ଭୁବନେଶ୍ବର୨୫/୪: କୋଲକାତ ନ୍ୟୁଅଲ୍ଲୀପୁରରେ ଫଶି ରହିଛନ୍ତି ୮ ଜଣ ଓଡ଼ିଆ। ଓଡ଼ିଶା ଫେରିବା ନେଇ ସେମାନେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟଙ୍କୁ ନିବେଦନ କରିଛନ୍ତି। ସେଠାରେ ଦୋକାନ ଏବଂ ବଜାର ବନ୍ଦ ଯୋଗୁଁ ବିଭିନ୍ନ ଅସୁବିଧାରେ ସମ୍ମୁଖୀନ ହେଉଥିବା ଏହି ୮ ଜଣ ଓଡ଼ିଆ କହିଛନ୍ତି। କରୋନା ଭାଇରସ୍ ଯୋଗୁଁ ପୂରା ଦେଶରେ ଲକଡାଉନର ପ୍ରଭାବ ଦେଖିବାକୁ ମିଳିଛି। ଏପରି କି ଓଡ଼ିଶାର ଅନେକ ଲୋକ ବାହାର ରାଜ୍ୟରେ ମଧ୍ୟ ଫସି ରହିଛନ୍ତି। ସେହିପରି ଯାଜପୁର ଏବଂ କେନ୍ଦ୍ରପଡ଼ା ସମେତ ବାଲେଶ୍ବର ଜିଲ୍ଲାର ୮ ଜଣ ଓଡ଼ିଆ କୋଲକାତାର ନ୍ୟୁଅଲ୍ଲୀପୁରରେ ଫସି ରହିଛନ୍ତି। ସେମାନଙ୍କ ମଧ୍ୟରେ ଜଣେ ଛୋଟ ପିଲା ମଧ୍ୟ ରହିଛି।
ଯାଜପୁର ଦଶରପୁର ବ୍ଲକ ଅନ୍ତର୍ଗତ ଛଞ୍ଚିଣା ଗ୍ରାମର ଦୁଇ ମଧ୍ୟ ନ୍ୟୁଅଲ୍ଲୀପୁରରେ ଫସି ରହିଛନ୍ତି। ଗୋଟିଏ ପରିବାରର ମାଆ-ପୁଅ ମଧ୍ୟ ଫସି ରହିଛନ୍ତି। ଲକଡାଉନ୍ ଯୋଗୁଁ ସେଠାରେ ସେମାନେ ବହୁ କଷ୍ଟରେ ଦିନ କାଟୁଥିବା ଛଞ୍ଚିଣାଗ୍ରାମର ପ୍ରସନ୍ନଜିତ ମହାପାତ୍ର କହିଛନ୍ତି। ସେମାନେ ଓଡ଼ିଶାକୁ ଫେରିବା ନେଇ ମୁଖ୍ୟମନ୍ତ୍ରୀଙ୍କୁ ଅନୁରୋଧ କରିଛନ୍ତି।