ବ୍ରହ୍ମପୁର ୨୬।୮: 5-T ସଚିବ ଭି. କେ. ପାଣ୍ଡିଆନଙ୍କ ତିନିଦିନିଆ ଗଞ୍ଜାମ ଜିଲ୍ଲା ଗସ୍ତର ଶନିବାର ଦ୍ଵିତୀୟ ଦିନ । ଭଞ୍ଜନଗର କାର୍ଯ୍ୟକ୍ରମ ଶେଷ କରି ସୋରଡ଼ାରେ ପହଞ୍ଚିଥିଲେ 5-T ସଚିବ ଭି.କେ. ପାଣ୍ଡିଆନ ।

ଛାତ୍ରଛାତ୍ରୀ, ମହିଳା, ଲୋକଙ୍କ ସହ ସିଧା ସଳଖ ଭେଟିଥିଲେ । ହାତକୁ ହାତ ମିଶାଇ ଅଭିଯୋଗ ପତ୍ର ଗ୍ରହଣ ମଧ୍ୟ କରିଥିଲେ । କିଏ ମୁଣ୍ଡ ଉପରେ ଫୁଲ ପକାଇ ସ୍ୱାଗତ କରୁଥିଲେ ତ ଆଉ କିଏ ହାତରେ ରାକ୍ଷୀ ବାନ୍ଧି ଅଭିଯୋଗ ଶୁଣାଉଥିଲେ । ଏସବୁ ଭିତରେ 5-T ସଚିବଙ୍କୁ ନିକଟରେ ପାଇ ଖୁସି ଆନନ୍ଦର ସହକାରେ ସେଲ୍ଫି ନେଉଥିବା ଦୃଶ୍ୟ ଦେଖିବାକୁ ମିଳିଥିଲା ।

ଜୟ ଜଗନ୍ନାଥ କହି ଭାଷଣ ଆରମ୍ଭ କରିଥିଲେ 5-T ସଚିବ ଭି. କେ. ପାଣ୍ଡିଆନ । ଯାହାର ଅଭିଯୋଗ ଦରଖାସ୍ତ ରହିଲା ଗ୍ରହଣ କରିବାକୁ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦେଲେ । ରାକ୍ଷୀ ପିନ୍ଧାଇ ଥିବାରୁ ସବୁ ଭଉଣୀକୁ ଧନ୍ୟବାଦ ଜଣାଇଥିଲେ । କଲେଜଗୁଡିକ ରୂପାନ୍ତରିତ ପାଇଁ ମୁଖ୍ୟମନ୍ତ୍ରୀ ପଦକ୍ଷେପ ଗ୍ରହଣ କରିଥିବା 5-T ସଚିବ କହିଛନ୍ତି । ସୋରଡ଼ା, ବେଲଗୁଣ୍ଠାର ଜନସାଧାରଣ ଏହି ଅଭିଯୋଗ ଶୁଣାଣିରେ ଯୋଗ ଦେଇଥିଲେ ।

5-T କଲେଜ ରୂପାନ୍ତରିତ ନେଇ ଜନ ପ୍ରତିନିଧିଙ୍କୁ ସହଯୋଗ ପାଇଁ ଅନୁରୋଧ କରିଥିଲେ 5-T ସଚିବ । ଭଲ ପାଠପଢି ବାପା-ମା’ଙ୍କ ସ୍ବପ୍ନକୁ ସାକାର ପାଇଁ ଛାତ୍ରଛାତ୍ରୀଙ୍କୁ ପରାମର୍ଶ ଦେଇଛନ୍ତି । କଲେଜର ବର୍ତ୍ତମାନ ସ୍ଥିତି ଏବଂ 5-T ରୂପାନ୍ତର ପରେ ଫଟୋ ପଠାଇବାକୁ ପରାମର୍ଶ ଦେଇଛନ୍ତି ।

ଏସଏଚଜି ମହିଳାଙ୍କୁ ଜୁହାର ଜଣାଇଲେ 5-T ସଚିବ । ୨୦୦୦ ମସିହାରେ ମୁଖ୍ୟମନ୍ତ୍ରୀ ଓଡିଶାର ବିକାଶ ପାଇଁ ମହିଳାଙ୍କ ଉନ୍ନତି ପାଇଁ ଚିନ୍ତା କରିଥିଲେ । ରୋଜଗାର ପାଇଁ ସୁଯୋଗ ଦେବା ଭାବି ମିଶନ ଶକ୍ତି ଗଠନ କରିଲେ । ୭୦ ଲକ୍ଷ ମହିଳା ଏଥିରେ ସାମିଲ ହୋଇ ଗଞ୍ଜାମ ଜିଲ୍ଲାରେ ଗୋଟିଏ ବର୍ଷରେ ୧ ହଜାର କୋଟି ଟଙ୍କା ଋଣ ନେଇଛନ୍ତି । ରିମୋଟ ଅଞ୍ଚଳର ମା’ମାନେ କେମିତି ଋଣ ପାଇବେ ସେଥିପାଇଁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି ।

