ମୁମ୍ଵାଇ ୨୫।୧୧: ବୟସ୍କ ଲୋକମାନେ ପ୍ରାୟତଃ ନିଜକୁ ଦୁର୍ବଳ ବୋଲି ଭାବନ୍ତି। କିନ୍ତୁ କିଛି ଲୋକ ଏମିତି ବି ଅଛନ୍ତି । ଯେଉଁମାନେ ନିଜକୁ ଶକ୍ତଶାଳୀ, ଦୃଢ କରିବାକୁ ନା ନା ପଛାନ୍ତି ନାହିଁ। କେବଳ ଏତିକି ନୁହେଁ, ସେମାନେ ଦୁନିଆକୁ ଦେଖାନ୍ତି ଯେ ସେମାନଙ୍କର କିଛି କରିବାର ଶକ୍ତି ଅଛି। ୬୪ ବର୍ଷ ବୟସରେ ଜଣେ ବୃଦ୍ଧ ମହିଳା ଏପରି କାର୍ଯ୍ୟ କରିଛନ୍ତି। ଯାହାକୁ ଦେଖି ୟୁଜର୍ସମାନେ ଆଶ୍ଚର୍ଯ୍ୟ ହୋଇଯାଇଛନ୍ତି।
ଏହି ୬୪ବର୍ଷ ବୃଦ୍ଧ ମହିଳା ନିତିଦିନ ଜିମ୍ ଯାଆନ୍ତି। ସେଠାରେ ଏପରି ବ୍ୟାୟାମ କରନ୍ତି। ଯାହାକୁ ଦେଖି ଦର୍ଶକଙ୍କ ନିଦ ହଜାଇ ଦେଇଛି। ବୃଦ୍ଧ ମହିଳା ବ୍ୟାୟାମ କରୁଥିବା ଦେଖି ଅନେକ ବଡି ବିଲଡରମାନେ ପଛ ଘୁଞ୍ଚା ଦିଅନ୍ତି। ତାଙ୍କ ନାମ ଲିଜେଲ ମ୍ୟାକ୍ସୱେଲ । କୁହାଯାଏ ଯେ ଏହି ବୟସରେ କେବଳ ଏକ ସଂଖ୍ୟା। ଆପଣ ଏହି ଫଟୋ ଗୁଡ଼ିକରୁ ଏହାର ଉଦାହରଣ ଦେଖିପାରିବେ । ୧୫ ବର୍ଷର ଅଭିଜ୍ଞତା ସହିତ ବିଶ୍ୱ ପ୍ରସିଦ୍ଧ ବ୍ୟକ୍ତିଗତ ପ୍ରଶିକ୍ଷକ, ଲିଜେଲ ମ୍ୟାକ୍ସୱେଲ ୩୦ଟି ବଡି ବିଲଡିଂ ଟାଇଟଲ୍ ଜିତି ସାରିଛନ୍ତି ।
ଇନଷ୍ଟାଗ୍ରାମରେ ତାଙ୍କର ଏକ ଲକ୍ଷ ଅଠର ହଜାରରୁ ଅଧିକ ଫ୍ୟାନ୍ସ ଫଲୋର୍ସ। ସେ ତାଙ୍କ ଇନଷ୍ଟାଗ୍ରାମ ପୋଷ୍ଟରେ ଅଷ୍ଟ୍ରେଲିଆର ଲିଜେଲେ ଦର୍ଶାଇଛନ୍ତି ଯେ ସେ କିପରି ତାଲିମ ନେଉଛନ୍ତି ଏବଂ ଏହାର ଉପକାରିତା ବିଷୟରେ ବର୍ଣ୍ଣନା କରିଛନ୍ତି। ଏନେଇ ଲିଜେଲ୍ ହିଛନ୍ତି, 'ଯେତେବେଳେ ମୁଁ ସଠିକ୍ ଭାବେ ଖାଏ, ସେତେବେଳେ ମୋର ତାଲିମ ପାଇଁ ଶକ୍ତି ଆସେ। ମୁଁ ସର୍ବଦା ନିଶ୍ଚିତ କରେ ଯେ ମୁଁ ମୋ ଶରୀରକୁ ପର୍ଯ୍ୟାପ୍ତ ପ୍ରୋଟିନ୍ ଏବଂ ଫ୍ୟାଟ୍ ସହିତ ପ୍ରସ୍ତୁତ କରେ। ମୋର ପ୍ରିୟ ସେକ୍ ହେଲା କୋଲେଜନ ପ୍ରୋଟିନ୍ ପାଉଡର, ଛେଳିର କ୍ଷୀରରୁ ପ୍ରସ୍ତୁତ ଦହି ଏବଂ କଞ୍ଚା ଅଣ୍ଡାର ହଳଦିଆ କେସର। ଲିଜଲେ ପ୍ରକାଶ କରିଛନ୍ତି ଯେ ସେ ଉପବାସ କରିବାକୁ ପସନ୍ଦ କରନ୍ତି ନାହିଁ।ସେ ଦୁଇରୁ ତିନି ଘଣ୍ଟା ମଧ୍ୟରେ ପ୍ରୋଟିନ୍ ଏବଂ ଫ୍ୟାଟ୍ ଖାଦ୍ୟ ଖାଇଥାନ୍ତି।