କଳାହାଣ୍ଡି, ୦୪/୧୦: ବେକାର ଯୁବକଙ୍କୁ ଚାକିରୀ ଆଶା ଦେଖାଇ ଟଙ୍କା ଠକେଇ ଅଭିଯୋଗ।କଳାହାଣ୍ଡି ଜିଲ୍ଲା ଭବାନୀପାଟଣା ଟାଉନ ଥାନା ପୋଲିସ ଠକେଇ ମାମଲାରେ ୫ ଜଣଙ୍କୁ ଅଟକ ରଖିଛି ।
ସୂଚନା ଅନୁସାରେ, ଭବାନୀପାଟଣା ଟାଉନ ଥାନା ତାରିଣୀ ମନ୍ଦିର ପଡା ଭଡ଼ା ଘରେ ଏକ ଠକ ସଂସ୍ଥା ଅଫିସ କରିଥିଲା । ଚାକିରୀର ପ୍ରଲୋଭନ ଦେଖାଇ ଜଣକ ପିଛା ୨୨ ହଜାର ଟଙ୍କା ଆଦାୟ କରିଥିଲା ଏହି ସଂସ୍ଥା । ବିଶେଷ କରି ଉପକୁଳବର୍ତୀ ଜିଲ୍ଲାର ବେକାର ଯୁବକଙ୍କୁ ଠକ ସଂସ୍ଥା ଟାର୍ଗେଟ କରୁଥିଲେ।କିନ୍ତୁ ଚାକିରୀ ନପାଇବା ପରେ ଆଶାୟୀମାନେ ଅଭିଯୋଗ କରିଥିଲେ ।
ପୋଲିସ ସଂସ୍ଥାରେ ଚଢଉ କରି ୫ ଜଣଙ୍କୁ ଅଟକ ରଖିଛି ।ଅଟକ ବ୍ୟକ୍ତିମାନେ କେନ୍ଦୁଝର, ଜଗତସିଂହପୁର, ପୁରୀ ଅଞ୍ଚଳର ବୋଲି ଜଣାପଡିଛି । ପୋଲିସ ଘଟଣାର ଅଧିକ ତଦନ୍ତ ଜାରି ରଖିଛି ।
