AKK 2023
Hari omm 2
AKK2023
hari om films
WEB_F-8
HARI-OMM_728X90_B
WEB_F-9
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଝାରସୁଗୁଡା:୮ ଦିନ ପରେ ବି ନବ ଦାସଙ୍କ ହତ୍ୟା ଘଟଣାରେ ପୋଲିସର ହାତ ଖାଲି
  • ||
  • ଭୂକମ୍ପରେ ଥରିଲା ତୁର୍କୀ, ରିକ୍ଟର ସ୍କେଲରେ ୭.୮ର ତ୍ରୀବତା ରେକର୍ଡ
  • ||

ପାଗଳ ପ୍ରେମୀର ବର୍ବରକାଣ୍ଡ : ମାଆକୁ ପ୍ରେମ ନିବେଦନ କରି ବିଫଳ ହେବାରୁ ୭ବର୍ଷର ଶିଶୁକୁ ଅପହରଣ ଓ ହତ୍ୟା

16/01/2019 at 5:50 PM

ବ୍ରହ୍ମପୁର ୧୬|୧: ମାଆକୁ ପ୍ରେମ ନିବେଦନ କରି ବିଫଳ ହେବା ପରେ ୭ବର୍ଷର ଶିଶୁକୁ ପ୍ରଥମେ ଅପହରଣ ଓ ପରେ ହତ୍ୟା । ଜେରା ପରେ ପୋଲିସ ଆଗରେ ସତ ମାନିଛି ଅଭିଯୁକ୍ତ । ଗଲା ୧୨ତାରିଖରେ ବ୍ରହ୍ମପୁର ଗୋଷାଣୀ ନୂଆଗାଁ ଥାନା ସନାନନ୍ଦ ବିହାର ସପ୍ତମ ଲେନ୍‌ର ୭ବର୍ଷର ଶିଶୁ ଅଂଶୁମାନ ଅପହରଣ ଘଟଣାର ପର୍ଦ୍ଦାଫାଶ୍‌ କରିଛି ପୋଲିସ ।

ପୁଣି ସାମ୍ନାକୁ ଆସିଛି ଜଣେ ପାଗଳ ପ୍ରେମୀର ବର୍ବରକାଣ୍ଡ । ମାଆକୁ ପ୍ରେମ ନିବେଦନ କରି ବିଫଳ ହେବାରୁ ୭ବର୍ଷର ଶିଶୁକୁ ପ୍ରଥମେ ଅପହରଣ ଓ ପରେ ହତ୍ୟା କରିଛି । ବ୍ରହ୍ମପୁର ଗୋଷାଣୀ ନୂଆଗାଁ ଥାନା ସନାନନ୍ଦ ବିହାର ସପ୍ତମ ଲେନ୍‌ର ନିରୁପମା ଆଚାର୍ଯ୍ୟଙ୍କ ପୁଅ ଅଂଶୁମାନ ଆଚାର୍ଯ୍ୟ କୁଆଡ଼େ ନିଖୋଜ୍‌ ହୋଇଯାଇଥିବା ଅଭିଯୋଗ ହୋଇଥିଲା । ଅଭିଯୋଗ ପରେ ଘଟଣାର ଛାନଭିନ୍‌ ଆରମ୍ଭ କରିଥିଲା ବ୍ରହ୍ମପୁର ପୋଲିସ । ସମ୍ପର୍କୀୟ ମାମୁ ଦେବାଶିଷ ପଣ୍ଡା ଉପରେ ପଡ଼ିଥିଲା ପୋଲିସର ନଜର । ବଢ଼ିଥିଲା ସଂଦେହ । କାରଣ ଗଲା ୧୨ତାରିଖ ଦିନ ଅଂଶୁମାନକୁ ସ୍କୁଲରେ ଛାଡ଼ି ଦେବାକୁ କହି ସାଥୀରେ ନେଇଯାଇଥିଲା ଦେବାଶିଷ । ସିସିଟିଭି ଫୁଟେଜ୍‌ରୁ ଏହାର ପ୍ରମାଣ ମିଳିବା ପରେ ଦେବାଶିଷକୁ ଖୋଜିଥିଲା ପୋଲିସ । ସୋନପୁର ଡୁଙ୍ଗୁରୁପାଲିରୁ ଦେବାଶିଷକୁ ଗିରଫ କରିବା ପରେ ଖୋଲିଥିଲା ଅଂଶୁମାନ ହତ୍ୟାକାଣ୍ଡର ଗୁମର ।

ପ୍ରଥମେ ନିରୁପମାଙ୍କ ସହ ଫେସବୁକ୍‌ରେ ବନ୍ଧୁତା  । ଏବଂ ପରେ ପ୍ରେମ ନିବେଦନ କରି ବିଫଳ ହେବାରୁ ବିଗିଡ଼ିଯାଇଥିଲା ଦେବାଶିଷର ମୁଣ୍ଡ । ବଦଲା ନେବାକୁ  ଯାଇ ତାଙ୍କର ୭ବର୍ଷର ପୁଅକୁ ସ୍ଥାନୀୟ ତାରାତାରେଣୀ ପାହାଡ଼କୁ ନେଇ ହତ୍ୟା କରିଥିଲା । ଶିଶୁଟିର ମୃତଦେହକୁ ଜବତ କରିଛି ପୋଲିସ ।

ଅଭିଯୁକ୍ତ ଦେବାଶିଷ ପଣ୍ଡାକୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ହେଲେ ତା’ର ବିକୃତ ମାନସିକତା ପାଇଁ ଜଣେ ମାଆକୁ ତା’ର ୭ବର୍ଷର ପୁଅକୁ ହରାଇବାକୁ ପଡ଼ିଛି । ଜୀବନ କ’ଣ ବୁଝିବା ଆଗରୁ ଆରପାରିକୁ ଚାଲିଯାଇଛି କୁନି ପୁଅ ଅଂଶୁମାନ । ଆମ ସଭ୍ୟ ସମାଜ ପାଇଁ ଏହା ହିଁ ବିଡ଼ମ୍ବନା ।

   Related Posts