ନୟାଗଡ ଦଶପଲ୍ଲାରେ ଅଗ୍ନିକାଣ୍ଡ ; ୫ବଖରା ଘର ସହ ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ନଷ୍ଟ
Published By : Prameya-News7 Bureau | September 25, 2018 IST
ନୟାଗଡ ୨୫|୯: ନୟାଗଡ ଜିଲ୍ଲା ଦଶପଲ୍ଲା ଶ୍ରୀରାମପୁରରେ ଅଗ୍ନିକାଣ୍ଡ ହୋଇଛି । ଅଗ୍ନିକାଣ୍ଡ ଫଳରେ ୫ ବଖରା ଘର ଜଳିପୋଡି ପାଉଁଶ ହୋଇଯାଇଛି । ଗତକାଲି ବିଳମ୍ବିତ ରାତିରେ ଅଗ୍ନିକାଣ୍ଡ ହୋଇଥିବା ଜଣାପଡିଛି । ଆନ୍ଦୋଳନ ଯୋଗୁଁ ଘଟଣାସ୍ଥଳକୁ ଆସିଲେନି ଅଗ୍ନିଶମ କର୍ମଚାରୀ । ଫଳରେ ଗାଁ ଲେ।କ ମିଶି ନିଆଁକୁ ଆୟତ୍ତ କରିଥିଲେ । ଅଗ୍ନିକାଣ୍ଡରେ ଘର ପୋଡିବା ସହ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଥିବା ଜଣାପଡିଛି । ଅଗ୍ନିକାଣ୍ଡର କାରଣ ସ୍ପଷ୍ଟ ହୋଇନାହିଁ ।