ଉତ୍ତରକାଶୀ: ଉତ୍ତରକାଶୀ ଟନେଲ୍ ଦୁର୍ଘଟଣାକୁ ସପ୍ତାହେ ବିତିବା ପରେ ଆସିଛି ସୁଖବର। ଗତ ନଅ ଦିନ ହେବ ଜୀବନ ମରଣ ସହ ସଂଘର୍ଷ କରୁଥିବା ୪୧ ଜଣ ଲୋକଙ୍କ ଜୀବନ ଜିଇଁ ଉଠିବାର ଆଶା ଜାଗି ଉଠିଛି। ସିଲକ୍ୟାରା ସୁଡ଼ଙ୍ଗରେ ଡ୍ରିଲିଂ କରୁଥିବା ଉଦ୍ଧାରକାରୀ ଦଳକୁ ବଡ଼ ସଫଳତା ମିଳିଛି। ରେସକ୍ୟୁ ଦଳର ଦିନରାତି ପରିଶ୍ରମ ଯୋଗୁଁ ଟନେଲ୍ ଭିତରେ ୬ ଇଞ୍ଚର ପାଇପ୍ ଲାଇନ୍ ପହଞ୍ଚି ଯାଇଛି।
wp:heading {"level":4}ଅଧିକ ପଢନ୍ତୁ- ନଭେମ୍ବର ୨୭ ପରେ ଆନ୍ଦୋଳନକୁ ଓହ୍ଲାଇବେ ମହାରାଷ୍ଟ୍ରର ୨ ଲକ୍ଷ କଣ୍ଟ୍ରାକ୍ଟର, ଠପ୍ ହୋଇଯିବ ନିର୍ମାଣ କାର୍ଯ୍ୟ
/wp:headingଏହା ଫଳରେ ସୁଡ଼ଙ୍ଗ ଭିତରେ ଫସିଥିବା ଲୋକଙ୍କୁ ପର୍ଯ୍ୟାପ୍ତ ପରିମାଣରେ ଅକ୍ସିଜେନ, ସନ୍ତୁଳିତ ଭୋଜନ ସହଜରେ ପହଞ୍ଚି ପାରିବ। ଗତ ରାତି ୧୨ଟାରୁ ଜାରି ଡ୍ରିଲିଂ ପରେ ସୋମବାର ଅପରାହ୍ଣ ପ୍ରାୟ ୩ଟାରେ ପ୍ରାୟ ଛଅ ଇଞ୍ଚର ପାଇପ୍ ଫସିଥିବା ଶ୍ରମିକଙ୍କ ନିକଟରେ ପହଞ୍ଚି ପାରିଛି। ଏହା ସହିତ ଅଗର ମେସିନ ଜରିଆରେ ଟନେଲ୍ ଭିତରେ ଏସକେପ୍ ପାଇପ୍ ଟନେଲ୍ ତିଆରି କରାଯିବା ପାଇଁ ଜାଗି ଉଠିଥିବା ଆଶା ଆହୁରି ମଜବୁତ ହୋଇଛି।
![सुरंग में फंसे मजदूरों तक पहुंचा 6 इंच चौड़ा पाइप](https://akm-img-a-in.tosshub.com/aajtak/images/story/202311/uttarkashi_tunnel-sixteen_nine.jpg?size=948:533)
ଆଜି ବିଳମ୍ବିତ ରାତିରୁ ମେସିନ କାମ ଆରମ୍ଭ କରାଯିବାର ପ୍ରସ୍ତୁତି ଚାଲିଛି। ଦୁଇ ଦିନ ପୂର୍ବେ ଉଦ୍ଧାରକାରୀ ଦଳ ସୁଡ଼ଙ୍ଗ ଭିତରେ ଛଅ ଇଞ୍ଚର ପାଇପ୍ ଲାଇନ୍ ତିଆରି କାମ ଆରମ୍ଭ ହୋଇଥିଲା। ୪୦ ମିଟର ପର୍ଯ୍ୟନ୍ତ ଅତଡ଼ାରେ ଡ୍ରିଲ୍ ହେବା ପରେ ମଝିରେ ଏକ ପଥର ପଡ଼ିବାରୁ ପାଇପ୍ ଆଗକୁ ବଢି ପାରି ନ ଥିଲା।
ରାତି ପ୍ରାୟ ୧୨ଟାରେ ନୂତନ ପାଇପ୍କୁ ନେଇ ପୁଣି ଥରେ ଡ୍ରିଲିଂ ଆରମ୍ଭ କରାଯାଇଥିଲା। ଏହା ଉପରେ ଡ୍ରିଲିଂ ଏକ୍ସପର୍ଟ ନଜର ରଖିଥିଲେ। ସୁଡ଼ଙ୍ଗ ଭିତରେ ଡ୍ରିଲିଂ କରାଯାଇ ପ୍ରତିଟି ଦିଗକୁ ଅନୁଧ୍ୟାନ କରାଯିବା ପରେ ଶେଷରେ ରେସକ୍ୟୁ ଦଳକୁ ସଫଳତା ମିଳିଛି। ଅନ୍ୟପଟେ ସୁଡ଼ଙ୍ଗ ଭିତରେ ଫସିଥିବା ଲୋକଙ୍କ ଉଦ୍ଧାର ପାଇଁ ଅନ୍ୟ ବିକଳ୍ପ ଉପରେ ବିଚାର କରାଯାଉଛି। ବର୍ତ୍ତମାନ ଛଅ ଇଞ୍ଚର ପାଇପ୍ ଜରିଆରେ ଡାଲି, ଭାତ, ରୋଟି, ତରକାରୀ ପଠାଯାଇ ପାରିବ।