ଧର୍ମଗଡ ୨୨/୦୩: କଳାହାଣ୍ଡି ଜିଲ୍ଲା କେସିଙ୍ଗାରେ ଦଶମ ଶ୍ରେଣୀ ଭୁଲ ପ୍ରଶ୍ନ ଭୁଲ ଉତ୍ତର ବାଣ୍ଟିବା ପ୍ରଘଟ ମାମଲା । ଶିକ୍ଷା ବିଭାଗର ଏତଲା ପରେ ଶେଷରେ ୮ ଜଣଙ୍କୁ ଗିରଫ କରିଛି କେସିଙ୍ଗା ପୋଲିସ । ଗିରଫ ହୋଇଥିବା ବ୍ୟକ୍ତିମାନେ ହେଲେ ମାଷ୍ଟର ମାଇଣ୍ଡ ରୁପ୍ରା ଘରୋଇ ଆର କେ ଶକୁନ୍ତଳା ଉଚ୍ଚ ବିଦ୍ୟାଳୟର ପରିଚାଳକ ପ୍ରାଣ ବନ୍ଧୁ ସାହୁ ଏବଂ ଯାଜପୁରର ଅଭୟ ନନ୍ଦ ।

ଏହାସହ ସ୍ଥାନୀୟ ୬ ଜଣଙ୍କୁ ଗିରଫ କରିଛି କେସିଙ୍ଗା ପୋଲିସ । ସେମାନଙ୍କ ଠାରୁ ୨୨ଟି ମୋବାଇଲ, ୫ଟି ଲାପଟପ, ଗୋଟିଏ ସିପିୟୁ, ଗୋଟିଏ ପେନ୍ ଡ୍ରାଇଭ୍ ଓ ନଗଦ ୧୮ ହଜାର ୯୫୦ ଟଙ୍କା ଜବତ କରିଛି l ଏହି ଘଟଣାରେ ପୋଲିସ ନକଲି ପ୍ରଶ୍ନପତ୍ର, ମୋବାଇଲ ଏବଂ ଟଙ୍କା ଜବତ କରିଛି କେସିଙ୍ଗା ପୋଲିସ ।

ଗତ ୧୪ ତାରିଖ ଦିନ ଜିଲ୍ଲା ଶିକ୍ଷା ବିଭାଗଙ୍କୁ ଏହି ଘଟଣା ଜଣାଇବା ପରେ କଳାହାଣ୍ଡି ଏସପି ଅଭିଳାଷ ଜୀଙ୍କ ନିର୍ଦ୍ଦେଶ କ୍ରମେ ଏହି ୮ଜଣଙ୍କୁ ପୋଲିସ ରାତି ଅଧିଆ ଉଠାଇ ଆଣିଥିଲା । ମାଟ୍ରିକ ପରୀକ୍ଷା ସରିଛି କିନ୍ତୁ ପ୍ରଶ୍ନ ପତ୍ର ପ୍ରଘଟ ଅଭିଯୋଗରେ ୮ ଜଣ ଜେଲ ଯିବା କଥା ସମଗ୍ର କଳାହାଣ୍ଡି ଜିଲ୍ଲାରେ ଚର୍ଚ୍ଚାର କେନ୍ଦ୍ର ବିନ୍ଦୁ ପାଲଟିଛି ।