କଟକ ୧୫|୧: ଆରମ୍ଭ ହେଲା ୭୧ତମ ରାଜ୍ୟ ପୋଲିସ କ୍ରୀଡା ମହାକୁମ୍ଭ । ୫୩ ଟି ଦଳରେ ୯୯୯ ଜଣ ପ୍ରତିଯୋଗୀ ଭାଗ ନେଇଛନ୍ତି । କ୍ରୀଡା ମାଧ୍ୟମରେ ପୋଲିସ ନିଜକୁ ଫିଟ୍ ରଖିପାରିବେ ବୋଲି ଉଦଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ଯୋଗ ଦେଇ କ୍ରାଇମବ୍ରାଞ୍ଚ ଡିଜି ସନ୍ତୋଷ ଉପାଧ୍ୟାୟ କହିଛନ୍ତି ।
{"id":74682}![](https://www.prameyanews7.com/wp-content/uploads/2019/01/Screen-Shot-2019-01-16-at-5.46.59-PM-1340x1000.jpg)
ଉଦଘାଟନ ହୋଇଛି ୭୧ ତମ ରାଜ୍ୟ ପୋଲିସ କ୍ରୀଡା ପ୍ରତିଯୋଗିତା । କଟକ ପୋଲିସ ମୁଖ୍ୟାଳୟ ପଡିଆରେ ଉଦଘାଟନ କରିଛନ୍ତି କ୍ରାଇମବ୍ରାଞ୍ଚ ଡିଜି ସନ୍ତୋଷ ଉପାଧ୍ୟାୟ । ରାଜ୍ୟର ବିଭିନ୍ନ ଜିଲ୍ଲାରୁ ୫୩ ଟି ଦଳରେ ଭାଗ ନେଇଛନ୍ତି ୮୦୦ ପୁରୁଷ ଓ ୧୯୯ ଜଣ ମହିଳା ପ୍ରତିଯୋଗୀ । ପୋଲିସ ବିଭାଗରେ କ୍ରୀଡାକୁ ଅଧିକ ପ୍ରୋତ୍ସାହନ ଦେବା ସହ ଜାତୀୟ ସ୍ତରୀୟ କ୍ରୀଡାରେ ପୋଲିସ ବିଭାଗକୁ ଅଧିକ ସଫଳ କାରଇବା ଦିଗରେ ଏହା ବେଶ ସହାୟକ ହେବ ବୋଲି କହିଛନ୍ତି କ୍ରାଇମବ୍ରାଞ୍ଚ ନିର୍ଦ୍ଦେଶକ ସନ୍ତୋଷ ଉପାଧ୍ୟାୟ । ତେବେ ପୋଲିସ କ୍ରୀଡା ପାଇଁ ସିନ୍ଥେଟିକ ଟ୍ରାକ ନେଇ ରାଜ୍ୟ ସରକାରଙ୍କ ସହ ଆଲୋଚନା କରାଯିବ ବୋଲି କହିଛନ୍ତି କ୍ରାଇମବ୍ରାଞ୍ଚ ଡିଜି ।
{"id":74683}![](https://www.prameyanews7.com/wp-content/uploads/2019/01/Screen-Shot-2019-01-16-at-5.47.08-PM-1334x1000.jpg)
ଏହି ବାର୍ଷିକ କ୍ରୀଡାରେ ହାଇ ଜମ୍ପ, ଲଙ୍ଗ ଜମ୍ପ, ଟ୍ରିପଲ ଜମ୍ପ, ହଡଲ୍ସ ସହ ଦୌଡ ମଧ୍ୟ ସ୍ଥାନ ପାଇଛି । ଏହି କ୍ରୀଡାକୁ ନେଇ ପ୍ରତିଯୋଗୀ ବେଶ ଉତ୍ସାହିତ ଥିବା ବେଳେ ଭଲ ପ୍ରଦର୍ଶନ କରି ମେଡାଲ ହାସଲ କରିବାକୁ ଲକ୍ଷ୍ୟ ରଖିଛନ୍ତି ।
{"id":74684}![](https://www.prameyanews7.com/wp-content/uploads/2019/01/Screen-Shot-2019-01-16-at-5.47.23-PM-1333x1000.jpg)
ଆସନ୍ତା ୧୯ରେ ପୋଲିସ କ୍ରୀଡା ପ୍ରତିଯୋଗିତା ଉଦଯାପିତ ହେବ । ଉଦଯାପନୀ ଦିନ ସଫଳ ପ୍ରତିଯୋଗୀଙ୍କୁ ପୁରଷ୍କୃତ କରାଯିବ ।