କୋରାପୁଟ ୧୨/୦୯: ଲଗାଣ ବର୍ଷା ପ୍ରଭାବରେ କୋରାପୁଟ ରାୟଗଡା ୩୨୬ ନଂ ଜାତୀୟ ରାଜପଥରେ ଗାଡ଼ି ଚଳାଚଳ ବାଧାପ୍ରାପ୍ତ । କୋରାପୁଟ ସଦର ବଙ୍ଗଲାଗୁଡା ନିକଟ ଅସ୍ଥାୟୀ ପୋଲ ଉପରେ ୬ଫୂଟ ବର୍ଷାପାଣି ମାଡିବାରୁ ଯାତାୟାତ ବନ୍ଦ । ଉଭୟ ପାର୍ଶ୍ଵରେ ଶତାଧିକ ଗାଡ଼ି ଅଟକି ରହିଥିବା ଦେଖିବାକୁ ମିଳୁଛି ।

ସୂଚନାଥାଉକି, କୋରାପୁଟରେ ଜାରି ରହିଛି ଲଗାଣ ବର୍ଷା । ଏହି ଲଗାଣ ବର୍ଷା ପ୍ରଭାବରେ ବିଭିନ୍ନ ସ୍ଥାନରେ ଯାତାୟତ ବାଧାପ୍ରାପ୍ତ ହୋଇଛି । ଅନେକ ସ୍ଥାନରେ ରାସ୍ତା ଉପରେ ଚାଲୁଛି ବର୍ଷା ପାଣି । ଗତବର୍ଷ ବି ଅଗଷ୍ଟ ମାସରେ ବଙ୍ଗଳା ଗୁଡ଼ା ପୋଲ ଭୁଶୁଡି ପଡିଥିଲା । ୩୨୬ ନଂ ଜାତୀୟ ରାଜପଥରେ ଯାତାୟାତ ପାଇଁ ପୋଲ ନିକଟରେ ଅସ୍ଥାୟୀ ପୋଲ ନିର୍ମାଣ କରାଯାଇଥିଲା ।