ସମ୍ବଲପୁର ୧୧|୧: ସମ୍ବଲପୁର ବିଶ୍ବବିଦ୍ୟାଳୟ ପରିସରରେ ଚାଲିଛି ଜୁଆନ୍ ପରବ୍ -୨୦୧୯ । ୪ଦିନ ଧରି ବିଶ୍ବବିଦ୍ୟାଳୟ ପରିସରରେ ଚାଲିଛି ସାଂସ୍କୃତିକ ମହାକୁମ୍ଭ । ୬ଟି ରାଜ୍ୟରୁ ୩୨ ବିଶ୍ବ ବିଦ୍ୟାଳୟରୁ ଆସିଥିବା ୧୨ଶହରୁ ଅଧିକ ଛାତ୍ରଛାତ୍ରୀଙ୍କ ମଧ୍ୟରେ ଚାଲିଛି ସାଂସ୍କୃତିକ ଭାବର ଆଦାନ ପ୍ରଦାନ ।
{"id":72749}![](https://www.prameyanews7.com/wp-content/uploads/2019/01/vlcsnap-2019-01-11-15h55m56s168.jpg)
ସମ୍ବଲପୁର ବିଶ୍ବବିଦ୍ୟାଳୟ ଜ୍ୟୋତି ବିହାର ପରିସର ନୃତ୍ୟଗୀତରେ ଦୁଲ୍କୁଛି। ଶୀତୁଆ ସଂନ୍ଧ୍ୟାକୁ ଉଷ୍ମ କରୁଛି ଯୁବକଳାକାରଙ୍କ ନିଖୁଣ ଦଳଗତ ନୃତ୍ୟ । ୩୪ ତମ ଇଣ୍ଟର ୟୁନିଭରସିଟି ସେଣ୍ଟ୍ରାଲ୍ ଜୋନ୍ ୟୁଥ୍ ଫେଷ୍ଟିଭାଲ ଫୁଲ୍ ଜମୁଛି । ୬ଟି ରାଜ୍ୟର ୩୨ଟି ବିଶ୍ବ ବିଦ୍ୟାଳୟର ପ୍ରାୟ ୧୨ଶହ ଛାତ୍ରଛାତ୍ରୀ ସାମିଲ୍ ହୋଇଛନ୍ତି ଜୁଆନ୍ ପରବ ରେ । ମୁକ୍ତାକାଶ ମଞ୍ଚରେ ସକାଳୁ ବିଳମ୍ବିତ ରାତି ଯାଏଁ ଚିତ୍ରାଙ୍କନ,ବ୍ୟଙ୍ଗ, ମିମକ୍ରି ଚାଲୁଛି । ବିଭିନ୍ନ ରାଜ୍ୟର ପାରମ୍ପରିକ ନୃତ୍ୟ ମନଜିଣୁଛି ।ଏହା ସହ ସମ୍ବଲପୁରୀ ବି ବାନ୍ଧି ରଖୁଛି ସମସ୍ତଙ୍କୁ ।
{"id":72750}![](https://www.prameyanews7.com/wp-content/uploads/2019/01/vlcsnap-2019-01-11-15h55m39s741.jpg)
ବିଶ୍ବବିଦ୍ୟାଳୟ ପରିସରରେ ବିଭିନ୍ନ ଭାଷା,ସଂସ୍କୃତି, ପରମ୍ପରାର ଏକ ମିଶ୍ରିତ ଝଲକ୍ ଦେଖିବାକୁ ମିଳିଛି। ଛାତ୍ରଛାତ୍ରୀଙ୍କ ମଧ୍ୟରେ ଭାବର ଆଦାନ ପ୍ରଦାନ ହେଉଛି । ନିତିଦିନିଆ ପାଠପଢାର ଚାପରୁ ମୁକ୍ତ ହୋଇ ସମସ୍ତେ ମଜ୍ଜା ମାରିବାରେ ବ୍ୟସ୍ତ । , ପରିବେଶର ଭରପୁର ମଜ୍ଜା ନେଉଥିବା ଦେଖିବାକୁ ମିଳିଛି । ସମ୍ବଲପୁର ବିଶ୍ବବିଦ୍ୟାଳୟ ପରିସର ଏବେ ଯେମିତି ଏକ ମିନି ଇଣ୍ଡିଆରେ ପରିଣତହେଲା ଭଳି ଅନୁଭବ ହେଉଛି ।
{"id":72751}![](https://www.prameyanews7.com/wp-content/uploads/2019/01/vlcsnap-2019-01-11-15h56m14s207.jpg)
ସମ୍ବଲପୁର ବିଶ୍ବବିଦ୍ୟାଳୟ ପରିସରରେ ଆୟୋଜିତ ଏହି ଯୁବ ମେଳା ଜୁଆନ୍ ପରବ୍ ର ଆଜି ଶେଷ ସଂନ୍ଧ୍ୟା ।ଆଜି କ୍ୟାମ୍ପ୍ ଫାୟାର କାର୍ଯ୍ୟକ୍ରମ ଆୟୋଜିତ ହେବ। ଆସନ୍ତାକାଲି ଠାରୁ ଛାତ୍ରଛାତ୍ରୀ ମାନେ ନିଜ ନିଜ କ୍ୟାମ୍ପସ୍କୁ ଫେରିବା ସହ, ଅପେକ୍ଷା କରିବାକୁ ପଡିବ ପୁଣି ଆଉ ଏକ ସାଂସ୍କୃତିକ ମହାକୁମ୍ଭକୁ ।