Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସିନ୍ଧେକେଲା ଥାନା ଆଇଆଇସି ଗିରଫ, ୨୫ ହଜାର ଲାଞ୍ଚ ନେଉଥିବା ବେଳେ ଧରିଥିଲା ଭିଜିଲାନ୍ସ
  • ||
  • ଧର୍ମଗଡ: ଭାରସାମ୍ୟ ହରାଇ ଗଛରେ ପିଟିଲା ମିନିଟ୍ରକ, ଦୁର୍ଘଟଣାରେ ଜଣେ ମୃତ
  • ||
  • ଜାଡ଼ରେ ଥରୁଛି ରାଜ୍ୟ, କୋରାପୁଟରେ ତଳକୁ ଖସିଲା ପାରଦ
  • ||
  • ମୋହନା: ଗୋଷ୍ଠୀ କେନ୍ଦ୍ର ପଛପଟେ ପଡ଼ିଛି କୁଢ଼ କୁଢ଼ ଔଷଧ, ବୈଧତା ଥାଇ ବି ଫୋପାଡିଦେଲେ
  • ||
  • ପାଟଣା ରେଞ୍ଜରେ ଘୁରି ବୁଲୁଛନ୍ତି ହାତୀପଲ, ଧାନ ଫସଲ ନଷ୍ଟ ସହ ଖାଇଗଲେ ଶହ ଶହ ଧାନ ବିଡା
  • ||
  • ନିଶ୍ଚିତକୋଇଲି: ବିଳମ୍ବିତ ରାତିରେ ମାତିଲେ ଡକାୟତ, ଚୋରି କରିବାକୁ ଆସି ନେଇଗଲେ ଜୀବନ
  • ||

CISF ଯବାନଙ୍କ ଗୁଳିରେ ୪ ମୃତ, କୋଇଲା ଚୋରି କରିବାକୁ ଆସିଥିବା ବେଳେ ଗୁଳିମାଡ଼ ହୋଇଥିବା ଅଭିଯୋଗ

20/11/2022 at 12:08 PM

ଧନବାଦ: CISF ଗୁଳିରେ ୪ ଯୁବକଙ୍କ ମୃତ୍ୟୁ । ଘଟଣାରେ ୪ ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇଜଣ ଗୁରୁତର ଆହତ ହୋଇଛନ୍ତି। ଝାରଖଣ୍ଡ ଧନବାଦ ଜିଲ୍ଲା କତରାସ ସ୍ଥିତ ବାଘମରା ଥାନା ଅନ୍ତର୍ଗତ ବ୍ଲକ-୨ ବେନିଡିହୀ ସାଇଡିଂରେ ଶନିବାର ଏହି ଦୁର୍ଘଟଣା ଘଟିଛି। ମୃତକମାନେ କୋଇଲା ଚୋର ବୋଲି କୁହାଯାଉଛି।

ଘଟଣାରେ ମୃତ୍ୟୁ ହୋଇଥିବା ୪ ଯୁବକଙ୍କ ପରିଚୟ ମିଳିଛି। ମୃତଦେହ ବ୍ୟବଚ୍ଛେଦ ପାଇଁ ଶହୀଦ ନିର୍ମଳ ମହତୋ ମେଡିକାଲ କଲେଜ ଓ ହସ୍‌ପିଟାଲକୁ ଅଣାଯାଇଛି। ମୃତକମାନେ ହେଲେ- ତେଲୋଟାଣ୍ଡ ନିବାସୀ ପ୍ରୀତମ ଚୌହ୍ୱାନ, ସଜ୍ଜାଦ ଖାନ, ଶାହଜାଦ ଖାନ ଓ ଅତାଉଲ ଅନ୍‌ସାରୀ। ଏମାନଙ୍କର ବୟସ ୨୦-୨୫ ଭିତରେ ହେବ ବୋଲି ଜଣାପଡ଼ିଛି।

ସୂଚନା ଅନୁସାରେ ବେରୋଜଗାରୀ କାରଣୁ ଏମାନେ କୋଇଲା ଚୋରି କରୁଥିଲେ। ଘଟଣାରେ ଆହତ ହୋଇଥିବା ଯୁବକଙ୍କ ପରିବାରର ଆର୍ଥିକ ସ୍ଥିତି ବି ଅତି ଗମ୍ଭୀର ଥିବା ଜଣାପଡ଼ିଛି।

ସୂଚନା ଥାଉକି ଖଣୀରୁ କୋଇଲା ଉତ୍ପାଦନ ହେବା ପରେ ଏହି ବେନିଡିହୀ ସାଇଡିଂରେ ଠୁଳ କରାଯାଇଥାଏ। ଏହିଠାରୁ ହିଁ ଲୋଡିଂ ହୋଇଯାଇଥାଏ। ଶନିବାର ରାତିରେ ଯୁବକମାନେ ବାଇକ୍‌ରେ ଆସି କୋଇଲା ଚୋରି କରିବାକୁ ଲୋଡିଂ ପଏଣ୍ଟରେ ଆସି ପହଞ୍ଚିଥିଲେ। ହେଲେ CISF ଯବାନମାନେ ଏମାନଙ୍କୁ ରୋକିବାରୁ ଯୁବକମାନେ ମାରପିଟ୍ କରିବା ଆରମ୍ଭ କରିଦେଇଥିଲେ। ଯବାନଙ୍କ ହାତରୁ ବନ୍ଧୁକ ଛଡ଼ାଇବାକୁ ଚେଷ୍ଟା କରିଥିଲେ ବୋଲି CISF ଅଭିଯୋଗ କରିଛି। ଏହାପରେ ପଥରମାଡ଼ ହେବା ପରେ ଉଭୟ ପକ୍ଷରୁ ଗୁଳିକାଣ୍ଡ ହୋଇ ୪ ଜଣଙ୍କର ମୃତ୍ୟୁ ହୋଇଛି। ଘଟଣାରେ ଏଫ୍‌ଆଇର୍ ରୁଜୁ କରି ପୁଲିସ ତଦନ୍ତ ଆରମ୍ଭ କରିଥିବା ବେଳେ ଏସ୍‌ଆଇଟି ଗଠନ କରାଯାଇ ତଦନ୍ତ କରାଯିବ ବୋଲି ଏସ୍‌ଏସ୍‌ପି କହିଛନ୍ତି।

   Related Posts