ନୂଆଦିଲ୍ଲୀ: ଆଇଆଇଟି, ନିଟ୍ ଓ ଆଇଆଇଏମରେ ବଢ଼ୁଛି ଛାତ୍ରଛାତ୍ରୀଙ୍କ ଆତ୍ମହତ୍ୟା ମୃତ୍ୟୁ ସଂଖ୍ୟା । ୨୦୧୮-୨୩ ମଧ୍ୟରେ ଶିକ୍ଷାନୁଷ୍ଠାନରେ ପ୍ରାୟ ୬୧ଜଣ ଛାତ୍ରଛାତ୍ରୀ ଆତ୍ମହତ୍ୟା କରିଛନ୍ତି । ପାଠପଢା ଚାପ, ଘରୋଇ ଟେନସନ, ମାନସିକ ଚାପ ଏବଂ ସ୍ବାସ୍ଥ୍ୟଗତ ସମସ୍ୟା ସହିତ ସଂଘର୍ଷ ନକରି ପାଇଁ ମୃତ୍ୟୁର କଣ୍ଟକ ପଥକୁ ବାଛି ନେଉଛନ୍ତି ଛାତ୍ରଛାତ୍ରୀମାନେ । ଏନେଇ ରାଜ୍ୟସଭାରେ କଂଗ୍ରେସ ସାସଂଦଙ୍କ ପ୍ରଶ୍ନର ଉତ୍ତର ରଖିଛନ୍ତି କେନ୍ଦ୍ର ରାଷ୍ଟ୍ର ଶିକ୍ଷାମନ୍ତ୍ରୀ ଡା. ସୁବାଷ ସରକାର ।
ରିପୋର୍ଟ ଅନୁଯାୟୀ, ଆଇଆଇଟି, ନିଟ୍ ଓ ଆଇଆଇଏମରେ ଗତ ବର୍ଷରେ ୬୧ଜଣ ଛାତ୍ରଛାତ୍ରୀ ମୃତର ଚରମ ରାସ୍ତାକୁ ବାଛି ନେଇଛନ୍ତି । ବିଶ୍ବ ବିଦ୍ୟାଳୟ ଓ ଶିକ୍ଷାନୁଷ୍ଠାନ ଗୁଡ଼ିକରେ ଛାତ୍ରଛାତ୍ରୀଙ୍କ କ୍ଷେତ୍ରରେ ଚାପ କମ୍ କରିବା ପାଇଁ ବିଭିନ୍ନ ପଦକ୍ଷେପ ଉଠାଇଛନ୍ତି କେନ୍ଦ୍ର ସରକାର । ରାଜ୍ୟସଭାରେ କେନ୍ଦ୍ର ରାଷ୍ଟ୍ର ଶିକ୍ଷାମନ୍ତ୍ରୀ କହିଛନ୍ତି, ନ୍ୟାସନାଲ ଏଡୁକେସନ ପଲିସି ୨୦୨୦ ଅନୁଯାୟୀ, ଛାତ୍ରଛାତ୍ରୀଙ୍କ ମାନସିକ ଚାପ କମ୍ କରିବା ପାଇଁ ବିଶ୍ବ ବିଦ୍ୟାଳୟ ସ୍ତରରେ ବିଭିନ୍ନ ପରାମର୍ଶ କେନ୍ଦ୍ର ଗଠନ କରାଯାଇଛି । ଛାତ୍ରଛାତ୍ରୀଙ୍କ ବିଭିନ୍ନ ସମସ୍ୟା ସମାଧାନ କରିବା ସହିତ ଖେଳକୁଦ, ସାଂସ୍କୃତିକ କାର୍ଯ୍ୟକ୍ରମରେ ପିଲାଙ୍କୁ ନିୟୋଜିତ କରାଯାଉଛି । ବିଭିନ୍ନ ପ୍ରକାର ଚାପ କମାଇବା ପାଇଁ ସ୍ପୋର୍ଟ୍ସ କ୍ଲବ, ଇକୋ କ୍ଲବ୍, କ୍ଲବ୍ ଆକ୍ଟିଭିଟ୍ ସେଣ୍ଟର ଆଦି ଗଠନ କରାଯାଇ ସେଥିରେ ଭାଗ ନେବା କୁହାଯାଉଛି ।
ସେହିପରି ଛାତ୍ରଛାତ୍ରୀ ଆତ୍ମହତ୍ୟା ରୋକିବା ପାଇଁ ବିଶ୍ବ ବିଦ୍ୟାଳୟ ଗ୍ରାଣ୍ଟ କମିଶନ ଦ୍ବାରା ବିଭିନ୍ନ ଆୟୋଗ ଗଠନ କରାଯାଇଥିବା କେନ୍ଦ୍ରମନ୍ତ୍ରୀ ରାଜ୍ୟସଭା କହିଛନ୍ତି । ପିଲାଙ୍କ ପାରିବାରିକ ଓ ମାନସିକ ଚାପ କମାଇବା ପାଇଁ କେନ୍ଦ୍ର ସରକାରଙ୍କ ପକ୍ଷରୁ ମନଦର୍ପଣ ଗଠନ କରାଯାଇଛି। ଏହି ସଂସ୍ଥା ଛାତ୍ରଛାତ୍ରୀଙ୍କ ମନୋବଳଦ ଦୃଷ୍ଟ କରିବା ସହିତ ପାଠପଢ଼ାରେ ସହଯୋଗ କରୁଛି । ଆତ୍ମହତ୍ୟା ରୋକିବା ପାଇଁ ବିଭିନ୍ନ ପଦକ୍ଷେପ ନିଆଯାଉଛି ।
wp:heading
