vridhi excotica
ori homes
vridhi excotica
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ବଢୁଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୪୨୮ କୋଭିଡ୍ ପଜିଟିଭ୍
  • ||
  • ଦେଶରେ ବଢୁଛି ସଂକ୍ରମଣ, ୨୪ ଘଣ୍ଟାରେ ବାହାରିଲେ ୧୮୯୩୦ କରୋନା ପଜିଟିଭ୍
  • ||
  • ଇଂଲଣ୍ଡରେ ଜନ୍ମଦିନ ପାଳିଲେ ଧୋନୀ, କାଟିଲେ କେକ୍ : ପତ୍ନୀ ସାକ୍ଷୀ ସେୟାର କଲେ ଭିଡିଓ
  • ||
  • କେବଳ ସ୍ପାଇସଜେଟ୍ ନୁହେଁ, ଅନ୍ୟ କମ୍ପାନୀର ବିମାନରେ ମଧ୍ୟ ବଢୁଛି ତ୍ରୁଟି : ଯାତ୍ରୀଙ୍କ ସୁରକ୍ଷାକୁ ନେଇ ଚିନ୍ତା
  • ||
  • ୪୧ ବର୍ଷରେ ପାଦ ଦେଲେ କ୍ୟାପ୍ଟେନ୍ କୁଲ୍ : ଟିମ୍ ଇଣ୍ଡିଆକୁ ଜିତାଇଥିଲେ ଦିନିକିଆ ଓ ଟି୨୦ ବିଶ୍ୱକପ୍
  • ||
  • ଜନ୍ମଦିନରେ ଓ୍ୱିମ୍ବଲଡନ୍ ଦେଖିବାକୁ ପହଁଚିଲେ ମାହି, ସାମ୍ନାକୁ ଆସିଲା ଫଟୋ
  • ||

ଗଙ୍ଗୋତ୍ରୀରୁ ପାଣି ଉଠାଇ ଆସୁଥିଲେ କାଉଡିଆ, ଗାଡି ଉପରକୁ ଧସିପଡିଲା ପାହାଡ, ୪ମୃତ

28/07/2019 at 4:36 PM

ଟିହରୀ:  ଗଙ୍ଗୋତ୍ରୀରୁ ପାଣି ଉଠାଇ ଆସୁଥିବା ଦଳେ କାଉଡିଆଙ୍କ ଗାଡି ଉପରକୁ ରବିବାର ପାହାଡ ଧସିପଡିଛି। ଫଳରେ ଜଳଭାର ଧରି ଗାଡିରେ ବସିଥିବା ୨ ଜଣ କାଉଡିଆଙ୍କ ମୃତ୍ୟୁ ହୋଇଥିବା ବେଳେ ୭ ଜଣ ଆହତ ହୋଇଥିଲେ। ସେମାନଙ୍କୁ ହସ୍ପିଟାଲ ନିଆଯାଉଥିବା ରାସ୍ତାରେ ଆଉ ୨ ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି। 

ସୂଚନା ଅନୁସାରେ ହରିୟାଣାର କାଉଡିଆମାନେ ଏକ ଭଡା ମ୍ୟାକ୍ସରେ ଗଙ୍ଗୋତ୍ରୀ ଆସି ଜଳଭାର ଉଠାଇ ପୁଣି ଗାଡିରେ ଋଷିକେଶ ଯିବା ରାସ୍ତାରେ କୁ଼୍ଜାପୁରି ବଗଡଧାମ ନିକଟରେ ଦୈବୀ ଦୁର୍ଘଟଣାର ଶିକାର ହୋଇଛନ୍ତି। ସ୍ଥାନୀୟ ଲୋକେ ସମସ୍ତ ମୃତାହତଙ୍କୁ ଉଦ୍ଧାର କରି ନିକଟସ୍ଥ ସୁମନ ସରକାରୀ ଚିକିତ୍ସାଳୟରେ ଭର୍ତ୍ତି କରିଥିବା ବେଳେ ୨ ଜଣଙ୍କ ଅବସ୍ଥା ଗୁରୁତର ଥିବାରୁ ସେମାନଙ୍କୁ ଋଷିକେଶ ଏମସ୍ କୁ ସ୍ଥାନାନ୍ତର କରାଯାଇଛି। ନରେନ୍ଦ୍ର ନଗର ପୋଲିସ  ଘଟଣାସ୍ଥଳରେ ପହଞ୍ଚି ରାସ୍ତାରୁ ପାହାଡ ଖଣ୍ଡ ହଟାଇବା ଲାଗି ଉଦ୍ୟମ ଚଳାଇଛି।

ସେପଟେ ଶନିବାର ଦିଲ୍ଲୀକୁ ଲାଗି ହରିୟାଣାର ଗୁରୁଗ୍ରାମରେ କାଉଡିଆମାନଙ୍କ କ୍ୟାଣ୍ଟରର ଆଗଚକ ଫାଟିଯିବାରୁ ଗାଡି ଘାଟିତଳକୁଖସି ପଡିଥିଲା। ଫଳରେ ୨ ଜଣ କାଉଡିଆଙ୍କ ମୃତ୍ୟୁ ହୋଇଥିବା ବେଳେ ଅନ୍ୟମାନେ ଗୁରୁତର ଆହତ ହୋଇଛନ୍ତି। ସେହିପରି  ଚମ୍ବା-ସାଂବଲୀ ମୋଟର ମାର୍ଗରେ ରବିବାର ସକାଳ ପ୍ରାୟ ୧୦ଟା ବେଳେ ଏକ ମାରୁତି କାର ୨୦୦ ମିଟର ଖାଇକୁ ଖସିପଡିଛି। ଫଳରେ କାରରେ ଯାଉଥିବା ୨ ଜଣଙ୍କ ମୃତ୍ୟୁ ହୋଇଥିବା ବେଳେ ୩ ଜଣ ଆହତ ହୋଇଛନ୍ତି। ମୃତାହତମାନେ ନିକଟସ୍ଥ ସାଂବଲି ଗାଁର ବୋଲି ଜଣାପଡିଛି।

   Related Posts