Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଠଗଡ: ହଟିଲା କଟକଣା, ନୂଆ ବର୍ଷରୁ ବାବା ଧବଳେଶ୍ୱରଙ୍କୁ ଦର୍ଶନ କରିବେ ଭକ୍ତ
  • ||
  • ଭୁବନେଶ୍ୱର: ସନ୍ଧ୍ୟା ସୁଦ୍ଧା ବାତ୍ୟାର ରୂପନେବ ଗଭୀର ଅବପାତ, ବର୍ଷାରେ ଭିଜିବ ଦକ୍ଷିଣ ଓଡିଶା
  • ||
  • ୧୭ ଜଣିଆ ରଣଜୀ ଟିମ୍ ଘୋଷଣା : ଶୁଭ୍ରାଂଶୁ ସେନାପତି ଅଧିନାୟକ, ୪ ନୂଆ ମୁହଁ
  • ||
  • ପୋଲିସକୁ ସଫଳତା, ନକଲି ସୁନା ଦେଇ ଋଣ କରି ୫୨ ଲକ୍ଷ ଟଙ୍କା ଠକେଇ ଘଟଣାର ପର୍ଦାଫାସ
  • ||
  • ଖଲ୍ଲିକୋଟ ଉଚ୍ଚ ବିଦ୍ୟାଳୟରେ ରାଗିଂ ଘଟଣା, ୭ ଛାତ୍ରଙ୍କୁ ବହିଷ୍କାର କଲେ ଅଧ୍ୟକ୍ଷ
  • ||

ବ୍ୟାପକ ହେବ ଫାଇଭ ଟି – ଅଫିସକୁ ଦୌଡିବାକୁ ପଡିବନି, ଲୋକଙ୍କ ପାଖରେ ପହଁଚିବ ସରକାରୀ ସେବା

23/11/2019 at 6:33 PM

ଭୁବନେଶ୍ୱର ୨୩।୧୧ –  ବ୍ୟାପକ ହେବ ଫାଇଭ ଟି ଚ୍ୟାଟର । ଲୋକଙ୍କ ପାଖରେ ପହଁଚିବ ସରକାରୀ ସେବା । ୨୦୨୦ ଅଗଷ୍ଟ ୧୫ରୁ ଆଉ ଲୋକଙ୍କୁ ସରକାରୀ ସେବା ପାଇବାକୁ ଅଫିସକୁ ଦୌଡିବାକୁ ପଡିବନି । ଅନଲାଇନରେ ସବୁ ସେବା ଯୋଗାଇଦେବେ ରାଜ୍ୟସରକାର । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗତକାଲି ବିଧାନସଭାରେ ଏହି ଘୋଷଣା କରିଛନ୍ତି । ହେଲେ ବିରୋଧୀ କିନ୍ତୁ ମୋ ସରକାରର ଏହି କାର୍ଯ୍ୟକ୍ରମକୁ ଗ୍ରହଣ କରିବାକୁ ନାରାଜ । ଅନଲାଇନରେ ସେବା ଯୋଗାଇବା କିଛି ବଡ କଥା ନୁହେଁ ଏହା ଆଗରୁ କରିବାର ଥିଲା  ବୋଲି ବିରୋଧୀ କହିଛନ୍ତି।

ହାତ ପାଆନ୍ତାରେ ମିଳିବ ସରକାରୀ ସେବା । ଜରୁରୀ ସରକାରୀ ସେବା ଲାଗି ଆଉ ସରକାରୀ ଅଫିସକୁ ସାଧାରଣ ଲୋକଙ୍କୁ ଦୈଡିବାକୁ ପଡିବନି । ୨୦୨୦ ଅଗଷ୍ଟ ୧୫ରୁ ଅନଲାଇନରେ ସରକାରୀ ସେବା ଯୋଗାଇଦେବେ ରାଜ୍ୟ ସରକାର ।

ନିଜେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଧାନସଭାରେ ଏଭଳି ପ୍ରତିଶୃତି ଦେଇଛନ୍ତି । ମୁଖ୍ୟମନ୍ତ୍ରୀ କହିଛନ୍ତି ୨୦୨୦ ସ୍ବାଧୀନତା ଦିବସ ସୁଦ୍ଧା ଜନସାଧାରଣ କୈଣସି କାର୍ଯ୍ୟପାଇଁ ସରକାରୀ କାର୍ଯ୍ୟାଳୟକୁ ନଆସି ଅନ୍ଲାଇନ୍‌ରେ ଏହି ସୁବିଧା ପାଇବେ । ସରକାର ଏଥିପାଇଁ କାର୍ଯ୍ୟ ଆରମ୍ଭ କରିଛନ୍ତି ।

ଏହା ୫-ଟି ଚ୍ୟାଟରର ସବୁଠୁ ବଡ ଲକ୍ଷ୍ୟ । ଏଥିପାଇଁ ବିଧାନସଭାରେ ସମସ୍ତ ସଦସ୍ୟଙ୍କ ସହଯୋଗ କାମନା କରିଛନ୍ତି ମୁଖ୍ୟମନ୍ତ୍ରୀ । ସାଧାରଣ ଲୋକ କିପରି ହାତ ପାଆନ୍ତାରେ ସେବା ପାଇବେ ତାହା ମୁଖ୍ୟମନ୍ତ୍ରୀଙ୍କ ପ୍ରାଥମିକତା ବୋଲି ସରକାରୀ ଦଳର ସଦସ୍ୟ କହିଛନ୍ତି ।

ମୁଖ୍ୟମନ୍ତ୍ରୀଙ୍କ ଏପରି ଘୋଷଣାକୁ କିନ୍ତୁ ସହଜରେ ଗ୍ରହଣ କରିପାରି ନାହାନ୍ତି ବିରୋଧୀ । ଏବେ ଯଦି ସରକାର ମୋ ସରକାର କଥା କହୁଛନ୍ତି ତେବେ ଆଗରୁ କାହା ସରକାର ଥିଲା । ୧୯ ବର୍ଷ ଶାସନରେ ସରକାରଙ୍କ ଏବେ ଲୋକଙ୍କୁ ସେବା ଦେବା କଥା ମନେପଡିଲା । ଏହା କେବଳ ଘୋଷଣା ସର୍ବସ୍ବ । ସରକାର ଏବେ ଯାହା କରୁଛନ୍ତି ତାହା ପୂର୍ବରୁ କରିବାର ଥିଲା ।

ରାଜ୍ୟ ସରକାର ଏବେ ଫାଇଭ-ଟି ଓ ମୋ ସରକାର ଉପରେ ଗୁରୁତ୍ବ ଦେଉଛନ୍ତି । ନିର୍ଦ୍ଧିଷ୍ଟ ସମୟ ସୀମାରେ କିପରି ଲୋକେ ସରକାରୀ ସେବା ପାଇବେ ତାହା ଉପରେ ପ୍ରାଥମିକତା ଦିଆଯାଉଛି । ଥାନା ଓ ଡାକ୍ତରଖାନାରେ ଏବେ ମୋ ସରକାର ଲାଗୁ ହୋଇଥିବାବେଳେ ଅଗଷ୍ଟ ସୁଦ୍ଧା ଆଉ ୫ଟି ବିଭାଗରେ ମୋ ସରକାର ଲାଗୁ ପାଇଁ ଯୋଜନା କରିଛନ୍ତି ।

   Related Posts