ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ମହିଳା ଉଦ୍ୟୋଗୀଙ୍କ ପାଇଁ ହେବ ଶିଳ୍ପ ପାର୍କ, ମେକ୍‌ ଇନ୍‌ ଓଡିଶା କନ୍‌କ୍ଲେଭ୍‌ରେ ମୁଖ୍ୟମନ୍ତ୍ରୀଙ୍କ ଘୋଷଣା
  • ||
  • ଭୁବନେଶ୍ୱର: ଇଡିରେ ହାଜର ହେଲେ ଶିବ ପ୍ରସାଦ, ଅର୍ଚ୍ଚନାଙ୍କ ସହ ଟଙ୍କା କାରବାର ନେଇ ଦ୍ୱିତୀୟ ଥର ହାଜିରା
  • ||
  • କୋଣାର୍କ: ଦର୍ଶକଙ୍କ ମନ ମୋହୁଛି ମହୋତ୍ସବ, ଦ୍ୱିତୀୟ ସଂଧ୍ୟାରେ ଦର୍ଶକଙ୍କୁ ଆକର୍ଷିତ କଲା ମଣିପୁରୀ ନୃତ୍ୟ
  • ||
  • ଉମରକୋଟ : ଗଛକୁ ପିଟିଲା କାର୍‌ , ତିନି ମୃତ, ଦୁଇ ଗୁରୁତର
  • ||

ନବୀନଙ୍କ ୫ମ ପାଳିର ମନ୍ତ୍ରିମଣ୍ଡଳରେ ବାଦ୍ ପଡିଲେ ୮ ମନ୍ତ୍ରୀ

29/05/2019 at 9:56 AM

ଭୁବନେଶ୍ବର ୨୯|୫:  ନବୀନଙ୍କ ପଞ୍ଚମ ପାଳିରେ ଆଜି ଶପଥ ନେବ ନୂଆ ମନ୍ତ୍ରିମଣ୍ଡଳ । ଶପଥ ନେବାକୁ ଯାଉଥିବା ମନ୍ତ୍ରିମଣ୍ଡଳରେ ଚତୁର୍ଥ ପାଳିର ଦ୍ବିତୀୟ ପର୍ଯ୍ୟାୟରେ ଥିବା ମନ୍ତ୍ରୀଙ୍କ ମଧ୍ୟରୁ ୮ ଜଣ ବାଦ୍ ପଡିଛନ୍ତି। ସେମାନେ ହେଲେ ବଦ୍ରି ନାରାୟଣ ପାତ୍ର, ପ୍ରଫୁଲ୍ଲ ସାମଲ, ଶଶିଭୂଷଣ ବେହେରା, ଉଷା ଦେବୀ, ଅନନ୍ତ ଦାସ, ଚନ୍ଦ୍ର ସାରଥୀ ବେହେରା, ନୃସିଂହ ଚରଣ ସାହୁ ଓ ସ୍ନେହାଙ୍ଗିନୀ ଛୁରିଆ।

ପୁରୁଣା ମନ୍ତ୍ରିମଣ୍ଡଳରେ କ୍ୟାବିନେଟ୍‌ ମନ୍ତ୍ରୀ ଥିବା ବିଜୟଶ୍ରୀ ରାଉତରାୟ ଏଥର ନିର୍ବାଚନ ଲଢି ନ ଥିଲେ। ଆଉ ଜଣେ କ୍ୟାବିନେଟ୍‌ ମନ୍ତ୍ରୀ ରମେଶ ମାଝୀ ଏଥର ସାଂସଦ ଭାବେ ଲଢି ନିର୍ବାଚିତ ହୋଇଛନ୍ତି। ‌ମନ୍ତ୍ରୀ ମହେଶ୍ବର ମହାନ୍ତି ନିଜ ପାରମ୍ପରିକ ଆସନ ପୁରୀରୁ ଏଥର ଲଢି ହାରିଯାଇଛନ୍ତି। ପୁରୁଣା ମନ୍ତ୍ରିମଣ୍ଡଳରୁ ୬ ଜଣଙ୍କୁ ନିଆଯାଇଥିଲା ବେଳେ ୮ ଜଣଙ୍କୁ କାହିଁକି ବାଦ୍ ଦିଆଗଲା, ତାହାକୁ ‌ନେଇ ରାଜନୈତିକ ଆଲୋଚନା ଜୋର୍‌ ଧରିଛି। ବଦ୍ରି ନାରାୟଣ ପାତ୍ରଙ୍କୁ ପୁନର୍ବାର ମନ୍ତ୍ରିମଣ୍ଡଳରେ ସାମିଲ୍ କରିବାକୁ ସୁପ୍ରିମୋ ଚାହିଁ ନ ଥିବା କୁହାଯାଉଛି। ଶଶିଭୂଷଣ ବେହେରାଙ୍କୁ ତାଙ୍କ ପୁରୁଣା ଆସନ ଜୟଦେବ‌େର ଏଥର ଲଢିବାକୁ ସୁଯୋଗ ଦିଆଯାଇ ନ ଥିଲା। ତାଙ୍କୁ କେନ୍ଦ୍ରାପଡାରେ ଟିକେଟ୍‌ ଦିଆଯାଇଥିଲା ଓ ସେ ଜିତିଥିଲେ। କିନ୍ତୁ ତାଙ୍କୁ କିମ୍ବା କେନ୍ଦ୍ରାପଡାରେ କାହାରିକୁ ମନ୍ତ୍ରୀ କରାଯାଇ ନାହିଁ। ଭଣ୍ଡାରୀପୋଖରୀରେ ପ୍ରଫୁଲ୍ଲ ସାମଲ ଏଥର ପିସିସି ସଭାପତିଙ୍କୁ ହରାଇଥିଲେ ବି ମନ୍ତ୍ରୀ ପଦ ଫେରି ପାଇ ନାହାନ୍ତି। ଉଷା ଦେବୀଙ୍କୁ ଅସୁସ୍ଥତା ପାଇଁ ମନ୍ତ୍ରିମଣ୍ଡଳରେ ସାମିଲ କରାଯାଇନି ବୋଲି କୁହାଯାଉଛି।

   Related Posts