ଝାରସୁଗୁଡା ୧୮।୮: ଝାରସୁଗୁଡା ଜିଲ୍ଲାର ବଡମାଲ ଥାନା ଓ ବ୍ରଜରାଜନଗର ଆରପିଏଫ ଥାନାରେ ପଶିଲା କରୋନା । ୮ ପୋଲିସ କର୍ମଚାରୀଙ୍କ ନିକଟରେ କରୋନା ପଜିଟିଭ ଚିହ୍ନଟ ହେବା ପରେ ବଡମାଲ ଥାନା ଓ ବ୍ରଜରାଜନଗର ଆରପିଏଫ ଥାନାକୁ ସିଲ୍ କରି ସାନିଟାଇଜ କଲା ଜିଲ୍ଲା ପ୍ରଶାସନ।
ବଡମାଲ ଥାନାରେ ୫ ପୋଲିସ କର୍ମଚାରୀ ଆକ୍ରାନ୍ତ ହୋଇଛନ୍ତି । ଜଣେ ସବ୍ ଇନ୍ସପେକ୍ଟର, ଜଣେ କନେଷ୍ଟବଳ, ୩ ଜଣ ହୋମଗାର୍ଡ କରୋନାରେ ଆକ୍ରାନ୍ତ ଜଣାପଡିବା ପରେ ସିଲ୍ ହେଲା ବଡମାଲ ଥାନା । ଥାନା ଆଇଆଇସିଙ୍କ ସମେତ ୩୫ ଜଣ ପୋଲିସ କ୍ବାରେଣ୍ଟାଇନରେ ଗଲେ । ବଡମାଲ ଅଞ୍ଚଳର ଆଇନ ଶୃଙ୍ଖଳା ପରିସ୍ଥିତି ବୁଝିବା ପାଇଁ ଥାନା ବାହାରେ ହେଲ୍ପ ଡେସ୍କ କରାଯାଇଛି ବୋଲି ଆଇଆଇସି ସୂଚନା ଦେଇଛନ୍ତି । ସେହିପରି ବ୍ରଜରାଜନଗର ଆରପିଏଫ ଥାନାର ଇନଚାର୍ଯଙ୍କ ସମେତ ଅନ୍ୟ ଦୁଇ କନେଷ୍ଟବଳ ଆକ୍ରାନ୍ତ ହେବା ପରେ ସେମାନଙ୍କୁ ଚିକିତ୍ସା ପାଇଁ ପଠାଇ ଥାନାକୁ ସିଲ୍ କରାଯାଇଛି।
