କୋଲକାତା: ପଶ୍ଚିମବଙ୍ଗ ବୀରଭୂମ ଜିଲ୍ଲାର ମଲ୍ଲାରମପୁର ଥାନା ନିକଟରେ ଏକ ବଡ ଦୁର୍ଘଟଣା ଘଟିଛି । ସରକାରୀ ବସ ଏବଂ ଅଟୋ ଧକ୍କା ହେବା ଫଳରେ ଅତି କମରେ ୯ ଜଣଙ୍କ ମୃତ୍ୟୁ ହୋଇଛି । ଦୁର୍ଘଟଣାରେ ଅନେକ ଜଣ ଆହତ ହୋଇଛନ୍ତି । ମିଳିଥିବା ସୂଚନା ଅନୁସାରେ ଏହି ଦୁର୍ଘଟଣା ରାନୀଗଞ୍ଜ-ମୋରଗ୍ରାମ ଏନଏଚ ୬୦ ନିକଟରେ ହୋଇଛି । ମୃତକମାନେ ନିକଟସ୍ଥ ପରକଣ୍ଡି ଗାଁର ହୋଇଥିବା ଜଣାପଡିଛି । ପୋଲିସର ସୂଚନା ଅନୁସାରେ, ଅଟୋରେ ଥିବା ଶ୍ରମିକମାନେ ତଳି ରୋଇବା ପାଇଁ ଯାଇ ନିଜ ଗାଁକୁ ଫେରୁଥିଲେ ।
ପୋଲିସ ଅଧିକାରୀଙ୍କ କହିବା ଅନୁସାରେ, ଦୁର୍ଘଟଣା ପରେ ସ୍ଥାନୀୟ ଲୋକେ ଉଦ୍ଧାର କାମ ଆରମ୍ଭ କରିଥିଲେ। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଆହତଙ୍କୁ ହସ୍ପିଟାଲରେ ଭର୍ତ୍ତି କରାଇଥିଲା ।
ସ୍ଥାନୀୟ ଲୋକଙ୍କ ସୂଚନା ଅନୁସାରେ ଦକ୍ଷିଣବଙ୍ଗା ରାଷ୍ଟ୍ରୀୟ ପରିବହନ ନିୟମର ବସ ଏହି ଦୁର୍ଘଟଣା ଘଟାଇଛି । ବସଟି ରାମପୁରହାଟରୁ ସିଉରୀ ଯାଉଥିଲା । ଅଟୋଟି ବିପରୀତ ଦିଗରୁ ଆସୁଥିଲା । ଅଟୋରେ ଥିବା ସମସ୍ତ ଶ୍ରମିକଙ୍କ ମୃତ୍ୟୁ ହୋଇଥିବା ସୂଚନା ଥିବା ବେଳେ ଅଟୋ ଚାଳକଙ୍କ ସ୍ଥିତି ଗୁରୁତର ରହିଛି ।