ଉଦଳା: ଜଙ୍ଗଲୀ ଜନ୍ତୁ ଏବେ ଜନବସତି ମୁହାଁ ହେଉଛନ୍ତି । ଆଉ ଜନବସତିରେ ପଶିବା ପରେ କୁକୁରଙ୍କ ଆକ୍ରମଣରେ ଗୋଟିଏ ହରିଣ ଗୁରୁତର ହୋଇଛି । ହରିଣଟିକୁ କୁକୁରାମାନେ ଝୁଣି ପକାଇବାକୁ ଚେଷ୍ଟା କରିଥିବା ବେଳେ ହରିଣଟି ତାଙ୍କ କବଳରୁ ବର୍ତ୍ତି ଆସିଛି । ଘଟଣାଟି ଉଦଳା ବନାଂଚଳ ଅଧିନ ଖିରପଦା ଗ୍ରାମରେ ଘଟିଛି ।
ଆଜି ଗୋଟିଏ ହରିଣ ଜଙ୍ଗଲରୁ ଖିରପଦା ଗାଁକୁ ଆସି ଯାଇଥିଲା। ତେବେ ଚାରି ବୁଲା କୁକୁର ହରିଣଟିକୁ ଆକ୍ରମଣ କରିବା ସହିତ କାମୁଡିଥିଲେ । ହରିଣଟି କୁକୁରଙ୍କ ସଂଘବଦ୍ଧ ଆକ୍ରମଣରେ ଗୁରୁତର ହେବା ସହିତ ସେଠାରୁ ଖସି ଆସିଥିଲା । ଖବର ପାଇ ଉଦଳା ବନ ବିଭାଗ ଘଟଣାସ୍ଥଳରେ ପହଂଚି ଗୁରୁତର ହରିଣକୁ ଉଦ୍ଧାର କରି ଚିକିତ୍ସା ନିମନ୍ତେ ଉଦଳା ପଶୁ ଡାକ୍ତରଖାନାରେ ଭର୍ତ୍ତି କରିଛନ୍ତି ।
ଶିମିଳିପାଳରେ ନିଆଁ ଲାଗିବା ସହିତ ବାରମ୍ବାର ବନ୍ୟଜନ୍ତୁ ଶିକାର ହେଉଥିବାରୁ ଶିମିଳିପାଳ ଏବେ ଜନ୍ତୁଙ୍କ ପାଇଁ ଅସୁରକ୍ଷିତ ହୋଇ ପଡିଛି । ତେଣୁ ବନ୍ୟଜନ୍ତୁ ଜନବସତି ମୁହାଁ ହେଉଛନ୍ତି । ପୂର୍ବରୁ ମଧ୍ୟ ଗୋଟିଏ ହରିଣ ଜନବସତିକୁ ଆସିବା ପରେ ତାକୁ ବନ ବିଭାଗ ଉଦ୍ଧାର କରିଥିଲେ ସୁଦ୍ଧା ତାହାର ମୃତ୍ୟୁ ହୋଇଥିଲା । ବାରମ୍ୱାର ଏପରି ଘଟଣା ଏବେ ବନ ବିଭାଗର ପରିବାପଣିଆ ଉପରେ ପ୍ରଶ୍ନବାଚୀ ଲଗାଇଛି ।
