vridhi excotica
star kirano
ori homes
vridhi excotica
star kirano
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟେନିସକୁ ଅଲବିଦା କହିଥାନ୍ତେ ରାଫେଲ ନାଦାଲ ! କିନ୍ତୁ…
  • ||
  • ଖୋର୍ଦ୍ଧା : ରାସ୍ତାକଡ଼କୁ ଖସିଲା ‘ଲିଙ୍ଗରାଜ’, ବସ୍‌ରେ ଥିଲେ ୨୦ରୁ ଅଧିକ ଯାତ୍ରୀ…
  • ||
  • ରାଜ୍ୟରେ ବଢୁଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୩୪୬ କୋଭିଡ୍ ପଜିଟିଭ୍
  • ||
  • ଜୁଲାଇ ୫ରେ ମାଟ୍ରିକ୍‌ ରେଜଲ୍ଟ ! ସୋମବାର ହୋଇପାରେ ଘୋଷଣା
  • ||
  • ବିଜେପି ରାଷ୍ଟ୍ରୀୟ କାର୍ଯ୍ୟକାରିଣୀ ବୈଠକ, ଶେଷଦିନରେ ନେତାଙ୍କୁ ଗୁରୁମନ୍ତ୍ର ଦେବେ ମୋଦୀ
  • ||
  • ସାମ୍ନାକୁ ଆସିଲେ କହ୍ନେୟାଲାଲ ହତ୍ୟାକାଣ୍ଡର ପ୍ରତ୍ୟକ୍ଷଦର୍ଶୀ, ବଖାଣିଲେ ଛାତିଥରା କାହାଣୀ
  • ||
  • ମୌସୁମୀକୁ ସକ୍ରିୟ କରିବ ଲଘୁଚାପ : ରବିବାର ଓ ସୋମବାର ଏହି ସବୁ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା
  • ||

୫୦ହଜାର କୁକୁଡା ଜିଅନ୍ତା ଜଳିଗଲେ, ଫାର୍ମ ଅଗ୍ନିକାଣ୍ଡର ଶତ୍ରୁତା କାରଣ !

30/08/2020 at 12:47 PM

ପାରାଦୀପ ୩୦/୦୮: ଅଭୟଚାନ୍ଦପୁର ଥାନା ଅଧୀନ ଏରସମା ବ୍ଲକ୍‌ ନୂଆଗାଁ ଗ୍ରାମର ରାମଚଣ୍ଡୀପଡ଼ାରେ ଏକ କୁକୁଡ଼ା ଫାର୍ମରେ ଗତକାଲି ରାତିରେ ଅଗ୍ନିକାଣ୍ଡ ଘଟିଛି । ଫଳରେ ପ୍ରାୟ ୫୦ ହଜାରରୁ ଅଧିକ କୁକୁଡ଼ା ଜୀଅନ୍ତା ଜଳି ପାଉଁଶ ହୋଇଯାଇଛନ୍ତି । ହେଲେ ଏହି ଫାର୍ମକୁ କେହି ନିଆଁ ଲଗାଇଦେଇଥିବା ଅଭିଯୋଗ ଉଠିଥିବା ବେଳେ ଟଙ୍କା କାରବାରକୁ ନେଇ ରାଗରଖି ଏଭଳି ଅଗ୍ନିକାଣ୍ଡ ଘଟାଇଥିବା ଅଭିଯୋଗ ଉଠିଛି । ଏଥିରେ ପ୍ରାୟ ୧୦ ଲକ୍ଷ ଟଙ୍କାର କ୍ଷତି ଘଟିଥିବା ପ୍ରାଥମିକ ଆକଳନରୁ ଜଣାପଡ଼ିଛି ।

ସୂଚନା ମୁତାବକ ଗ୍ରାମର ପବିତ୍ର ସ୍ୱାଇଁଙ୍କର ନିଜ ଘର ବାଡ଼ିରେ ଏକ ବଡ଼ କୁକୁଡ଼ା ଫାର୍ମ ଥିଲା । ସେଥିରେ ସେ ପ୍ରାୟ ୫୦ ହଜାର କୁକୁଡ଼ା ଚିଆଁ ଛାଡ଼ିଥିଲେ । ଆଉ ଦିନ କେଇଟା ପରେ ଚିଆଁ ଗୁଡ଼ିକ ବିକ୍ରି ଉପଯୋଗୀ ହୋଇଥାନ୍ତେ । ହେଲେ ଗତକାଲି ରାତିରେ କେହି ପବିତ୍ରଙ୍କ ଫାର୍ମରେ ନିଆଁ ଲଗାଇଦେବାରୁ ସବୁ ଚିଆଁ ପୋଡ଼ିଯାଇଥିବା ସକାଳେ ଜଣାପଡ଼ିଥିଲା । ହେଲେ ବର୍ଷାରେ ଫାର୍ମର ଚାଳ ଘର ଗୁଡ଼ିକ ସମ୍ପୂର୍ଣ୍ଣ ଓଦା ଥିବା ବେଳେ ସେଥିରେ ନିଆଁ କେମିତି ଲାଗିଲା ସେନେଇ ସନ୍ଦେହ ଉପୁଜିଛି । ଗାଁରେ ଥିବା ଏକ ଗୋଷ୍ଠୀରୁ ଟଙ୍କା କରଜ ସୂତ୍ରରେ ଆଣି ପବିତ୍ର ଫାର୍ମରେ ଲଗାଇଥିବା ବେଳେ ଲକ୍‌ଡାଉନ୍‌ରେ କୁକୁଡ଼ା ବେପାର ମାନ୍ଦା ଧରିବାରୁ ସେ ଟଙ୍କା ଶୁଝି ପାରିନଥିବା ଜଣାପଡ଼ିଛି ।

ଗତ କିଛିଦିନ ତଳେ କରଜ ଟଙ୍କା ଶୁଝିବାକୁ ନେଇ କିଛି ଲୋକଙ୍କ ସହ ପବିତ୍ରଙ୍କର ପାଟିତୁଣ୍ଡ ହୋଇଥିବା ଜଣାପଡ଼ିଥିଲା । ତେଣୁ ଏହାକୁ ନେଇ ଗତକାଲିର ଅଗ୍ନିକାଣ୍ଡ ଘଟିଥାଇପାରେ ବୋଲି ଅଭିଯୋଗ ଉଠୁଥିବା ବେଳେ କେହି କେହି ଏହାକୁ ଜାଣିଶୁଣି କରାଯାଇଥିବା ମଧ୍ୟ କହୁଥିବା ଶୁଣିବାକୁ ମିଳିଛି । ଏନେଇ ଥାନାରେ ଅଭିଯୋଗ ହୋଇଥିବାବେଳେ ତଦନ୍ତ ପରେ ଏହା ଦୁର୍ଘଟଣା ଜନିତ ଅଗ୍ନିକାଣ୍ଡ ନା ମନୁଷ୍ୟକୃତ ତାହା ସ୍ପଷ୍ଟ ହେବ ।

   Related Posts