ଟାଙ୍ଗୀ: ବ୍ରାଉନ ସୁଗାର ବିକ୍ରି ଅଭିଯୋଗରେ ୨ ଜଣ ବ୍ୟବସାୟୀ ଗିରଫ। ବେପାରୀମାନେ ହେଲେ ଟାଙ୍ଗୀ ଅବକାରୀ ବିଭାଗ ଅଧି ଛଣଗିରି ଗ୍ରାମର ପ୍ରଶାନ୍ତ କୁମାର ସାହୁ ଓ ଅରୁଣ କୁମାର ବେହେରା । ଏ ଦୁହେଁ ଲୁଚାଛପା ଭାବେ ବ୍ରାଉନ୍-ସୁଗାର ବେପାର କରି ଆସୁଥିଲେ ମାତ୍ର ଧରପଗଡ ପୂର୍ବରୁ ଚମ୍ପଟ ମାରୁଥିଲେ। ଜବତ ବ୍ରାଉନ୍-ସୁଗାରର ଆନୁମାନିକ ମୂଲ୍ୟ ୫ ଲକ୍ଷ ଟଙ୍କା ହେବ।
ଏମାନଙ୍କୁ ଧରପଗଡ କରିବା ପାଇଁ ଅବକାରୀ ବିଭାଗର ଅଧିକାରୀ ଆଲୋକ ପ୍ରଧାନଙ୍କ ନିର୍ଦ୍ଦେଶ ଏକ ଟିମ୍ ଅତର୍କିତ ଚଢ଼ାଉ କରି ଏହି ୨ ବ୍ରାଉନ୍-ସୁଗାର ବେପାରୀଙ୍କୁ ଗିରଫ କରିବା ସହିତ ଅରୁଣ ବେହେରା ଠାରୁ ୧୫ ଗ୍ରାମ ଏବଂ ପ୍ରଶାନ୍ତ ସାହୁ ନିକଟରୁ ୩୫ ଗ୍ରାମ୍ ବ୍ରାଉନ୍-ସୁଗାର ଜବତ କରିଛନ୍ତି । ଜବତ ବ୍ରାଉନ୍-ସୁଗାରର ଆନୁମାନିକ ମୂଲ୍ୟ ୫ ଲକ୍ଷ ଟଙ୍କା ହେବ। ଗିରଫ ଅଭିଯୁକ୍ତ ଦୁହେଁ ଏହି ବ୍ରାଉନ୍-ସୁଗାର କେଉଁଠାରୁ ଆଣିଲେ , ଏଥିରେ ଆଉ କେଉଁମାନେ ସଂପୃକ୍ତ ଅଛନ୍ତି ତାହାର ଖୋଳତାଡ କରୁଛି ଟାଙ୍ଗୀ ଅବକାରୀ ବିଭାଗ ।