ସାଳିମାଗୋଛା ପଞ୍ଚାୟତରୁ ଋଣ ମେଳା କ୍ୟାମ୍ପ ଆରମ୍ଭ କରିବାକୁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି । ଦୋକାନ ଗୃହ ଯୋଗାଇବାକୁ ନିର୍ଦ୍ଦେଶ ଦେଇଛନ୍ତି । ଯୋଗ୍ୟ ହିତାଧିକାରୀଙ୍କୁ ମଧୁ ବାବୁ ଯୋଜନାରେ ତୁରନ୍ତ ସାମିଲ ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ବିଜୁ ସ୍ୱାସ୍ଥ୍ୟ ଯୋଜନାରେ ମହିଳାଙ୍କ ପାଇଁ ୧୦ ଲକ୍ଷ ଏବଂ ପୁରୁଷଙ୍କ ପାଇଁ ୫ ଲକ୍ଷ ଟଙ୍କା ସୁବିଧା ଯୋଗାଇଛନ୍ତି । ଗରିବ ଲୋକଙ୍କ ଚିକିତ୍ସା ପାଇଁ ଏହି ସୁବିଧା ଯୋଗାଇଛନ୍ତି ମୁଖ୍ୟମନ୍ତ୍ରୀ । ୨୪ ଘଣ୍ଟା ମଧ୍ୟରେ ଜରୁରୀ ଚିକିତ୍ସା ଯୋଗାଣ ପାଇଁ ବିଜୁ ସ୍ୱାସ୍ଥ୍ୟ ଯୋଜନା ସ୍ମାର୍ଟ କାର୍ଡରେ ମୁଖ୍ୟମନ୍ତ୍ରୀ ସୁବିଧା ଯୋଗାଇଛନ୍ତି ।

ଓଡିଶାର ସମସ୍ତଙ୍କୁ ପରିବାର ଭାବିଛନ୍ତି ମୁଖ୍ୟମନ୍ତ୍ରୀ । ଟଙ୍କା ପାଇଁ ଯେମିତି ଚିକିତ୍ସାରୁ ବଞ୍ଚିତ ନହେବେ ତାର ବ୍ୟବସ୍ଥା କରିବାକୁ ମୁଖ୍ୟମନ୍ତ୍ରୀ ପୁରା ତତ୍ପର ଥିବା କହିଛନ୍ତି । ଆସନ୍ତା ୭ ଦିନ ମଧ୍ୟରେ ଅଭିଯୋଗର ସବୁ ପୂରଣ ହେବ ବୋଲି 5-T ସଚିବ କହିଲେ । ମନ୍ଦିର, ଚର୍ଚ୍ଚ, କମ୍ୟୁନିଟି ହଲ ସବୁର ଉନ୍ନତି ପାଇଁ ୭ ଦିନରେ ପଦକ୍ଷେପ ନିଆଯିବ ବୋଲି କହିଛନ୍ତି ।

ପାଣି ଯୋଗାଣ ପାଇଁ ୧୫୦୦ କୋଟି ବ୍ୟବସ୍ଥା କରିଛନ୍ତି । ସୋରଡ଼ାର ୨୨ଟି ଗାଁର ଭୂମି ସମସ୍ୟାର ସମାଧାନ ପାଇଁ ପଦକ୍ଷେପ ଗ୍ରହଣ କରାଯିବ ବୋଲି 5-T ସଚିବ କହିଛନ୍ତି । ପିପିଲଙ୍କା ପାଣି ଯୋଗାଣ ପାଇଁ ୧୦୦୦ କୋଟି ଟଙ୍କା ବ୍ୟବସ୍ଥା କରିଛନ୍ତି । ଖେଳ ପଡିଆର ଉନ୍ନତି ପାଇଁ ପଦକ୍ଷେପ ଗ୍ରହଣ କରାଯାଇଥିବା 5-T ସଚିବ କହିଛନ୍ତି । ସମସ୍ତଙ୍କୁ ମିଶି ଖୁସି ଲାଗିଥିବା 5-T ସଚିବ କହିଛନ୍ତି ।

You Can Read :