ପୋଲିସ-ଡ୍ରାଇଭର ଖଣ୍ଡଯୁଦ୍ଧ ମାମଲା : ୫୭ ଡ୍ରାଇଭର ଗିରଫ
18/03/2023 at 10:51 AM
ଖଲ୍ଲିକୋଟ ୧୮।୩: ପୋଲିସ ଓ ଡ୍ରାଇଭର ଏକତା ମହାସଂଘ ଖଣ୍ଡଯୁଦ୍ଧ ବେଳେ ପୋଲିସକୁ ଆକ୍ରମଣ ଘଟଣାରେ ବର୍ତ୍ତମାନ ସୁଦ୍ଧା ଦୁଇ ଥାନା ପକ୍ଷରୁ ୫୭ ଜଣ ଗିରଫ ହୋଇଛନ୍ତି । ଗଞ୍ଜାମ ଜିଲ୍ଲା ଚମାଖଣ୍ଡି ଥାନା ପକ୍ଷରୁ ୨୮ ଜଣ ଓ ଗୋପାଳପୁର ଥାନା ପକ୍ଷରୁ ୨୯ ଜଣଙ୍କୁ ଗିରଫ କରାଯାଇଛି ।
ଗୁରୁବାର ଦିନ ଚମାଖଣ୍ଡି ଥାନା ପକୁଡିବନ୍ଧ ଛକ ନିକଟରେ ଡ୍ରାଇଭରମାନେ ଆନ୍ଦୋଳନ କରିବା ସମୟରେ ବିଭିନ୍ନ ଗାଡିଗୁଡିକୁ ଭଙ୍ଗାରୁଜା କରିବା ସହିତ ପୋଲିସକୁ ଆକ୍ରମଣ କରିଥିଲେ l ଏଥିରେ ଗଞ୍ଜାମ ପୋଲିସ ଜିଲ୍ଲା ଓ ବ୍ରହ୍ମପୁର ପୋଲିସ ଜିଲ୍ଲାର ୮ରୁ ଅଧିକ ପୋଲିସ କର୍ମଚାରୀ ଆହତ ହୋଇଥିଲେ । ଏନେଇ ଚମାଖଣ୍ଡି ଥାନା ଓ ଗୋପାଳପୁର ଥାନାରେ ମାମଲା ରୁଜୁ ହୋଇ ତଦନ୍ତ ଜାରି ରହିଛି । ଆଗକୁ ମଧ୍ୟ୍ୟ ଗିରଫଙ୍କ ସଂଖ୍ୟା ବୃଦ୍ଧି ପାଇବାର ଆଶଙ୍କା ରହିଛି ।
