ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ମହିଳା ଉଦ୍ୟୋଗୀଙ୍କ ପାଇଁ ହେବ ଶିଳ୍ପ ପାର୍କ, ମେକ୍‌ ଇନ୍‌ ଓଡିଶା କନ୍‌କ୍ଲେଭ୍‌ରେ ମୁଖ୍ୟମନ୍ତ୍ରୀଙ୍କ ଘୋଷଣା
  • ||
  • ଭୁବନେଶ୍ୱର: ଇଡିରେ ହାଜର ହେଲେ ଶିବ ପ୍ରସାଦ, ଅର୍ଚ୍ଚନାଙ୍କ ସହ ଟଙ୍କା କାରବାର ନେଇ ଦ୍ୱିତୀୟ ଥର ହାଜିରା
  • ||
  • କୋଣାର୍କ: ଦର୍ଶକଙ୍କ ମନ ମୋହୁଛି ମହୋତ୍ସବ, ଦ୍ୱିତୀୟ ସଂଧ୍ୟାରେ ଦର୍ଶକଙ୍କୁ ଆକର୍ଷିତ କଲା ମଣିପୁରୀ ନୃତ୍ୟ
  • ||
  • ଉମରକୋଟ : ଗଛକୁ ପିଟିଲା କାର୍‌ , ତିନି ମୃତ, ଦୁଇ ଗୁରୁତର
  • ||

ଏହି ୭ଟି କମ୍ପାନୀରେ ଚାକିରୀ କଲେ ତୁରନ୍ତ ମିଳିଥାଏ ଆମେରିକା ଭିସା, ଜାଣନ୍ତୁ କେଉଁ କେଉଁ କମ୍ପାନୀ

8/06/2019 at 1:26 PM

ଆମେରିକାକୁ ଦୁନିଆର ସବୁଠାରୁ ବିକଶିତ ଦେଶ ବୋଲି ବିବେଚନା କରାଯାଏ । ଯଦି ଆପଣ ମଧ୍ୟ ଆମେରିକାରେ ଚାକିରୀ କରିବା ସ୍ବପ୍ନ ଦେଖୁଛନ୍ତି ଏବଂ ଭିସା ମିଳୁନି ତାହେଲେ ଏହି ୯ଟି ବଡ ବଡ ଆଇଟି କମ୍ପାନୀ ଆପଣଙ୍କ ସ୍ବପ୍ନ ପୁରା କରିପାରିବ । ଏହି କମ୍ପାନୀ ଆପଣଙ୍କୁ H-1B ଭିସା ଦେଇପାରିବ । ଆମେରିକାରେ ଚାକିରୀ କରିବା ପାଇଁ ସେଠାକାର ଅନେକ ସରକାରୀ ବିଭାଗର ଅନୁମତି ନେବାକୁ ପଡିଥାଏ । ଆମେରିକାର ଶ୍ରମ ବିଭାଗ ଏମିତି ଏକ କମ୍ପାନୀଗୁଡିକର ତାଲିକା ଜାରି କରିଛି ଯେଉଁଠାରୁ ସବୁଠାରୁ ଅଧିକ କର୍ମଚାରୀଙ୍କୁ ଭିସା ମିଳିଥାଏ ।

ଏହି କମ୍ପାନୀମାନଙ୍କ ମଧ୍ୟରୁ ସବୁଠାରୁ ଉର୍ଦ୍ଧ୍ବରେ ରହିଛି ଏପଲ । ଏପଲ ଏକ ବିଶ୍ଵସ୍ଥରୀୟ କମ୍ପାନୀ । ଏହାର ବ୍ୟବସାୟ ଦୁନିଆ ସାରା ବିସ୍ତାର କରିଛି । ଅନେକ ଭାରତୀୟ ମଧ୍ୟ ଏପଲ କମ୍ପାନୀରେ ଚାକିରୀ କରୁଛନ୍ତି ଯେଉଁମାନଙ୍କୁ H-1B ଆବଶ୍ୟକ ପଡିଥାଏ । କମ୍ପାନୀ ସାହାଯ୍ୟରେ କର୍ମଚାରୀଙ୍କୁ H-1B ଭିସା ସହଜରେ ମିଳିଯାଇଥାଏ ।

