ଭଦ୍ରକ ୩|୧୧: ଛଅ ବର୍ଷ ହେଲାଣି, ଏଯାଏଁ ଶିଖିନି ଅ ଆ । ସ୍କୁଲକୁ ଯାଇ ପାରୁନି , କି ଗାଁ ଦାଣ୍ଡରେ କାହା ସହ ଖେଳି ପାରୁନି । ଦେହରୁ ବାହାରୁଛି ଦୁର୍ଗନ୍ଧ । ଆଉ ପ୍ରତି ମୁହୂର୍ତରେ ପରିସ୍ରା ଟୋପା ଟୋପା ଝରୁଛି । ଆଉ ଡାକ୍ତର କହି ପାରୁ ନାହାନ୍ତି ରୋଗର ନାଁ କଣ । ଏମିତି ଅଜଣା ରୋଗରେ ସଢି ହେଉଛି- ଭଦ୍ରକ ଜିଲ୍ଲା ବାଣିତିଆ ଗାଁର ଜଣେ ଶିଶୁ ।
ନାଁ ହେଉଛି କାହ୍ନା, ବୟସ ଛଅ ବର୍ଷ । ଭଦ୍ରକ ଜିଲ୍ଲା ଗ୍ରାମାଂଚଳ ଥାନା ବାଣିତିଆ ଗାଁର ସନାତନ କରଙ୍କ ପୁଅ କାହ୍ନା । କଥା ବାର୍ତ। କରୁଛି, ଆଉ ଧାଁ ଦୌଡ ବି କରୁଛି । ହଲେ ପାଠ ପଢୁନି । ଜନ୍ମରୁ ତା ଗୁପ୍ତାଙ୍ଗ ଅଦ୍ଭୁତ ପ୍ରକାରର ହୋଇ ରହିଛି । ସେଥିରୁ ସବୁବେଳେ ଟୋପା ଟୋପା ପରିସ୍ରା ଝରୁଛି । ଆଉ ଖୁବ୍ ଦୁର୍ଗନ୍ଧ ହେଉଛି । ତା ପାଖରେ କେହି ବସି ପାରୁନାହାଁନ୍ତି । ଭଦ୍ରକରୁ କଟକ ଧାଇଁ ଧାଇଁ ନୟାନ୍ତ ହେଲେଣି ଘର ଲୋକେ । ଡାକ୍ତର କହୁଛନ୍ତି - ସେ ପୁଅ କି ଝିଅ ଜାଣି ହେଉ ନାହିଁ । ଆଉ ଅପରେସନ ଦରକାର । ତବେ ରୋଗର ନାଁ ବି କହି ପାରୁ ନାହାଁନ୍ତି ଡାକ୍ତର ।
![](https://www.prameyanews7.com/wp-content/uploads/2018/11/vlcsnap-1611-08-15-11h14m56s663.png)
ବାପା ସନାତନ କର ଜଣେ ଖଟିଖିଆ ଦିନ ମଜୁରିଆ । ଚାଳ ଛପର ଘରର କାନ୍ଥ ଫାଟି ଗଲାଣି । ପେଟ ପାଇଁ ଦିନକୁ ଦି ଓଳି ଖାଇବା କଷ୍ଟକର ହୋଇ ପଡେ । ଏଭଳି ଅବସ୍ଥାରେ ଟଙ୍କା କେଉଠୁ ପାଇବେ ଅପରେସନ ପାଇଁ । କେହି ଯଦି ସହୃଦୟ ବ୍ୟକ୍ତି କିଛି ସାହାର୍ଯ୍ୟ କରନ୍ତି ତାହେଲେ ଏଇ ପିଲାଟି ସୁସ୍ଥ ହୋଇପାରନ୍ତା । କାହ୍ନାର ଠିକଣା ହେଉଛି -ବାସନ୍ତୀ ଲତା କର ,ସ୍ବାମୀ- ସନାତନ କର, ଗ୍ରାମ/ପୋ- ବାଣିତିଆ, ଭାୟା- ଚରଂପା . ଜିଲ୍ଲା- ଭଦ୍ରକ ପିନ୍-7561011