ନୂଆଦିଲ୍ଲୀ: ଦୈନିକ ଔଷଧ ଖାଉଥିବା ଲୋକ ଏହି ରିପୋର୍ଟ ଦେଖିବା ଜରୁରୀ । ୪୮ ଔଷଧ ଗୁଣବତ୍ତା ପରୀକ୍ଷଣରେ ଫେଲ୍ । ଡ୍ରଗ୍ସ କମ୍ପାନୀ, ମେଡିସିନରେ ଷ୍ଟାଣ୍ଡାର୍ଡ କ୍ବିଲିଟି ବଜାୟ ରଖିବାରେ ବିଫଳ ହୋଇଛି । ସେଣ୍ଟ୍ରାଲ ଡ୍ରଗ୍ସ ଷ୍ଟାଣ୍ଡାର୍ଡ ଅଣ୍ଡ୍ କନଣ୍ଟ୍ରୋଲ୍ ଅର୍ଗାନାଇଜେସନର କ୍ବାଲିଟ୍ ଚେକ୍ ବେଳେ ଏହି ଔଷଧ ସବୁ ସାମ୍ନାକୁ ଆସିଛି । ନ୍ୟାସନାଲ ଡ୍ରଗ ରେଗୁଲେଟର CDSCO ମୁତାବକ, ମାର୍ଚ୍ଚ ମାସରେ ଡିସିଜିଆଇ ୧୪୯୭ ଔଷଧର ନମୂନା ପରୀକ୍ଷଣ ପାଇଁ ସମ୍ପୂଲ ସଂଗ୍ରହ କରିଥିଲା । କ୍ବାଲିଟି ଚେକ୍ ବେଳେ ୧୪୪୯ଟି ମେଡିସିନ୍ ମାନକ ପରୀକ୍ଷଣରେ ପାସ୍ କରିଥିଲା, ହେଲେ ୪୮ ଔଷଧ ଏହି ଗୁଣବତ୍ତା ପରୀକ୍ଷଣ ଫେଲ୍ ହୋଇଛି।

କେଉଁ ଔଷଧ ମାନକ ପରୀକ୍ଷଣରେ ଫେଲ୍ ମାରିଛି;

ସାଧରଣ ଭାବେ ବ୍ୟବହାର ହେଉଥିବା ଆଣ୍ଟି-ଡାଇବେଟିକ୍, ଆଣ୍ଟି-ବାଓଟିକ୍, କ୍ୟାଲସିୟମ ଏବଂ ହୃଦଘାତ ଜନିତ ଔଷଧ ତାଲିକାରେ ରହିଛି । ସେହିପରି ମଲ୍ଟିଭିଟାମିନ୍ ଔଷଧ ଠାରୁ HIV ପାଇଁ ବ୍ୟବହାର ହେଉଥିବା ମେଡିସିନ ରିଟୋନାଭିର୍ ସାମିଲ ରହିଛି । ଏହି ଲିଷ୍ଟରେ ବାତ ମାରିବା ଔଷଧ ଗାବାପେଣ୍ଟିନ୍, ଉଚ୍ଚ ରକ୍ତଚାପ ଔଷଧ ଟେଲମିସେର୍ଟନ, ମଧୁମେହ ଔଷଧ ଗ୍ଲିମପିରିଇଡ୍ ଏବଂ ମେଟାଫର୍ମିନ୍ ଆଦି ମେଡିସିନ ସାମିଲ ରାହିଛି ।

ସେହିପରି ଆଇରନ୍ ଏବଂ ଫାଲିକ୍ ଏସିଡ୍ ଟାବଲେଟ୍, ପ୍ରୋ-ବାଓଟେକ୍ସର ଅଧିକାଂଶ ମଲ୍ଟିଭିଟାମିନ୍ ଔଷଧ ମାନକ ପରୀକ୍ଷଣ ଫେଲ୍ ତାଲିକାରେ ରହିଛି । ଭିଟାମିନ୍ C ଭିଟାମିନ୍ B12, ଫାଲିକ୍ ଏସିଡ୍, ଆମୋକ୍ସିସିଲିନ୍, କୈଶ୍ଲିୟମ ଏବଂ ଭିଟାମିନ୍ D3 ଆଦି ଟାବଲେଟ୍ ରହିଛି । ସେହିପରି ମେସ୍ବକ୍ ଟୁଥପେଥ୍ ମଧ୍ୟ ରହିଛି ।

ଏହି ଔଷଧ ଗୁଡ଼ିକର ଟେଷ୍ଟିଂ ସମୟରେ ଗୁରୁତ୍ବପୂର୍ଣ୍ଣ ତଥ୍ୟ ସାମ୍ନାକୁ ଆସିଛି, ଏଥିରେ ବ୍ୟବହାର ହେଉଥିବା ସାମଗ୍ରୀ ଗୁଣବତ୍ତା ସ୍ତରରେ ଆସୁନାହିଁ । ଔଷଧର ଇନଗ୍ରୀଡିଏଣ୍ଟ ମାତ୍ରାରେ ହେରଫେର ହୋଇଥିବା ବେଳେ ଲେବିଲିଂରେ ମଧ୍ୟ ତ୍ରୁଟି ରହିଛି । ଫଳରେ ୪୮ଟି ଔଷଧ ଗୁଣବତ୍ତା ଟେଷ୍ଟିଂରେ ଫେଲ୍ ମାରିଛି । କିଛି ପୂର୍ବରୁ କେନ୍ଦ୍ର ସରକାର କ୍ବାଲିଟି ଟେଷ୍ଟିଂରେ ଫେଲ୍ ମାରିଥିବା ୧୮ ଫାର୍ମା କମ୍ପାନୀର ଚୁକ୍ତିନାମା ରଦ୍ଦ କରିଥିଲେ ।