ଅରରିଆ, ୩୦/୦୩: ବିହାରର ଅରରିଆରେ ଏକ ଦୁଖଦଃ ପୂର୍ଣ୍ଣ ଘଟଣା ଦେଖିବାକୁ ମିଳିଛି । ପଲାସି ଥାନା କବୈୟା ଗ୍ରାମରେ ଏକ ଚାଳ ଘରେ ନିଆଁ ଲାଗିଯିବାରୁ ୬ ଜଣ ଶିଶୁ ପୋଡ଼ି ହୋଇ ପ୍ରାଣ ହରାଇଛନ୍ତି ।
ନିଆଁ ଲାଗିବାର କାରଣ ଜଣାପଡ଼ିନଥିବା ବେଳେ ଚାଳଘରେ ଅଚାନକ୍ ନିଆଁ ଲାଗିଥିବା ଆଖପାଖ ଲୋକ କହିଥିବା ଜଣାପଡ଼ିଛି । ହାଠାତ୍ ନିଆଁ ଲାଗିବା ଫଳରେ ୬ ଶିଶୁ ଘରେ ଫସି ଯାଇଥିଲେ । ସେମାନେ ଚିତ୍କାର କରୁଥିବା ବେଳେ ସ୍ଥାନୀୟ ଲୋକ ସେମାନଙ୍କୁ ଉଦ୍ଧାର କରିବା ପାଇଁ ଏପଟେ ସେପଟେ ଦୈଡ଼ା ଦୈଡ଼ି କରିଥିଲେ ହେଁ ସେମାନଙ୍କୁ ବଞ୍ଚାଇପାରିନଥିଲେ ।
ଏହି ଘଟଣା ପ୍ରଚିରିତ ହେବାପରେ ସାରା ଅଞ୍ଚଳରୁ ଲୋକେ ଜମା ହୋଇଯାଇଥିଲେ । ସେମାନଙ୍କ ମଧ୍ୟରୁ କିଛି ଯୁବକ ନିଆଁ ଲିଭାଇବାକୁ ପ୍ରୟାସ କରି ଶିଶୁ ମାନଙ୍କ ପାଖରେ ପହଞ୍ଚିବାକୁ ସମର୍ଥ ହୋଇଥିଲେ । ହେଲେ ସେତେବେଳକୁ ଶିଶୁମାନେ ନିଆଁରେ ପୋଡ଼ି ହୋଇଯାଇଥିଲେ । ଫଳରେ ସମସ୍ତଙ୍କର ମୃତ୍ୟୁ ହୋଇଛି ।