ପାଟଣା ୦୨।୦୬: କରୋନା ସଂକ୍ରମଣକୁ ରୋକିବା ପାଇଁ ସରପଞ୍ଚଙ୍କୁ ଜିଲ୍ଲାପାଳଙ୍କ କ୍ଷମତା ଦିଆଯାଇଛି । ଏହି କ୍ଷମତା ବଳୟରେ ସରପଞ୍ଚ କରୋନା ସଂକ୍ରମଣରୁ ନିଜ ଅଞ୍ଚଳକୁ ରକ୍ଷାକରିବା ପାଇଁ ସଟ୍ଡାଉନ୍ ଘାେଷଣା କରୁଛନ୍ତି । କେନ୍ଦୁଝର ଜିଲ୍ଲା ପାଟଣା ବ୍ଲକ ଏରେଣ୍ଡେଇ ପଞ୍ଚାୟତ କୁ ୩୬ଘଣ୍ଟା ସଟ୍ ଡାଉନ୍ ଘୋଷଣା କରାଯାଇଛି । ଏରେଣ୍ଡେଇ ସରପଞ୍ଚ ପାର୍ବତୀ ଦେହୁରୀ ସଟ୍ଡାଉନ୍ ଘୋଷଣା କରିଛନ୍ତି ।
{"id":280043,"sizeSlug":"large"}ମହାରାଷ୍ଟ୍ରରୁ ଅନ୍ୟମାନଙ୍କ ଅଜାଣତରେ ଏରେଣ୍ଡେଇ ଗ୍ରାମକୁ ଫେରିଥିବା ଜଣେ ପ୍ରବାସୀ ବହୁ ଲୋକଙ୍କ ସହ ମିଳାମିଶା କରିଥିବା ଖବର ମିଳିବା ପରେ ପିଇଓ ସୁଧାଂଶୁ ପାଇକିରାୟ ଓ ଗ୍ରାମରୋଜଗାର ସେବକ ତ୍ରିନାଥ ମହାନ୍ତ ଉକ୍ତ ପ୍ରବାସୀ ଯୁବକଙ୍କୁ ଠାବ କରି ପଞ୍ଚାୟତ ସଙ୍ଗରୋଧ କେନ୍ଦ୍ରରେ ରଖିଛନ୍ତି । ପଞ୍ଚାୟତ ପକ୍ଷରୁ ଗ୍ରାମକୁ ସାନିଟାଇଜେସନ୍ କରିବା ପାଇଁ ଅଗ୍ନିଶମ ବିଭାଗକୁ କୁହାଯାଇଛି । ସରପଞ୍ଚ ପଞ୍ଚାୟତ ମୁଖ୍ୟାଳୟ ଏରେଣ୍ଡେଇ ଗ୍ରାମକୁ ୩୬ ଘଣ୍ଟା ସଟ୍ ଡାଉନ୍ ଘୋଷଣା କରିଛନ୍ତି।