ଦ୍ୱିତୀୟରେ ରହିଛି ଟିସିଏସ୍ । ଟିସିଏସ୍ ଏକ ଭାରତୀୟ ସଫ୍ଟୱେୟାର କମ୍ପାନୀ । ଏହାର ବ୍ୟବସାୟ ଆମେରିକା ଠାରୁ ଆରମ୍ଭ କରି ଅନେକ ଦେଶରେ ରହିଛି । ଟିସିଏସ୍ କମ୍ପାନୀ ଆମେରିକା ଯିବା ପାଇଁ ନିଜ କର୍ମଚାରୀଙ୍କୁ ଭିସା ଯୋଗାଇ ଦେଇଥାଏ ।

ଭାରତ ମହାଦାନୀଙ୍କ ମଧ୍ୟରୁ ଜଣେ ଅଜିମ ପ୍ରେମଜୀଙ୍କ କମ୍ପାନୀ ୱିପ୍ରୋ କମ୍ପାନୀ ଭାରତ ଏକ ସଫ୍ଟୱେୟାର କମ୍ପାନୀ । ବିଦେଶରେ ବିସ୍ତାରଲାଭ କରିଥିବା  ବ୍ୟବସାୟ ପାଇଁ କମ୍ପାନୀ ନିଜ କର୍ମଚାରୀଙ୍କୁ ସହଜରେ ଭିସା ଯୋଗାଇ ଦେଇଥାଏ ୱିପ୍ରୋ ।

ଇନଫୋସିସ୍ ଭାରତର ଅଗ୍ରଣୀ ସଫ୍ଟୱେୟାର କମ୍ପାନୀ । ଏହାର କାରବାର ପୁରା ବିଶ୍ୱରେ ବିସ୍ତାରଲାଭ କରିଛି । ଆମେରିକାରେ ନିଜ ଗ୍ରାହକଙ୍କ ସେବା ଯୋଗାଇ ଦେବା ପାଇଁ ଇନଫୋସିସ୍ ନିଜ ଇଂଜିନିୟରଙ୍କୁ ସେଠାରେ ଚାକିରୀ ଦେଇଥାଏ । କର୍ମଚାରୀଙ୍କ ଭିସା ବ୍ୟବସ୍ଥା କମ୍ପାନୀ ନିଜେ କରିଥାଏ ।

କଙ୍ଗନିଜେଣ୍ଟ ଟେକ୍ନୋଲୋଜି ମଧ୍ୟ ବିଶ୍ୱ ସ୍ଥରୀୟ ଆମେରିକୀୟ କମ୍ପାନୀ । ଏହାର ଅନେକ ବ୍ରାଞ୍ଚ ଭାରତରେ ରହିଛି । ଏହି କମ୍ପାନୀରେ ଅନେକ ଭାରତୀୟ ମଧ୍ୟ କାମ କରନ୍ତି । କର୍ମଚାରୀଙ୍କ ଭିସା ବ୍ୟବସ୍ଥା ମଧ୍ୟ କମ୍ପାନୀ ନିଜେ କରିଥାଏ ।

ଆମାଜନର କାରବାର ଆମେରିକାରୁ ଆରମ୍ଭ କରି ଭାରତ ଏବଂ ଅନେକ ଦେଶରେ ବିସ୍ତାରଲାଭ କରିଛି । ଏଥିପାଇଁ କମ୍ପାନୀ କର୍ମଚାରୀଙ୍କୁ ଆମେରିକାକୁ ମଧ୍ୟ ପଠାଇଥାଏ । ନିଜ କର୍ମଚାରୀଙ୍କ ପାଇଁ ଆମେରିକା ଭିସା ଯୋଗାଇ ଦେବା ପାଇଁ କମ୍ପାନୀ ନିଜେ ସାହାଯ୍ୟ କରିଥାଏ ।

କ୍ୱାଲକମ ଏକ ମଲ୍ଟିନ୍ୟାସନାଲ କମ୍ପାନୀ । ଏହି କମ୍ପାନୀ ଟେଲି କମ୍ୟୁନିକେସନ ଜିନିଷ ତିଆରି କରିଥାଏ । ଏହି କମ୍ପାନୀ ମଧ୍ୟ ନିଜ କର୍ମଚାରୀଙ୍କୁ ଭିସା ଯୋଗେଇ ଦେବା ପାଇଁ ପୁରା ସାହାଯ୍ୟ କରିଥାଏ । 

   Related Posts