ନୂଆପଡା ୨୬।୨: ବିଦ୍ୟୁତ ଆଘାତ ଲାଗି ୮ ମାସର ଶିଶୁର ମୃତ୍ୟୁ ହୋଇଛି । ବିଦ୍ୟୁତ ତାରକୁ ଶିଶୁଟି ପାଟିରେ ଭର୍ତ୍ତି କରି ଦେଇଥିଲା । ଫଳରେ ବିଦ୍ୟୁତ ଆଘାତ ଲାଗିଥିଲା । ନୂଆପଡା ଜିଲ୍ଲା କୋମନା ଥାନା କଣ୍ଡେତରା ଗାଁରେ ଘଟିଛି ଏଭଳି ଅଘଟଣ ।

ସୂଚନାଯୋଗ୍ୟ ଯେ, ନୂଆପଡା ଜିଲ୍ଲା କୋମନା ଥାନା କଣ୍ଡେତରା ଗାଁର ପ୍ରଶାନ୍ତ ସତନାମୀଙ୍କ ସ୍ତ୍ରୀ ଭୂମିକା ସତନାମୀ ଟେଲର ମେସିନ ଚଳାଉଥିଲେ । ବିଦ୍ୟୁତ ସାହାଯ୍ୟରେ ଟେଲର ମେସିନ ଚଳାଉଥିଲେ ଭୂମିକା । ସେହି ସମୟରେ ତାଙ୍କର ୮ମାସର ପୁଅ କୁନାଲ ସତନାମୀ ତଳେ ଖେଳୁଥିଲା । ଶିଶୁଟି ତଳେ ପଡିଥିବା ବିଦ୍ୟୁତ ତାରକୁ ପାଟିରେ ଭର୍ତ୍ତି କରି ଦେଇଥିଲା । ଫଳରେ ବିଦ୍ୟୁତ ଆଘାତ ଲାଗି ଶିଶୁଟିର ମୃତ୍ୟୁ ହୋଇଛି ।