ନୂଆଦିଲ୍ଲୀ: କର୍ମଚାରୀ ମହଙ୍ଗା ଭତ୍ତା ୫୦ ପ୍ରତିଶତକୁ ବୃଦ୍ଧି ହେବ । କେନ୍ଦ୍ର ସରକାର  ଆସନ୍ତା ୨୦୨୪ ସୁଦ୍ଧା ୫୦ ପ୍ରତିଶତ ବା ଏହାଠାରୁ ଅଧିକ ପହଞ୍ଚିବ ବୋଲି  ଆଶା କରାଯାଇଛି । ଡିଏର ବର୍ତ୍ତମାନ ଦର ସପ୍ତମ ବେତନ ଆୟୋଗଙ୍କ ସୁପାରିସ୍ ଆଧାରରେ କରାଯାଇଛି । ପୂର୍ବ ବେତନ ଆୟୋଗ ଏହି ସୁପାରିସ୍ ମୁଦ୍ରାସ୍ଫୀତି ପ୍ରଭାବକୁ ସ୍ଥିର କରିବା ପାଇଁ କରିଛନ୍ତି । ଆଗକୁ ମହଙ୍ଗା ଭତ୍ତା ୫୦ ପ୍ରତିଶତରୁ ଅଧିକ ହେଲେ ଏହାକୁ ସଂଶୋଧନ କରାଯିବ । ତେଣୁ ଏହାକୁ ନଜରରେ ରଖି କେନ୍ଦ୍ର ଅଷ୍ଟମ ବେୟନ ଆୟୋଗ ଲାଗୁ କରିବେ କି ନାହିଁ ଏବେ ପ୍ରଶ୍ନ ଉଠିଛି ।

ଅର୍ଥମନ୍ତ୍ରାଳୟ ଅନୁଯାୟୀ,  ଅଷ୍ଟମ ବେତନ କମିଶନ ଗଠନ ପାଇଁ ବର୍ତ୍ତମାନ ସମୟରେ କୌଣସି ପ୍ରସ୍ତାବ ବିଚାରଧୀନ ନାହିଁ ବୋଲି କହିଛନ୍ତି । କେନ୍ଦ୍ର ଅର୍ଥ ରାଷ୍ଟ୍ରମନ୍ତ୍ରୀ ପଙ୍କଜ ଚୌଧୁରୀ ଜୁଲାଇ ୨୫ ତାରିଖରେ ରାଜ୍ୟସଭାରେ ଏକ ପ୍ରଶ୍ନର ଲିଖିତ ଉତ୍ତର ରଖି ଏଭଳି କହିଛନ୍ତି । ଅଷ୍ଟମ ବେତନ କମିଶନ ଗଠନ ପାଇଁ କୌଣସି ଆଲୋଚନା ହୋଇନାହିଁ ବୋଲି କହିଛନ୍ତି । ଜାନୁଆରୀ ୨୦୨୪ରେ ଡିଏ ଦର ୫୦ ପ୍ରତିଶତ ଏବଂ ଏହାଠାରୁ ଅଧିକ ହେବାର ଅନୁମାନ କରାଯାଉଛି । ଏଭଳି ସ୍ଥିତି କେନ୍ଦ୍ର ସରକାରଙ୍କ ଅଷ୍ଟମ ବେତନ କମିଶନ ଗଠନ ପାଇଁ କ’ଣ ପଦକ୍ଷେପ ଉଠାଇଛନ୍ତି ପ୍ରଶ୍ନ କରାଯାଇଥିଲା ।

ପୂର୍ବ ସରକାର ମଧ୍ୟ ଅଷ୍ଟମ ବେତନ ଆୟୋଗ ଗଠନ ପ୍ରସ୍ତାବ ଉପରେ କୌଣସି ଆଲୋଚନାକୁ ବିଚାର କରିବାକୁ ଅନିଚ୍ଛାପ୍ରକାଶ କରିଛନ୍ତି । କେନ୍ଦ୍ର ସରକାର କର୍ମଚାରୀ ଓ ପେନସନ ଭୋଗୀଙ୍କ ମହଙ୍ଗା ଭତ୍ତା ଏବଂ ଡିଆର ବୃଦ୍ଧି କରି ୨୦୨୩ରେ ୪୨ ପ୍ରତିଶତରେ ପହଞ୍ଚାଇଛନ୍ତି ।  ମୁଦ୍ରାସ୍ଫୀତିକୁ ନଜରରେ ରଖି ପ୍ରତି ୬ମାସରେ ଏହାକୁ ସଂଶୋଧନ କରାଯାଇଥାଏ ।