ଚୌଦ୍ବାର ୯।୧: କଟକ ଜିଲ୍ଲା ଟାଙ୍ଗି ଚୌଦ୍ବାର ବ୍ଲକ୍ ଜରିପଡା ପଂଚାୟତର ରସିକନଗର ଗାଁରେ ଭୟାଭୟ ଅଗ୍ନିକାଣ୍ଡ ହୋଇଛି । ଅଗ୍ନିକାଣ୍ଡରେ ୮ ବଖରା ଘର ଜଳି ପୋଡି ପାଉଁଶ ହୋଇଯାଇଛି । ୩ଟି ଗାଈ ନିଆଁରେ ପୋଡି ପ୍ରାଣ ହରାଇଛନ୍ତି । ଅଗ୍ନିକାଣ୍ଡରେ ୩ ଜଣ ଆହତ ହୋଇଛନ୍ତି ।
ଗାଁର କାହ୍ନୁ ଚରଣ ଦାସଙ୍କ ଘରେ ନିଆଁ ଲାଗି ପାଖକୁ ଲାଗି ରହିଥିବା ବାଉନ ଦାସ, ରଞ୍ଜନ ଦାସଙ୍କ ଘରକୁ ନିଆଁ ବ୍ୟାପି ଯାଇଥିଲା । ଚୌଦ୍ବାରରୁ ଅଗ୍ନିଶମ ଗାଡି ଆସିବା ବେଳକୁ ସବୁ ପୋଡି ପାଉଁଶ ହୋଇଯାଇଥିଲା । ମଶା ଦାଉରୁ ରକ୍ଷା କରିବା ପାଇଁ ଗୁହାଳ ଘରେ ଲଗା ଯାଇଥିବା ମଶା ଧୂପରୁ ଏହି ଅଗ୍ନିକାଣ୍ଡ ଘଟିଥିବା ଜଣାପଡିଛି।