ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶ୍ରୀମନ୍ଦିର ଉପରେ ଡ୍ରୋନ୍‌ ଉଡାଇବା ଘଟଣା : ଅପଲୋଡ ଭିଡିଓ ଡିଲିଟ୍‌ କଲେ ୟୁଟ୍ୟୁବର, ଆଉ ହାତଯୋଡି କ୍ଷମା ବି ମାଗିଲେ…
  • ||
  • ଅର୍ଚ୍ଚନା ନାଗ ଗିରଫ ମାମଲା, ଇଡିକୁ ସବୁ ତଥ୍ୟ ଦେଲା କମିଶନରେଟ୍‌ ପୋଲିସ
  • ||
  • ଧର୍ମଗଡ଼ : ଦୁର୍ଘଟଣାଗ୍ରସ୍ତ ଟ୍ୟାଙ୍କରରୁ ଗ୍ୟାସ୍‌ ଲିକ୍‌, ଯାତାୟତ ବାଧାପ୍ରାପ୍ତ
  • ||

ବିଶ୍ବର ସବୁଠୁ ବଡ କ୍ରୁଜ୍‌ରେ କରୋନା ବିସ୍ଫୋରଣ, ୪୮ ଯାତ୍ରୀ ପଜିଟିଭ୍ ଚିହ୍ନଟ

21/12/2021 at 1:53 PM

ମିୟାମି ୨୧।୧୨: ବିଶ୍ବର ସବୁଠୁ ବଡ କ୍ରୁଜ୍ ଜାହାଜ ରୟାଲ କାରବିଆନର ସିମ୍ପୋନୀ ଅଫ୍ ଦ ସି ରେ ୪୮ ଜଣ କରୋନା ସଂକ୍ରମିତ ହୋଇଛନ୍ତି । କ୍ରୁଜ୍ ଜାହାଜରେ କଡା କୋଭିଡ୍ ନିୟମ ପାଳନ ସତ୍ତ୍ବେ କରୋନା ପସିଛି । ଜାହାଜରେ ୬ ହଜାରରୁ ଅଧିକ ଯାତ୍ରୀ ରହିଥିଲେ । ଏଇ ସପ୍ତାହର ଶେଷରେ ମିୟାମିରୁ ଏହା ଯାତ୍ରା ଆରମ୍ଭ କରିଥିଲା ।

ରୟାଲ କାରବିଆନର ସଞ୍ଚାଳକ ଏକ ଗଣମାଧ୍ୟମକୁ ସୂଚନା ଦେଇଛନ୍ତି ଯେ, କ୍ରୁଜରେ କଡା କୋଭିଡ୍ କଟକଣା ସତ୍ତ୍ବେ କରୋନା ସଂକ୍ରମଣ ହୋଇଛି । ଜଣେ ଯାତ୍ରୀଙ୍କ କରୋନା ପରୀକ୍ଷା ହେବା ପରେ ପଜିଟିଭ୍ ଚିହ୍ନଟ ହୋଇଥିଲେ । ପରେ ତାଙ୍କ କଣ୍ଟାକ୍ଟରେ ଆସିଥିବା ଯାତ୍ରୀଙ୍କର ଟେଷ୍ଟ କରାଯାଇଥିଲା । ସେମାନଙ୍କ ମଧ୍ୟରୁ ୪୮ ଜଣଙ୍କର ରିପୋର୍ଟ ପଜିଟିଭ୍ ଆସିଛି ।

ଜାହାଜରେ ଥିବା ଯାତ୍ରୀଙ୍କ ମଧ୍ୟରୁ ୯୫ ପ୍ରତିଶତ ଯାତ୍ରୀ ଟିକା ନେଇସାରିଥିଲେ । ଯେଉଁମାନେ ପଜିଟିଭ୍ ହୋଇଛନ୍ତି ସେମାନଙ୍କ ମଧ୍ୟରୁ ୯୮ ପ୍ରତିଶତ ଯାତ୍ରୀଙ୍କୁ ମଧ୍ୟ ଟିକା ଦିଆଯାଇସାରିଥିଲା ।

କ୍ରୁଜରେ ସଂକ୍ରମିତ ଥିବା ଯାତ୍ରୀଙ୍କଠାରେ ଓମିକ୍ରନ୍ ଭାରିଆଣ୍ଟ ରହିଛି ନା ଅନ୍ୟ କୌଣସି ଭାରିଆଣ୍ଟ ତାହା ସ୍ପଷ୍ଟ ହୋଇନାହିଁ । କରୋନା ସଂକ୍ରମିତ ଚିହ୍ନଟ ପରେ କ୍ରୁଜରେ ଥିବା ସମସ୍ତ ଯାତ୍ରୀଙ୍କୁ କ୍ବାରେଣ୍ଟାଇନ୍ କରାଯାଇଛି । ସୁରକ୍ଷା ବ୍ୟବସ୍ଥାକୁ କଡାକଡି କରିଦିଆଯାଇଛି । ରୟାଲ କାରବିଆନ ପକ୍ଷରୁ ସୂଚନା ମିଳିଛି ଯେ, ପଜିଟିଭ୍ ଚିହ୍ନଟ ହୋଇଥିବା ସମସ୍ତ ଯାତ୍ରୀଙ୍କଠାରେ ସାମାନ୍ୟ ଲକ୍ଷଣ ରହିଛି । ସେମାନଙ୍କ ସ୍ବାସ୍ଥ୍ୟାବସ୍ଥା ଉପରେ କଡା ନଜର ରଖାଯାଇଛି ।

   Related Posts