ଭୁବନେଶ୍ବର ୨୬।୪: ରାଜ୍ୟରେ ବଢୁଛି କରୋନା ସଂକ୍ରମଣ । ଗତ ୨୪ ଘଣ୍ଟାରେ ରାଜ୍ୟରେ ୫୪୨ ନୂଆ କରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ ଜଣଙ୍କର ମୃତ୍ୟୁ ହୋଇଛି । ଗତ କିଛି ଦିନ ହେବ ରାଜ୍ୟରେ କରୋନା ସଂକ୍ରମଣ ମାମଲା ବଢିବାରେ ଲାଗିଛି ।

ଉଲ୍ଲେଖଯୋଗ୍ୟ ଯେ, ରାଜ୍ୟରେ ୩୨୭୦ ସକ୍ରିୟ ସଂକ୍ରମିତ ରହିଛନ୍ତି । ସେହିଭଳି ୩୫୭ ଜଣ କରୋନାରୁ ସୁସ୍ଥ ହୋଇଛନ୍ତି ।

ସେପଟେ ରାଜ୍ୟର ଏକ ନୂଆ ଭାରିଆଣ୍ଟ ଚିହ୍ନଟ ହୋଇଛି । ତେବେ ରାଜ୍ୟରେ ବଢୁଥିବା ଓମିକ୍ରନ୍ ସଂକ୍ରମଣ XBB.1.16 ଭାରିଏଣ୍ଟ ଯୋଗୁଁ ବଢୁଛି । ସାର୍ସ କୋଭିଡ୍ ଜେନୋମିକ୍ସ କନସୋର୍ଟିୟମ୍-INSACOG ପକ୍ଷରୁ ସୂଚନା ଦିଆଯାଇଛି ଯେ, ଭୁବନେଶ୍ବରରେ ଥିବା ଲ୍ୟାବ୍ ଦ୍ବାରା ଜିନମ୍ ସିକ୍ବେନ୍ସିଂରେ ଦ୍ବାରା ଏହାକୁ ଚିହ୍ନଟ କରାଯାଇଛି । ଓଡ଼ିଶାରେ XBB.2.3 ଭାରିଏଣ୍ଟର ଗୋଟିଏ ନମୁନା ଏବଂ ଏହାର ଅତିରିକ୍ତ ମ୍ୟୁଟେସନ୍ ହୋଇଥିବା XBB.2.3.2ର ୨ଟି ନମୁନା ଚିହ୍ନଟ ହୋଇଛି ।

ଏପ୍ରିଲ ମାସରେ ରାଜ୍ୟର ବିଭିନ୍ନ ଜିଲ୍ଲାରୁ ସଂଗୃହୀତ ୭୭ଟି ନମୁନାରୁ ୩୪ଟି କେସ୍ ରେ XBB.1.16 ଏବଂ ଏହାର ମ୍ୟୁଟେସନ୍ ହୋଇଥିବା XBB.1.16.1ର ଗୋଟିଏ ଚିହ୍ନଟ ହୋଇଛି । ଭୁବନେଶ୍ବର ସ୍ଥିତ ଇନଷ୍ଟିଚ୍ୟୁଟ୍ ଅଫ୍ ଲାଇଫ୍ ସାଇନ୍ସ -ILS ଏବଂ ରିଜିଓନାଲ୍ ମେଡିକାଲ ରିସର୍ଚ୍ଚ ସେଣ୍ଟର-RMRC ପକ୍ଷରୁ କରାଯାଇଥିବା ଜିନମ୍ ସିକ୍ବେନ୍ସିଂ ଦ୍ବାରା ଏହାକୁ ଚିହ୍ନଟ କରାଯାଇଛି ।