କଟକ ୩|୧୧:  ବାଙ୍କୀ ତହସିଲଦାରଙ୍କ ବୈଦେଶ୍ବର ବାଲି ଘାଟରୁ ବିଭିନ୍ନ ଅଞ୍ଚଳକୁ ଚୋରାରେ ବାଲି ଚାଲାଣ ହେଉଥିବାବେଳେ ୪ଟି ବାଲି ବୋଝେଇ ଟ୍ରାକ୍ଟର ଜବତ ହୋଇଛି । ନିକଟସ୍ଥ ବୈଦେଶ୍ବର ଥାନାକୁ ହସ୍ତାନ୍ତର କରାଯାଇଛି। ବୈଦେଶ୍ବର ବାଲି ଘାଟଟି ଚଳିତ ବର୍ଷ କୌଣସି କାରଣରୁ ନିଲାମ ବନ୍ଦ ଥିବାରୁ ଏହି ବାଲି ଘାଟରୁ ଚୋରାରେ ବାଲି ଚାଲାଣ ହେଉଥିବା ଖବର ପାଇ ଆଜି ଅଚାନକ ବାଙ୍କୀ ତାହାସିଦାର ଚଢ଼ାଉ କରିଥିଲେ । ଚଢାଉ ବେଳେ ୪ଟି ଚୋରା ବାଲିଚାଲାଣ ଟ୍ରାକ୍ଟରକୁ ଜବତ କରିଛନ୍ତି । ସେମାନଙ୍କଠାରୁ ଜରିମାନା ଆଦାୟ କରି ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ତହସିଲଦାର ସୂଚନା ଦେଇଛନ୍ତି ।