ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶ୍ରୀମନ୍ଦିର ଉପରେ ଡ୍ରୋନ୍‌ ଉଡାଇବା ଘଟଣା : ଅପଲୋଡ ଭିଡିଓ ଡିଲିଟ୍‌ କଲେ ୟୁଟ୍ୟୁବର, ଆଉ ହାତଯୋଡି କ୍ଷମା ବି ମାଗିଲେ…
  • ||
  • ଅର୍ଚ୍ଚନା ନାଗ ଗିରଫ ମାମଲା, ଇଡିକୁ ସବୁ ତଥ୍ୟ ଦେଲା କମିଶନରେଟ୍‌ ପୋଲିସ
  • ||
  • ଧର୍ମଗଡ଼ : ଦୁର୍ଘଟଣାଗ୍ରସ୍ତ ଟ୍ୟାଙ୍କରରୁ ଗ୍ୟାସ୍‌ ଲିକ୍‌, ଯାତାୟତ ବାଧାପ୍ରାପ୍ତ
  • ||

୬୩ବର୍ଷ ବୟସ୍କା ବୃଦ୍ଧାଙ୍କୁ ଦୁଷ୍କର୍ମ, ଅଭିଯୁକ୍ତ ଯୁବକକୁ ପୋଲିସ ଜିମାଦେଲେ ଗ୍ରାମବାସୀ

17/01/2020 at 2:17 PM

ମୋରଡା ୧୭।୧: ଦୁଷ୍କର୍ମର ଶିକାର ହେଲେ ୬୩ ବର୍ଷ ବୟସ୍କା ବୃଦ୍ଧା । ଏଭଳି ଅଭାବନୀୟ ଘଟଣା ଘଟିଛି ମୟୂରଭଞ୍ଜ ଜିଲ୍ଲା ମୋରଡା ଥାନା ଅନ୍ତର୍ଗତ ଘୋଳମୁହାଁ ପଞ୍ଚାୟତ ଗଣ୍ଡଗୁହାଳି ଗ୍ରାମରେ । ଦୁଷ୍କର୍ମ ନେଇ ଥାନାରେ ମାମଲା ରୁଜ୍ଜୁ ହୋଇଛି ।

ସୂଚନାଯୋଗ୍ୟ ଯେ, ଗତକାଲି ସନ୍ଧ୍ୟାରେ ପୀଡିତା ବୃଦ୍ଧା ଜଣଙ୍କ ଛେଳି ଆଣିବା ପାଇଁ ଜଙ୍ଗଲକୁ ଯାଇଥିଲେ । ଛେଳି ନେଇ ଆସିବା ସମୟରେ ନିଛାଟିଆ ସ୍ଥାନରେ ଅଭିଯୁକ୍ତ ବୃଦ୍ଧାଙ୍କୁ ଟଣାଓଟରା କରିଥିଲା ଯୁବକ । ପ୍ରତିବାଦ କରିବାରୁ ବୃଦ୍ଧାଙ୍କୁ ଆକ୍ରମଣ କରିଥିଲା ଅଭିଯୁକ୍ତ । ପରେ ବୃଦ୍ଧାଙ୍କୁ ଦୁଷ୍କର୍ମ କରିଥିଲା ବୋଲି ପୀଡିତା ବୃଦ୍ଧା ଅଭିଯୋଗ କରିଛନ୍ତି ।

ଦୁଷ୍କର୍ମ ପରେ ଘଟଣା ପ୍ରଘଟ ସହ ଲୋକଲଜ୍ଜା ଭୟରେ ପୀଡିତା ବୃଦ୍ଧାଙ୍କୁ ଜୀବନରୁ ମାରିଦେବାକୁ ଉଦ୍ୟମ କରିଥିଲା ଅଭିଯୁକ୍ତ । କୌଣସି ପ୍ରକାରେ ଅଭିଯୁକ୍ତର ହାତକୁ ପୀଡିତା କାମୁଡି ଦେବାରୁ ଯନ୍ତ୍ରଣାରେ ଛାଡି ଦେଇଥିଲା । ଏହି ସମୟରେ ପୀଡିତା ଚିତ୍କାର କରିବାରୁ ଆଖପାଖରେ ଥିବା ଲୋକମାନେ ଆସିବାରୁ ଅଭିଯୁକ୍ତ ଦିଲ୍ଲୀପ ଘଟଣାସ୍ଥଳରୁ ଖସି ପଳାଇବାକୁ ଉଦ୍ୟମ କରିଥିବା ବେଳେ ଗ୍ରାମବାସୀ ଗୋଡାଇ ଗୋଡାଇ ଧରିଥିଲେ ।

ତେବେ ଘଟଣାସ୍ଥଳରେ ଅଭିଯୁକ୍ତ ଜଣଙ୍କ ଚପଲ, ଚଷମା ଓ ମୋବାଇଲ ଛାଡି ପଳାଇଥିଲେ । ଅଭିଯୁକ୍ତ ଛାଡି ପଳାଇଥିବା ଜିନିଷ ଉଦ୍ଧାର କରି ପୋଲିସର ଜିମା ଦେଇଛନ୍ତି ଗ୍ରାମବାସୀ । ତେବେ ମୋରଡା ଥାନାରେ ଅଭିଯୋଗ ପରେ ପୋଲିସ ଏକ ଦୁଷ୍କର୍ମ ମାମଲା ରୁଜ୍ଜୁ କରି ଘଟଣାର ତଦନ୍ତ ଆରମ୍ଭ କରିଛି ।  ପୀଡିତା ଏବଂ ଅଭିଯୁକ୍ତର ଡାକ୍ତରୀ ମାଇନା କରାଯିବା ନେଇ ସୂଚନା ମିଳିଛି ।

   Related Posts