲଣ୍ଡର ବେନ ଷ୍ଟୋକ୍ସଙ୍କୁ ଚେନ୍ନାଇ ସୁପର କିଙ୍ଗ୍ସ ୧୬ କୋଟି ୨୫ ଲକ୍ଷ ଟଙ୍କା ଏବଂ ହ୍ୟାରି ବ୍ରୁକଙ୍କୁ ସନରାଇଜର୍ସ ହାଇଦ୍ରାବାଦ ୧୩ କୋଟି ୨୫ ଲକ୍ଷ ଟଙ୍କାରେ ନିଜ ଦଳରେ ସାମିଲ୍ କରିଛି। ସାମଙ୍କ ପୂର୍ବରୁ ଆଇପିଏଲ୍ ଇତିହାସରେ ସବୁଠୁ ମହଙ୍ଗା ଖେଳାଳି ଦକ୍ଷିଣ ଆଫ୍ରିକାର ଅଲରାଉଣ୍ଡର କ୍ରିସ୍ ମୋରିସ୍ ଥିଲେ। ତାଙ୍କୁ ରାଜସ୍ଥାନ ରୟାଲ୍ସ ୧୬ କୋଟି ୨୫ ଲକ୍ଷ ଟଙ୍କାରେ କିଣିଥିଲା। ଆଇପିଏଲରେ  ଭାରତ ପକ୍ଷରୁ ଏ ପର୍ଯ୍ୟନ୍ତ ମହଙ୍ଗା ଖେଳାଳି ଯୁବରାଜ ସିଂ ଥିଲେ, ଯାହାଙ୍କୁ ଡେକାନ ଚାର୍ଜର୍ସ ୧୬ କୋଟି ଟଙ୍କାରେ କିଣିଥିଲା। ଇଂଲଣ୍ଡକୁ ୨୦୨୨ ଟି-୨୦ ବିଶ୍ଵ କପ୍ ଚାମ୍ପିଅନ କରାଇବାରେ ସାମ କୁରନଙ୍କ ଗୁରୁତ୍ଵପୂର୍ଣ୍ଣ ଭୂମିକା ଥିଲା। ଫାଇନାଲ୍‌ରେ ସେ ପ୍ଲେୟାର ଅଫ ଦ ମ୍ୟାଚ୍‌ ସହିତ ଟୁର୍ଣ୍ଣାମେଣ୍ଟର ସର୍ବଶ୍ରେଷ୍ଠ ଖେଳାଳି ରହିଥିଲେ।

   Related Posts