ସୋନପୁର ୫।୭: ବୌଦ୍ଧ ଜିଲ୍ଲା ଗସ୍ତ ପୂର୍ବରୁ ସୁବର୍ଣ୍ଣପୁରର ଇଷ୍ଟ ଦେବୀ ମାଁ ସୁରେଶ୍ବରୀଙ୍କ ଦର୍ଶନ କରିଛନ୍ତି 5-T ସଚିବ ଭି.କେ. ପଣ୍ଡିଆନ । ବୁଧବାର ସକାଳୁ ସକାଳୁ ସୁବର୍ଣ୍ଣପୁରର ଇଷ୍ଟ ଦେବୀ ମାଁ ସୁରେଶ୍ବରୀଙ୍କ ଦର୍ଶନ କରିଛନ୍ତି । ମାଁଙ୍କ ନିକଟରେ ପୂଜାର୍ଚ୍ଚନା କରି ମାଁଙ୍କ ଆଶୀର୍ବାଦ କାମନା କରିଛନ୍ତି  । ଏହାପରେ ମାଁଙ୍କ ପୂରା ପୀଠ ବୁଲି ଦେଖିଛନ୍ତି  । ମନ୍ଦିର ସେବାୟତ  ଓ ଦେବତ୍ତର ବିଭାଗ ସହିତ ଆଲୋଚନା କରିଛନ୍ତି । ମନ୍ଦିରର ସାମୂହିକ ଉନ୍ନତି ପାଇଁ ଖୁବ୍ ଶୀଘ୍ର ଅନୁଦାନ ଦିଆଯିବ ବୋଲି କହିଛନ୍ତି । 5-T ସଚିବ ସୁରେଶ୍ବରୀ ମନ୍ଦିର ପରିଦର୍ଶନ କରିଥିବାରୁ ସୁବର୍ଣ୍ଣପୁର ସହରବାସୀ ଓ ସେବାୟତମାନେ ମାଁଙ୍କ ନିକଟରେ ତାଙ୍କ ଦୀର୍ଘାୟୁ କାମନା କରିଛନ୍ତି  ।

ଦିନିକିଆ ବୌଦ୍ଧ ଜିଲ୍ଲା ଗସ୍ତରେ 5-T ସଚିବ ଭି.କେ. ପଣ୍ଡିଆନ । 5-T ସଚିବ ଭି.କେ. ପାଣ୍ଡିଆନ ବୁଧବାର ହେଲିକପ୍ଟରରେ ଯାଇ ଆମ୍ବଗାଁରେ ପହଞ୍ଚିଛନ୍ତି । କଣ୍ଟାମାଳ ଆମ୍ବଗାଁ ସ୍ଥିତ ଜନତା ହାଇସ୍କୁଲ ପଡିଆଠାରେ ଉଦବୋଧନ ଦେଇଛନ୍ତି 5-T ସଚିବ । ସେଠାରେ ଲୋକଙ୍କ ସମସ୍ୟା ଶୁଣିବା ସହିତ ଅଭିଯୋଗ ଗ୍ରହଣ କରିଛନ୍ତି 5-T ସଚିବ । ବୌଦ୍ଧ ଜିଲ୍ଲାରେ ବିଭିନ୍ନ ପ୍ରକଳ୍ପର ଅନୁଧ୍ୟାନ ସହ ବିଭିନ୍ନ କାର୍ଯ୍ୟକ୍ରମରେ ଯୋଗଦେବେ 5-T ସଚିବ । ଜିଲ୍ଲାର ୩ଟି ଯାକ ବ୍ଲକ୍ କୁ ମାରାଥନ ଗସ୍ତ କରିବେ 5-T ସଚିବ ।

ବୌଦ୍ଧ ସହର ସ୍ଥିତ ଷ୍ଟାଡିୟମ୍ ପଡିଆରେ ମିଶନ ଶକ୍ତିର ମହିଳାମାନଙ୍କ ସହ ଆଲୋଚନା କରିବେ । ସେହିପରି କୃଷକ ବଜାର ପରିଦର୍ଶନ କରି ସେଠାରେ ଥିବା ମିଶନ ଶକ୍ତି କାଫେ ଏବଂ ବୁଣାକାର ବଜାର ପରିଦର୍ଶନ କରି ବୁଣାକାରମାନଙ୍କ ସହିତ ଆଲୋଚନା କରିବେ । ଏହାପରେ ମହାନଦୀ ଉପରେ ନୂତନ ଭାବେ ନିର୍ମାଣ ହୋଇଥିବା ମର୍ଯାକୁଦ ବ୍ରିଜ ପରିଦର୍ଶନରେ ଯିବେ 5-T ସଚିବ ।

ଜିଲ୍ଲା ମ୍ୟୁଜିୟମ ଠାରେ ଜିଲ୍ଲାର ବିଭିନ୍ନ ସଂଗଠନ ସହ 5-T ସଚିବ ଆଲୋଚନା କରିବାର କାର୍ଯ୍ୟକ୍ରମ ରହିଛି । ପରେ ନୂତନ ଭାବେ ଉଦଘାଟନ ହୋଇଥିବା ସଞ୍ଜିବନୀ ମାଗଣା ଡାୟାଲିସିସ୍ ସେଣ୍ଟର ପରିଦର୍ଶନ କରିବେ । ୩୦୦ ଶଯ୍ୟା ବିଶିଷ୍ଟ ମେଡ଼ିକାଲ କାର୍ଯ୍ୟର ଅନୁଧ୍ୟାନ କରି ସେଠାରେ ଆଲୋଚନା କରିବେ । ଶେଷରେ ମହାନଦୀ କୂଳରେ ଚନ୍ଦ୍ରଚୁଡ଼ ଘାଟରେ ନିର୍ମିତ ହେଉଥିବା ଆଳତୀ ଘାଟର ପରିଦର୍ଶନ କରି ସେଠାରେ କର୍ତ୍ତୃପକ୍ଷଙ୍କ ସହ ଆଲୋଚନା କରିବେ । ବୌଦ୍ଧ ବ୍ଲକ୍‌ର କାର୍ଯ୍ୟକ୍ରମ ସାରି ହରଭଙ୍ଗା ବ୍ଲକ୍ ଅଭିମୁଖେ ଯିବେ ।

You Can Read :