ମୋରଡା, ୧୮/୧୨: ମୋରଡା ପୋଲିସ ପାଟ୍ରୋଲିଂ ବେଳେ ଲକ୍ଷାଧିକ ଟଙ୍କାର ସୋଲାର ପ୍ଲେଟ ଓ ବ୍ୟାଟେରି ଜବତ କରିଛି । ଏହି ସବୁ ସାମଗ୍ରୀ ଏକ ଅଟୋର ଯାଉଥିବା ବେଳେ ପୋଲିସ ଧରିଛି ।
ସୂଚନାନୁସାରେ, ଏକ ଅଟୋରେ ଶତାଧିକ ବ୍ୟାଟେରି ସହିତସୋଲାର ପ୍ଲେଟ୍ ଚାଲାଣ ହେଉଥିଲା । କିନ୍ତୁ ଏସବୁ ପାଟ୍ରୋଲିଂ କରୁଥିବା ମୋରଡା ପୋଲିସ ହାବୁଡ଼ରେ ପଡିଥିଲା । ପୋଲିସ ଅଟୋ ଚାଳକଙ୍କୁ କାଗଜପତ୍ର ଦେଖାଇବାକୁ କୁହାଯାଇଥିଲା । କିନ୍ତୁ ସେ କୈାଣସି କାଗଜପତ୍ର ଦେଖାଇ ପାରିନଥିଲେ । ତେବେ ଏ ଘଟଣାରେ ପାଞ୍ଚ ଜଣଙ୍କୁ ଗିରଫ କରାଯାଇଛି । ଗିରଫ ପାଞ୍ଚ ଜଣ ହେଲେ ଖୁଣ୍ଟା ଥାନା ଅନ୍ତର୍ଗତ କୃଷ୍ଣ ବାଗରାୟ, ବିଭୁତି ପ୍ରସାଦ ନାୟକ, ସୂର୍ଯ୍ୟକାନ୍ତ ନାୟକ , ମଣ୍ଟୁ ନାୟକ ଓ ପ୍ରବେଶ୍ୱର ନାୟକ ।
ଏହି ଯୁବକ ଚିକିଟାମାଟିଆ ଗାଁରେ ସରକାରୀ ସ୍ତରରେ ଲାଗିଥିବା ସୋଲାର ପ୍ଲେଟ୍ ଓ ବ୍ୟାଟେରୀକୁ ଚୋରି କରି ଖୁଣ୍ଟାକୁ ନେଉଥିଲେ । ପୋଲିସ ତଦନ୍ତ କରିବା ସହ ଏକ ମାମଲା ରୁଜୁ କରି କୋର୍ଟ ଚାଲାଣ କରାଯାଇଛି । ଜବତ ବ୍ୟାଟେରୀ ଓ ସୋଲାର ପ୍ଲେଟ୍ର ମୂଲ୍ୟ ଲକ୍ଷାଧିକ ଟଙ୍କା ହେବ ବୋଲି ମୋରଡା ଓଆଇସି ପଦ୍ମଲୋଚନ ପାଣିଗ୍ରାହୀ କହିଛନ୍ତି ।
