scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଖସୁଛି କରୋନା ଗ୍ରାଫ, ଦେଶରେ ଗତ ୨୪ଘଣ୍ଟାରେ ୩୬୬୦୪ ନୂଆ କୋଭିଡ଼ ଆକ୍ରାନ୍ତ ଚିହ୍ନଟ

2/12/2020 at 10:52 AM

ନୂଆଦିଲ୍ଲୀ ୦୨।୧୨: ଭାରତ ସହିତ ସାରାବିଶ୍ୱରେ କରୋନା ଭାଇରସର ସଂକ୍ରମଣର ଗ୍ରାଫ ହ୍ରାସ ପାଇବାରେ ଲାଗିଛି । ଭାରତରେ ମଧ୍ୟ କରୋନା ସଂକ୍ରମଣ କେତେବେଳେ ବଢୁଛି ତ କେବେଳେ କମିବାର ରେକର୍ଡ କରାଯାଉଛି । ମଙ୍ଗଳବାର ଦିନ ତୁଳନାରେ ଭାଇରସର ଦୈନିକ ସଂକ୍ରମଣରେ ହ୍ରାସ ପାଇଛି । ମଙ୍ଗଳବାର ଦିନ ୩୧,୧୧୮ ଆକ୍ରାନ୍ତ ଚିହ୍ନଟ ହେଇଥିବା ବେଳେ ବୁଧବାର ଦିନ ୩୬,୬୦୪ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ଗତ ୨୪ଘଣ୍ଟାରେ ୫୦୧ଜଣଙ୍କ ମୃତ୍ୟୁ ହୋଇଛି । ଭାରତରେ କରୋନା ଆକ୍ରାନ୍ତଙ୍କ ସଂଖ୍ୟା ୯୫ ଲକ୍ଷ ନିକଟତର ହୋଇଛି । ସେପଟେ ସାରାବିଶ୍ୱରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୬,୪୧,୯୪,୬୭୪ରେ ପହଞ୍ଚିଛି । ଭାଇରସରେ ବର୍ତ୍ତମାନ ପର୍ଯ୍ୟନ୍ତ ୧୪,୮୬,୮୨୯ଲୋକଙ୍କ ମୃତ୍ୟୁ ହୋଇଯାଇଛି । ମୋଟ ସୁସ୍ଥ ହୋଇଥିବା ଆକ୍ରାନ୍ତଙ୍କ ସଂଖ୍ୟା ୪,୪୪,୪୧,୨୪୯ରେ ପହଞ୍ଚିଛି ।

କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ, ଗତ ୨୪ଘଣ୍ଟାରେ ଦେଶରେ କରୋନା ଭାଇରସର ୩୬,୬୦୪ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୫୦୧ଜଣଙ୍କ ମୃତ୍ୟୁ ହୋଇଯାଇଛି । ଦେଶରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୯୪,୯୯,୪୧୪ ପହଞ୍ଚିଛି । ସେହିପରି ଦେଶରେ ମୋଟ ମୃତକଙ୍କ ସଂଖ୍ୟା ୧,୩୮,୧୨୨ରେ ପହଞ୍ଚିଛି । ଦେଶରେ କରୋନାରୁ ସୁସ୍ଥ ହୋଇଥିବା ଆକ୍ରାନ୍ତଙ୍କ ସଂଖ୍ୟା ୮୯ଲକ୍ଷ ଅତିକ୍ରମ କରିଛନ୍ତି । ବର୍ତ୍ତମାନ ଦେଶରେ ୮୯,୩୨,୬୪୭ରେ ପହଞ୍ଚିଛି । ଗତ ୨୪ଘଣ୍ଟା ମଧ୍ୟରେ ୪୩,୦୬୨ ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି । ଏବେ ଦେଶରେ କୋଭିଡ଼ ସଂକ୍ରମଣର ଆକ୍ଟିଭ କେସ୍‌ ସଂଖ୍ୟା ୪,୨୮,୬୪୪ରେ ପହଞ୍ଚିଛି ।   

   Related Posts