ନୂଆଦିଲ୍ଲୀ ୩୦।୦୯:  ସାଧାରଣତଃ ଗାଈ, ମଇଁଷିଙ୍କୁ ଲୋକମାନେ ଘରେ ରଖିଥାନ୍ତି । ଏମାନଙ୍କ ଦୁଗ୍ଧରୁ ଦହି, ଛେନା ଓ ଘିଅ ତିଆରି କରି ଟଙ୍କା ରୋଜଗାର କରିଥାନ୍ତି ଗୋପାଳକ । ଏମାନଙ୍କ ଖାଦ୍ୟ ସାଧାରଣତଃ ଘାସ, କୁଣ୍ଡା ଚୋକଡ ହୋଇଥାଏ ।

କିନ୍ତୁ କେବେ ଶୁଣିଛନ୍ତି ମଇଁଷି ଗାଜର ଖାଇବା । ସେ ପୁଣି ଦିନକୁ ୪୦କେଜି । ଶୁଣି ନିଶ୍ଚୟ ଟିକେ ଅଜବ ଲାଗୁଥିବ । କିନ୍ତୁ ଆଜି ଆମେ ହରିଆଣାର ଜଣେ ମଇଁଷି ପାଳକଙ୍କ ବିଷୟରେ କହିବାକୁ ଯାଉଛୁ , ଯିଏକି ତାଙ୍କ ମଇଁଷି ପାଇଁ ଚର୍ଚ୍ଚାରେ । ହରିଆଣାର ଏହି ମଇଁଷି ପାଳକ ନିଜ ମଇଁଷିକୁ ଗାଜର ଖାଇବାକୁ ଦେଇ ଚର୍ଚ୍ଚାକୁ ଆସିଛନ୍ତି ।   

ମଇଁଷିଟି କେବଳ ଦିନକୁ ୪୦ କିଲୋ ଗାଜର ଖାଇଥାଏ ତା ନୁହେଁ ସେ ଅନେକ ସୌନ୍ଦର୍ଯ୍ୟ ପ୍ରତିଯୋଗିତାରେ ଭାଗ ନେଇଛି । ଏମତିକି ପ୍ରତିଯୋଗିତା ଜିତିଛି । ମଇଁଷିର ନାଁ ହେଉଛି ଧର୍ମା ।  ସେ ଦିନକୁ ୧୫ ଲିଟର ଖିର ଦେଉଛି । ତାକୁ ଲାଳନ ପାଳନ କରୁଛନ୍ତି ହରିଆଣାର ଭିବାନୀ ଜୁଇ ଗ୍ରାମର ସଞ୍ଜୟ । ୩ ବର୍ଷ ହେଲା ଧର୍ମା ସଞ୍ଜୟଙ୍କ ପାଖରେ ରହିଛି । ସଞ୍ଜୟ ତାଙ୍କ ମଇଁଷିକୁ ନିଜ ଛୁଆ ‌ଭଳି ପାଳିଛନ୍ତି ।

ସଞ୍ଜୟଙ୍କ କହିବା ଅନୁଯାୟୀ ଧର୍ମାକୁ ଲୋକେ ୪୬ ଲକ୍ଷ ଟଙ୍କା ଦେଇ ନେବକୁ ବି ରାଜି ଅଛନ୍ତି । ହେଲେ ସେ ୬୧ ଲକ୍ଷ ଟଙ୍କା ନଦେଲେ ନିଜ ମଇଁଷିକୁ ବିକିବେନି । ଧର୍ମା ଜନ୍ମଠାରୁ ସଞ୍ଜୟଙ୍କ ପାଖରେ ରହିଛି । ସେ ସବୁବେଳେ ସବୁଜ ପରିବା ଖାଇଥାଏ ।

ତାର ମୁଖ୍ୟ ଖାଦ୍ୟ ହେଉଛି ଗାଜର । ତେବେ ଧର୍ମା ପଞ୍ଜାବ ଓ ୟୁପିରେ ହୋଇଥିବା ଅନେକ ‌‌ସୌନ୍ଦର୍ଯ୍ୟ ପ୍ରତିଯୋଗିତାରେ ଭାଗ ନେଇ ଜିତିବା ପରେ ନିଜ ସୌନ୍ଦର୍ଯ୍ୟର ପ୍ରମାଣ ଦେଇ ସାରିଛନ୍ତି ।

You Can Read: