ବନ୍ଧୁଗାଁ ୨୭/୨୧ : ବନ୍ଧୁଗାଁ ବ୍ଲକ ଅନ୍ତର୍ଗତ କାନାଗାଁ ପଞ୍ଚାୟତର ଅଘଟଣ ଘଟିଛି। ବିଜୁଳୀ ତାର ସଂସ୍ପର୍ଶରେ ଆସିବାରୁ ୱାଟାକା ମନସନଙ୍କ ସାତୋଟି ଗୋରୁଙ୍କ ମୃତ୍ୟୁ ହୋଇଛି I ଗତକାଲି ସନ୍ଧ୍ୟା ୫ଟାରେ ନିଜର ୫ଟି ଗାଈ ଓ ୨ଟି ବାଛୁରୀକୁ ନେଇ ନିଜ କୁଡ଼ିଆରୁ କିଛି ଦୂରରେ ନିଜର ଚାଷ ଜମିରେ ବାନ୍ଧି ମନସନ ଚାଲିଯାଇଥିଲେ I କିନ୍ତୁ କିଛି ସମୟ ପରେ ମନସନଙ୍କ ଚାଷ ଜମି ଦେଇ କୋମ୍ଭୁଗାଣ୍ଡା ପଞ୍ଚାୟତର ସମସ୍ତ ଗ୍ରାମ ପାଇଁ ଯାଇଥିବା ଏଲସି ବିଜୁଳୀ ଲାଇନ ବହୁ ବର୍ଷର ପୁରୁଣା ହୋଇଥିବାରୁ ହଠାତ ଛିଣ୍ଡିଯିବାରୁ ୭ଟି ଗୋରୁଙ୍କ ମୃତ୍ୟୁ ହୋଇଛି I

ଏହାକୁ ନେଇ ଦାୟିତ୍ୱରେ ରହିଥିବା ବିଜୁଳୀ ବିଭାଗର ମାନସ ନାୟକଙ୍କୁ ଫୋନ୍‌ ମାଧ୍ୟମରେ ଜଣାଇବା ପରେ କାନଗାଁରୁ କୋମ୍ଭୁଗାଣ୍ଡା ଦେଇ ଯାଇଥିବା ବିଜୁଳୀ କାଟି ଘଟଣା ସ୍ତଳରେ ପହଞ୍ଚି ଛିଣ୍ଡିଥିବା ବିଜୁଳୀ ତାରକୁ ଘଟଣା ସ୍ଥାନରୁ ହଟାଇ ଲୋକଙ୍କୁ ସଚେତନ କରିଥିଲେ I ସକାଳେ ବନ୍ଧୁଗାଁ ବ୍ଲକର ପ୍ରାଣୀ ବିଭାଗର ଅଧିକାରୀ ବି.ଭି.ଓ ଶ୍ରୀ ଦୁର୍ଗା ପ୍ରସାଦ ଓ ଏଲ.ଆଇଙ୍କୁ ଜଣାଇଥିଲେ I

ଘଟଣାସ୍ଥଳରେ କାନାଗାଁ ପଞ୍ଚୟତର ଆର. ଆଇ. ଓ ପ୍ରାଣୀ ବିଭାଗର ଅଧିକାରୀ ଘଟଣାସ୍ଥାନକୁ ଯାଇଥିଲେ I ସାତ ଗୋଟି ଗୋରୁଙ୍କ ବ୍ୟବଛେଦ କରିବା ପରେ ପରିବାରଙ୍କୁ ହସ୍ଥାନ୍ତର କରାଯାଇଛି। କ୍ଷତିପୂରଣ ପାଇଁ ସରକାରଙ୍କ ତରଫରୁ ସହୟତା ଯୋଗାଇ ଦେବା ପାଇଁ ଲିଖିତ ଭାବରେ ସରକାରଙ୍କୁ ଜଣାଇବେ ବୋଲି ଆରଆଇ ମନସନଙ୍କୁ କହିଛନ୍ତି।