ନୂଆଦିଲ୍ଲୀ: ବ୍ରିଟେନ୍‌ରେ ଭାରତୀୟ ଛାତ୍ର ଆଧୁନିକ କ୍ରୀତଦାସ ! ୫୦ରୁ ଅଧିକ ଛାତ୍ର ଚାପରେ ଆସି ଦାସତ୍ବ ଗ୍ରହଣ କରିଥିବା ଆଶଙ୍କା । ୟୁକେରେ ଶୋଷଣର ଶିକାର ହେଉଛନ୍ତି ଛାତ୍ର । ଏମାନଙ୍କୁ ଦାସତ୍ବ ପାଇଁ ପ୍ରବତ୍ତାଉଥିବା ୫ଜଣ ଅଭିଯୁକ୍ତଙ୍କୁ ଚିହ୍ନଟ କରାଯାଇଛି । ଏନେଇ ଚାଞ୍ଚଲ୍ୟକର ତଥ୍ୟ ପ୍ରକାଶ କରିଛନ୍ତି ବ୍ରିଟେନ୍‌ରେ ଅବସ୍ଥାପିତ ଥିବା ଭାରତୀୟ ହାଇ କମିଶନର ।

ଇଂଲଣ୍ଡରେ ୫୦ରୁ ଅଧିକ ଭାରତୀୟ ଛାତ୍ର ନର୍ଥ ଓ୍ବେଲ୍ସର କେୟାର ହୋମ୍ସରେ ଆଧୁନିକ କ୍ରୀତଦାସ ପ୍ରଥା ସ୍ବିକାର କରିଥିବା ଆଶଙ୍କା କରିଛି ଭାରତୀୟ ଉଚ୍ଚ ଆୟୋଗ । ସହଯୋଗ ଏବଂ କାଉଁସିଲିଂ ପାଇଁ ମିଶନ ସହିତ ସମ୍ପର୍କ କରିବାକୁ ହାଇ କମିଶନରଙ୍କ ପକ୍ଷରୁ ଅପିଲ୍ କରାଯାଇଛି । ୟୁକେ ସରକାରଙ୍କ ଗୁଇନ୍ଦା ଏବଂ ଶ୍ରମ ଶୋଷଣ ଯାଞ୍ଚ ଏଜେନ୍ସି ଗ୍ୟାଙ୍ଗମାଷ୍ଟର୍ସ ଏବଂ ଲେବର ଆବ୍ୟୁଜ୍ ଅଥୋରିଟି ଶ୍ରମ ଶୋଷଣ ମାମଲାରେ ଚଳିତ ସପ୍ତାହରେ ୫ଜଣ ଅଭିଯୁକ୍ତଙ୍କ ବିରୋଧରେ ଅଦାଲତ ଆଦେଶ ପ୍ରାପ୍ତ କରିବାରେ ସଫଳ ହୋଇଛି ।

ଜିଏଲଏଲଏର କହିବା ମୁତାବକ, ଗତ ୧୪ ସପ୍ତାହରେ ଏଜେନ୍ସି ୫୦କୁ ଅଧିକ ଛାତ୍ରଙ୍କୁ ଚିହ୍ନଟ କରିଛନ୍ତି । ଯେଉଁମାନେ ଆଧୁନିକ ଦାସତ୍ବ ସ୍ବିକାର କରିବା ସହିତ ଶ୍ରମ ଶୋଷଣ ନିର୍ଯାତନା ଭୋଗୁଥିବା ଆଶଂକା କରାଯାଉଛି । ଭାରତୀୟ ଉଚ୍ଚ ଆୟୋଗ ଏଭଳି ଖବରକୁ ନେଇ ଚିନ୍ତା ବ୍ୟକ୍ତ କରିଛନ୍ତି । ଏହା ସହିତ ଛାତ୍ରଙ୍କୁ ସହଯୋଗ ପାଇଁ ଟ୍ବିଟ୍ କରି ଏକ ଓ୍ବେବ୍ ସାଇଟ୍ ପୋଷ୍ଟ କରିଛନ୍ତି ।  ଯେଉଁ ଭାରତୀୟ ଛାତ୍ରଙ୍କୁ ଶୋଷଣ ସାମ୍ନା କରିବାକୁ ପଡ଼ୁଛି ସେମାନେ [email protected]ରେ ସମ୍ପର୍କ କରିବାକୁ ଟୁଇଟରରେ ହାଇ-କମିଶନର କହିଛନ୍ତି ।       

ଗିରଫ ହୋଇଥିବା ପାଞ୍ଚ ଅଭିଯୁକ୍ତ ନର୍ଥ ଓ୍ବେଲ୍ସର କେୟାର ହୋମ୍ସରେ ଭାରତୀୟ ଛାତ୍ରଙ୍କୁ ଭର୍ତ୍ତି କରିବାକୁ ଜିମା ନେଇିଥିବା ସନ୍ଦେହ କରାଯାଉଛି । ଏହି ୫ଜଣ ତଥା ମୈଥ୍ୟୁ ଇସାକ, ଜିନୁ ଚେରିଆନ୍, ଏଲ୍ଡହୋସ୍ ଚେରିଆନ୍, ଏଲ୍ଡହୋସ୍ କୁରିୟାଚନ ଏବଂ ଜୈକାବ ଲିଜୁ ସାମିଲ ଅଛନ୍ତି । ସମସ୍ତ ଅଭିଯୁକ୍ତ କେରଳର ମୂଳ ବାସିନ୍ଦା । ଏମାନଙ୍କୁ ଡିସେମ୍ବର ୨୦୨୧ରୁ ମାର୍ଚ୍ଚ ୨୦୨୨ ମଧ୍ୟରେ ଗିରଫ କରାଯାଇଛି । ଏମାନଙ୍କ ବିରୋଧରେ ଏବେ ଯାଞ୍ଚ ଚାଲିଛି ।